رواية : كاريزما ✨.
للكاتبة : Nona Alsebhawy
الحلقة السابعـة "
فالكافـي تبع المستشفي
انا : شباب خيركم تفاءلو شويه
نصر : ولله خايف علييه
انا : كلنا هكي بس صبرآ جميلآ والله المستعان
نصر : والنعم بالله
عامر : يارب نتائج حلوه تفرح
كلنا : امين يارب
انا : حاسه بـ احساس حلوو
عامر : انشالله خير
نصر : تلفونه رن : ايواا
علاء : تعالا التحليل تواا
نصر : جايين ..وسكرر وتنهد ...
عامر : شن فيه
نصر : التحليل توا وعلاء كلمني
انا : خشو انتو وانا انجيبها وانجي
نصر : اوكي
وركبو لغرفه علاء وانا كل خطوة نخطوها ندعي
انا : السلام عليكم ممرضه
ممرضه : وعليكم السلام تفضلي
انا : نبي تحليل المريض علاء .....
ممرضه : اي اهيا توا طلعت مدتهالي شفتها
انا : معليش مفهمتش ولا حرف شن طلع بالله اعليك
الممرضه : ابتسمت وقرتها : احم تم الشفاء وتعافى من الورم وصحته ميه فالميه ومدتهالي
انا : معرفتش شن اندير قعدت نبكي : شكرا
وطلعت نجري وركبت للغرفه وبطئت خطواتي نشهق وخشيت كلهم مقعمزين يشوفولي
عامر : متقوليهاش
نصر : شن صار
انا : نشهق من البكي وحضنت علاء : علاء
علاء : توتر : احكيي
انا : علاااء تعاافيييييت ياعلاء وربيييي تعافييت
نصر وعامر : وقفو من الصدمه والفرحه...
علاء : مصدوم : تحكي جد
انا : شوف التحليل لو مكدبني ومشيت حضنت عامر ونصر يبكو فرحانين وحضنو علاء
علاء : من الفرحه يبكي بالعبره وحط يديه ع وجهه : الحمدلله يارب الحمدلله
نصر : الحمدلله ع السلامه ياصاحبي
عامر : الحمدلله ع السليمه خويا
علاء : مسح دموعه : الله يسلمكم وربي مافيش كيفكم يااصحابي ولله انكم قدر وتوقفو فالضيقه والشده وانكم حق تريس ورجاله الزمن هادا نادر ماتلقا اصحاب هكي بس حق الله ماننسا وقفتكم معاي ومواساتكم ليا ف مرضتي وفي ضيقتي وحزني وف وجعي وهمي ولله نموت ومانقدر انرد جميلكم اهوا وحت انتي ياتوركان شكيت فيك وجرحتك وهزبتك وقللت من قيمتك بس بعد هدا كله والسنين كلها رجعتي وسامحتيني ووقفتي معاي وساعدتيني ونصحتيني ووعيتيني ع حاجات هلبا وف عمري كله ماشفت بنت هكي وفعلا ب مية راجل ولنقنك بنت راجل اقسم بالله وكلكم مش حننسى جميلكم وحندكره طول عمري حنحكي بيكم وانا رافع راسي وانقول هادو اصحابي اللي مايسواهم حد ولا عمره حيجي مكانهم حد ..
نصر وعامر : حضنوه : عارفينك وانت خونا قبل ماتكون صديق ووو
انا : حضنته : الحمدلله ع السلامه ياغالي وانشالله الف لاباس
علاء : تسلمي يارب
عامر : ها شني مني
علاء : بنروحو للحوش
وطلعنا بالسياره فرحانين ونزلنا للحوش وفرحنا العيله وداروله عزومه كبيره اصحابه وامه والخ ....
بعد يومين
فالمطعم
انا : انت متقوليش علاش متنكد
علاء : امكبد ع وحده ووقف
انا : غير قعمز واحكيلي من
علاء : خوله اخت نصر
انا : ضحكت : اختيار موفق بس قوللي علاش منكد
علاء : نبي نحكي معاها ونعترفلها
انا : به خليها عليا انكلمها ونعطيها رقمك
علاء: منوره بس متقوليش لحد
انا : عيب عليك
علاء : لا ولله مش هكي بس تنبيه
انا : باهي
علاء : وحت عامر
انا : خزييي انا اخر من يعلم
علاء : ولله مدخلنيش انا بس قاعد يتفرج ع الكبيده هوا
انا : وينه
علاء : اهوا ع الكرسي بجنب الباب غير مديريش شبهه
انا : احمم والتفتت بالشويه وتوترت: ?????? ورديت شفت لعلاء
انا : حي شافني
علاء : تؤتؤ من امبدري يشوفلك
انا : شن قصدك
علاء : قصدي واضح
انا : توترت : من امتا يا علاء
علاء : من فتره
انا : مش مقتنعه بلكي اعجاب
نصر : قعمز : خيركم توشوشو
انا : شبحتله : حقا اللي قاله علاء
نصر: شن قالك
علاء : احم ع موضوع عامر
نصر : سكت شويه : اي
انا : وقفت بسرعه طلعت وطلع وراي عامر
عامر : توركان
انا : ......ركبت فالسياره
عامر : نحكي معاك انا ..وفتح الباب
انا : التفتت فيه عيوني بيدمعو : خيرك
عامر : انتي خيرك شن فيه
انا : انشوف لعيونه وساكته .......
عامر : ها
انا : كيف ماحكيتلي
عامر : على شني
انا : عليك انت
عامر : خيرني
انا : تحبني ? معجب بيا
عامر : سكت شويه : اي
انا : سكر الباب
عامر : ولله كنت بنقولك
انا : معادش نبي نسمع حاجه
عامر : توركان
انا : عامر خليني وسكر الباب
عامر : سكر الباب ووخر ويشوف فيا وانا طلعت بالسياره وروحت للحوش انفكر علاش ماقالش وانا انشوف فيهم كلهم خوتي قبل مايكونو اصدقائي وراسي صدع وشويه وحكيت مع خوله قلتلها ع علاء وكذا وتفهمت وطلع الشعور متبادل وعطيتها رقمه ووو .. المهم انا رجعت انفكر ف عامر بعدها قلت لا منقدرش ع مواضيع هكي وقلت انه هدا غلط ولميت شناطي وطلعت للمطار ومن حضي طلع فيه طياره لتركيه وبعد ساعه ركبت وبعد كم ساعه وصلت وتعبانه وكلمت المدرب وروح بيا لحوش وخشيت رقدت وبعد اسبوع وانا مسكره تلفوني بس حاسه بالدنب وانه غلط اللي درته وكدا
روحت من الشركه وتحصلت على ارباح وكدا
غيرت حوايجي وقعمزت نحس ف قلبي يدق بالقوه استغفرت اشويه والباب دق وقفت فتحته وانصدمت
انا : بصدمه : ءءا عامر
عامر : علاش هكي به درت حاجه غلط تسببتلك ف حاجه علاش سيبتيني وهربتي قصدك هدا ردك او خوف قوليلي بش نقلب وجهي مره وحده
انا : نرجف وعيوني يدمعو : لالا
عامر : مالا شني يقولوله
انا : مسحت دمعتي : خش
عامر : منخشش لو ماسمعتش الرد
انا : سكتت وانشوف لعيونه الدابلات .....
عامر : يوخر : اعتبرته رد ولف ....
انا : عامر وين ماشي
عامر : .....
انا : طلعت وجيت قدام وجهه لقيت وجهه احمر والدموع ع حزه عينه : وين ماشي
عامر : قلتلك نبي رد بس انتي مجاوبتيش وقبلها هربتي وسكرتي تلفونك ومرديتيش وانا جيتك لعند هنا خايف عليك نحسابك ضعتي او شن صاير فيك يابنتي افهمي انا انحبك وربي انحبك ليش تقهري فيا نبي رد منك بس ديما ساكته اانا ..وقطعت عليه
انا : حضنته : فكرت وكنت انفكر
عامر : وشن الناتج بعد هدا كله
انا : ايه هدا ردي
عامر : متأكده
انا : هزيت راسي
عامر: لف يديه ع خصري ودفن وجهه وتنهد براحه : الحمدلله
انا : وخرت : خش تعال
عامر :
..........
البارت الاخييير قريب .....
ŞİMDİ OKUDUĞUN
رواية كاريزما
Genel Kurguرواية : كاريزما ✨. للكاتبة : Nona Alsebhawy روايتي لليوم مش زي اي رواية كتبتها المره هدي رواية لأصحاب الكاريزما المؤثرين فالناس و للعلم الكاريزما انواع ومع الرواية حتعرفوهـم ( رواية مقتبسة من الواقع )
