فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 58

صبح صباح جديد ،ونهار جديد و احداث جديدة ..فاقت كيف لعادة غير هو هاد لمرة ما تابعها والو فايقة ناشطة والأهم انها فايقة بكري على غير عادتها  ..هابطة كتجري للتحت ..لقات بلقيس و جوزيف كيف ديما گالسين كيفطرو..
جوزيف:شنو سر هاد النشاط..ياكما فاتتنا شي حاجة لبارح
إيجا:هههه لا مافاتكم والو..غير انا فرحانة حيت هاجر ليوم فلعشية غادي تجي
بلقيس:على سلامتهم ..تعطلو بزاف هاد لمرة
إيجا:ههه وياه..
جوزيف:ممم وشنو باقي اخر
إيجا:انا قررت باش نبدا نمشب للشركة ..
جوزيف(شاف ف بلقيس):شنو طاري هاد النهار..شي حاجة ماشي هيا هاديك
إيجا:لااا بلعكس ..انا فكرت و قررت باش نبدا من السيمانة جايا نمشي مل نهار..خاصك غير تقاد لياا لبيرو ديالي
جوزيف(كيلعب ليها بشعرها):كلشي ديالك نتي غير اجي
بلقيس(كتقاد ليها لفطور): هاكي كولي شي حاجة راك مكتفطريش هاد الأيام بزاف
إيجا(خدات من عندها كتاكل ):شكرا
بلقيس:ايه كملي شنو تما مزال..شفت وجهك فايقة منورة وناشطة...هاد لوجه مخافيش عليا
إيجا:الله يهديك ا ماماا بالك مشا بعيد..راكي عارفاني زعما
بلقيس(كتصوني ليها نورة):انا خاصني نمشي عند نورة كتسناني فلاصال..حتى نجي ونكملو لهضرة ...
إيجا(كتاكل وممداياهاش فيها):اه اه صافي واخا..(خلاتها غير مشات وضارت عند جوزيف)ناري على قاعيدة ولات ف ماما
جوزيف:ههه راه غير باغة تعرف حيت فرحانة ليك وعاجبها هارون ..وعجبتوها بزوج ونتوما مفاهمين
إيجا:عاجبها هي و انا مالي
جوزيف:شاف فيها ب نص عين):حتى نكون مكنعرفكش ا بنتي..عينيك الشوفة ديالهم تبدلات
إيجا:وابابا عافاك خليوني نفطر على خاطري .
جوزيف:هههه ليوم معندكش حصص
إيجا:لا معنديش..غادي نمشي ليوم غير نشوف شي حاجة نلبسها على حساب لعرس ديال هاجر ..وديك الساعة غادي تجي هاجر فلعشية  ونمشي نتلقى ليها فلمطار
جوزيف(ناض ):اه واخا..بالصحة
إيجا(سيفطات ليه بوسة فلهوا):اوكي ..باي
##عند سهيل لي كان گالس فلبيرو ديالو ومعاه مجموعة فيها زوج دراري ومعاهم بنت كيعاونوه فلكوستيم ديالو لي غادي يلبسو فلعرس..و هاجر لي دايرة لكاميرا وكل مرة كتگوليه بدل.
سهيل(بدا يتعصب):دابا واش مغاديش تسالي من هادشي ديالك..راه عندي خدمة
هاجر:راه لعرس مابقى ليه والو ..واصلا نتا هبطتي قبل مني باش تقاد لأمور ديال لعرس..
سهيل:اووف هادشي راه بزاف..
هاجر:اه واخا ا خويا..حتى دابا لا بغيتي بقا نتا تماا وانا نبقى هناا
سهيل(رجع كيضحك):للالا ا حبيبة متگوليش هكاا ..غير كنضحك معاك
هاجر:لا حتى دابا لا بغيتي تبقى عازب والله معندي مشكل
سهيل:لا والله باغي نتزوج اناا..ربع سنين وانا صابر بسباب داك لموصيبة ديال خوك فلخر نديرو هكا
هاجر:كتعاير خويا ياك
يوسف:شكون كيعايرني
سهيل(مزال كيقادو ليه لكوستيم وكيطل على يوسف ف تيلي):اناا كاين شي مشكل
يوسف:ختي راه معايا ولا نسيتي ..
سهيل:نتاا لي نسيتي راني واقيلة داير لعقد..
يوسف:ا ضسرتي نتااا..شفتك ما بقتييش تخاف..اجي بعداا شديك التصويرة مسيفط ليا لبارح
سهيل:هههه شفتيهاا
يوسف:واش تسطيتي ولا مالك
هاجر:ايناا تصويرة
سهيل:ديال إيجا
هاجر:مال ايجا مفهمتش ..وريني نشوف ..هاي هاي على إيجا عاجبها لحال
يوسف:ششش..غادي يسمعك زيدان..لبارح راه شافها
سهيل:اواااه ..زيدان جاا
يوسف:اه جا لبارح..وديك التصويرة راه شافها وباينة معجبوش لحال
سهيل:من نيتك..ربع سنين وغادي يكون مزال كيفكر فيها..راه زيدان هاداك راه عالمو بحدو..تلقاه عندو شي وحدة اخرى مدوز معاها لوقت دابا..
يوسف:علامن كتهضر.
سهيل:معرفتش لكن اخر مرة كان هضر معايا هادي شي شهر..كانت معاه شي وحدة  ..(كيحاول يتفكر سميتها )هاديك لي كانت سميتها.. راها كانت مها تركية وباها مغريبي ايلا عقلتي عليها صاحبت ريناد ..راه هي لي عندها ديك لبراند ديال لميكاپ ف تركيا .
يوسف:اااه  كتهضر على إيلين..
سهيل:اااه هادييك..
يوسف(بإستغراب):غادي يكونو غير مدوزين لوقت..
هاجر:ونتا مالك..اما بغيتها تبقى لاصقة فيه حتى نتهناو  منو ..راه كبر واقيلة مناويش يتزوج
سهيل:ناري هاهو رجع تاني وهاهي مغاديش تسكت عوتاني من لهضرة عليه
يوسف:هههه فحال ايلا علمك الله
هاجر:ايوا غير وجدو راسكم..ونتاا ختار لكوستيم ديالك راسك.انا مزال خاصني نجمع حوايجي
يوسف:اواه مزال ما كملتي
هاجر:اه مزاال..ونتا سير لكومبا ديالك بينما كملت..
يوسف:مغاديش تمشي معايا !
هاجر:معرفتش..ايلا ساليت بكري غادي نوصل عليك
## نمشيو لجيهة إيجا...لي خارجة بلوطو ديالها كضور على لمحلات ديال لمدينة ..دايرة غير مكياج خفيف ولابسة سپورتيڤ ،واخا هي من النوع لي مكتفضلش حوايج السپور لكن مرة مرة كتبغي ترتاح ..غادة كيف شي حمقة ومعصبة حيت ملقات والو من داكشي لي كانت باغا ..مشات گلسات ف كافي كتسنى جهاد تجي موراها باش تديها لشي بلاصة فايت هضرات ليها عليها...
جهاد(حتى هي جايا باقة مبوقة بالنعاس ):لقيتي ولا مزال
إيجا(كتعاود لفطور و مشغولة بلماكلة):لااا مزال ما لقيت والو اووف لعرس ما بقاى ليه والو..
جهاد:راه نتي معرفتيش فين...بلاتي خليني غير نفيق بشي قهوة راه ليل كامل واناا فايقة
إيجا:كنتي مع عثمان
جهاد:اه كناا سهرانين فلبلاصة ديال ديما..نتي لي غبرتي كلشي كيسول عليك هاد السيمانة...
إيجا:هههه غير بلاتي حتى يفوت لعرس وانا معاكم
جهاد(هبطات على لقهوة كاملة):يالاه نوضي عندنا بزاف ما يدار..نمشيو ف لوطو ديالي ولا ديالك
إيجا:لالا جبت ديالي
جهاد:الله يرحمنااا ..
إيجا:ههههه مالكي
جهاد:شي نهار تقتلينا بداك الصوگان ..راه كتخلعيني
إيجا:غير زيدي غادي نصوگ غير بشوية
جهاد:واخا هاحنا غادي نشوفو
##وصلات لعشية وضربات تمنية..و الضلام هبط وواحد الزوج مزال واحلين فواحد لمحل كيقيسو..إيجا داخلة كتقيس و حتى جهاد كتقيس حداها ..واخا لعشية كاملة وهوما كيقلبو لكن معياوش ..قاعدة وحدة ياربي سلامة....
إيجا:اناا صافي لقيييتها
جهاد(طلات عليها):حلفيي بالله..وااااو
إيجا(كتقاد قدام لمرايا ):كيف جيييت
جهاد:وا جييتيييي بوووومبااا ...الطايح كتر من النايض ..پشااااااااخ اودي راك قووقة
إيجا:ونتي لقيتي ولا مزال
جهاد:اناا عجباتني هاد لحمرة الصراحة ...
إيجا:ووااو زوينة بزاف..
جهاد:نمشيو..راني سخفت بالتقلاب ..لغدا مزال متغديتو
إيجا(غمزاتها):يالاه نخلصو هادشي و نمشيو نتغداو فشي بلاصة.. و عندي ليك واحد لمفاجأة زوينة غادي تعجبك
جهاد:نتي عارفة راسي كيضرني ..
إيجا:هههه غادي نمشيو نجيبو هاجر من لمطار..
جهاد:حلفيييي باللله..
إيجا:وييي على مالي غادي نكذب عليك..
جهاد(سبقاتها):دوزيي نخلصوو دغياااا
إيجا(تابعاها من اللور وكتمووت بالضحك ):شفتك رجع فيك الجهد..تسنايني بلاتي حتى انا جاية معاااااك تسنااااااي ...
(وقفها صوت من لور):إيجاا
إيجا(ضارت لور كتشوف شكون كيعيط ليها):وي...(مع شافت شكون كأنها ضربتها صاعقة ،ورجليها للحظة كأنهم مبقاوش هازينها ومبقاتش حاسة بيهم ..قلبها كيخفق بالجهد وتنفسها تخربق لدرجة مبقاش منتاظم..لدرجة انه فقدات الطاقة باش تهضر ولا تبين قوتها)
:واش نتي لباس
إيجا(بعدات وكتحاول ترجع لأرض لواقع ):ريناد..شنو كديري هناا
ريناد:غير كنتسارا و صافي كنشوف شي حاجة نلبسها علو حساب عرس سهيل ..نتي لباس عليك شحال هادي ما شفتك
إيجا:لباس..انا مزيان ..
جهاد(جات لعندها):مالكي تعطلتي
ريناد(حسات بيها ماشي هيا هاديك):إيجا..واش نتي صافا ا ختي ..بنتي ليا ماشي هي هاديك
إيجا(بعدات يديها عليها ورجعات بلور مكملة خلاصها كأنها مرفوعة على لأرض..و جهاد غير تابعاها مفاهمة والو..
###بعد ساعتين
جهاد(گاسة متكية على لوطو هي و إيجا وبالظبط قدام لمطار كيتسناو ف هاجر تبان ):دابا واش مغاديش تهضري..راه من قبيلة وانا مفاهمة والو.شكون هي ديك السيدة
إيجا(غمضات عينيها وحابسة دموعها بقوة كبيرة):ريناد لمالكي
جهاد(بقوة الصدمة ناضت من بلاصتها ):واشش ..واشش هي هادي ريناد
إيجا(شادة راسها بين يديها):اه هي ا جهاد...
جهاد(وقفات قدامها ):وعلاش دابا دايرة فراسك هاد لحالة كاملة..حتى حاجة ما تستاهل تخليك ديري فراسك هاد لحالة..
إيجا:اناا حاسة بشي حاجة مزال جاية فالطريق..
جهاد:ما عندو ما يوقع..علاش كاديري فراسك هاد لحالة..
إيجا:منقدرش نشوفو قدام عيني ا جهاد ..منقدرش..منقدرش ..أكيد حتى هو غادي يرجع كيفماا رجعات ختو..(زيرات على شعرها بيديها) منقدرش ا جهااااد ...حياتي عاد تقاداات ،غادي تخرب من اول وجدييد ..منقدرش نشوفهم مزال قداميي منقدرش نخلي شي حاجة تفكرني فيه مزال،
جهاد(شدات ليها فيديها وهي كلها كترعد كتحاول تهدنهااا ..):حتى حاجة من هادشي مغادي توقع...نتي نسيتييه..نسيتي گاع لي فات،واخا تشوفيه قدامك مغادي تحسي بوالوو ..حيت صافي كون بغا يرجع كون رجع شحال هادي..ونتي عندك حياتك دابا ..وراكي إنسانة أخرى ..نتي ماشي هي ديك لبنت ديال شحال هادي ..انا عارفة حتى واحد ميقد يوقف ليك فوجهك ..نتي تبدلتي بزااف..علاش هاد لمخاوف نزال تابعينك..و شنو فيها گاع ايلا رجع وتولي تشوفيه كل نهار..هادشي مغادي يبدل والو ..انا معارفاش شنو بالظبط كان واقع بيناتكم  و معمري غادي نضغط عليك ..لكن هادشي صافي راه من لماضي ونتي راك فلوسط ديال كتابك متقدريش ترجعي للجزء لي قبل ..نتي راك حمقة والله ...نتي عندك انا و هارون و هاجر و عثماان واخا هاداك غير حمق .واهم حاجة عندك عائلتك لي كيبغيوك بزااف ..ماشي فحالي اناا كل مرة كيسخن عليهم راسهم كيحيدو ليا لوطو ولفلوس حتى كنولي نخرج نخدم  ..ولكن هانية منين تلاقيت بيك فداك لأنيف لي خدمت فيه واخاا كانو بنات لحرام بغاوها فيك..ولكن انا عتقت صحيبتي
إيجا(عوض ما تقلبها بكا ..رجعات شادة كرشها كتضحك):ناري راه ميمكنش تخليني نكتائب على خاطري
جهاد:هههه واشتي هاكا نبغيك ضحكي ا زين
:إيجااااااااااااااااااااا وااا صحيبتي هانييي جييييت
إيجا(ضارت لور حتى كتلقاها هاجر جايا كتجري...رمات تيلي ديالهااا ومشات كتجريي لعندها ):هاجرررررر
هاجر(ترمااات عليييها ):وا تييي فيييين
إيجا(معنقااهاا حتى كانو غادي يطيحو فلأرض )
هاجر:وناري على بگرة تقاليتيييي
إيجا:داكشي لي دارتو ليا ماما كمليه نتيي
هاجر:اوه لالا ما هذا لجمال..اختي هادشي مكنتش نشوفو فلكاميرا ..
إيجا(كتلعب بشعرها):مزال ما شفتيي واللوو
هاجر(ضرباتها لراسها):الله يمسخك
إيجا:اجي راه جات معايا جهاد ..
هاجر(مشات عندها كتجري):جهااااد
جهاد(حتى هي ترمات عليها):على السلامة..فين هو خوك..
هاجر:هههه بازز ..هاهو عاد جاي
إيجا(جات عنقاتها من لور ):وا فين لباس عليك..من قبيلة وحنى كنتسناو..
هاجر(بتردد):لاا غير تعطلنا شوية وصافي لهيه ف إيطاليا..
إيجا:هه مالكي كتهضري هكاا..
هاجر(بضحكة مصطنعة):لاا علاش ههه
إيجا:شي حاااجة تما مغادي نرتاح حتى نعرفها
هاجر:ا زيدي شكتخرفي
إيجا:ممم شنو كنخرف
يوسف(وقف بلوطو لي جابو ليه):شفتكم سادين الطريق على الناس.
هاجر(لمحات ليه ب عينيها
يوسف(طمنها بعينيه باش ترتاح):غادي تبقاو واقفين هناا..يالاه نتحركو