🔥 الوفاء 🔥 ( بالدارجة المغربية )

✳ الجزء 15 ✳ ♥ ســـــــــــــرور نصـــــــــــــر ♥

            ✳ الجزء 15 ✳

     ♥ ســـــــــــــرور نصـــــــــــــر ♥

              🔥 الوفاء 🔥

🌸فاطمة الزهراء مبارك🌸

خرجات من الشركة مع 3 قل 10 ركبات في لوطو و مشات النادي فين كتقرا فيه اروى بصح مشي بنتها ولكن عارفة انها معندها دنب خايفة عليها من نصر حيت باين انه مباغيهاش وقفات كتسنا حتى دق الجرس نزلات من لوطو و بقات مراقبها تخرج لكن كتفاجأ بنصر كان الداخل و خرج هازها في يديه

تبسمات بحب و رجعات ركبات و مشات بحالها لدارهم دخلات كتشوف عائلتها جالسين مجموعين تبسمات و مشات تخشات وسط منهم كي دويو و يضحكو حتى كي سمعو الدقان ناض مجد فتح الباب

مجد(غير شافو عقد غوباشتو):شنو بغيتي
نصر(حك راسو):احم اا اروى أجي اروى

مجد:خليها مولفة انت شنو بغيتي
نصر(شاف ليه):بغيت نطلب السماحة
مجد:شنو قلت ليك هذه 3 سنين ا سي نصر نفكر او بلاش
سرور(من موراه): مجد خويا خليني ندوي معاه
مجد(مخنزر في نصر):انا لداخل اختي

دخل و هي شافت فيه و كتشوف في جيران كي طلو تنهدات:يالله نمشيو لبلاصة اخرى
نصر(بفرح):اه اه واخا

ركبات معاه و كسيرا القهوة دخلو ليها و جلسو خداو شنو بغات و نصر كي شوف فيها و تالف

نصر:سرور انت عارفة انا مبغيتش نطلقك و كنت عنحماق منين اصريتي على طلاق
سرور:عرفتي شنو مشكلتك ا نصر
نصر(صرط ريقو):عارف

سرور:لا معارفش انا نقول ليك انك واحد اناني كتبغي غير راسك بووووحدك نهار لي دخلتي عليا ضرا فكرتي فيا ديك الساعة لا مفكرتيش فكرتي في راسك منلومكش باغي الولاد واخا حتى انا باغيا حتى انا كنت كنتقطع مجرد ما كنشوف وحدة حاملة و كرشها عند فمها حتى انا كنت باغيا نسمع كلمة ماما في الدار مشيت عند بزااف الاطباء و دائما نفس الكلام انا معندي والو لي يمنعني نولد اذن عرفت المشكل منين و سكت و قلت لا منجرحوش لا ا سرور هو كيبغيك اكيد عيجي النهار لي ربي يستاجب لدعاء ديالك و تولدي وليد تفرحي راجلك معاك

(عينيها سالو منهم دموع و كتمسحهم):صبرت و تحملت كلام الام ديالك و الناس لي مكيرحمش وقفت معاك في كلشي و كنحاول نكون معاك افضل زوجة باش في الاخير نلقا راجلي تزوج بنت لي دخلاتها مو لداري و هو كي شوف فيها و لقاها هي لي لايقة ليه و لزواج و تكون ام لولادو و ضربتي عشرة 6 سنين ديال الزواج في 0 ا نصر علاش شنو درت حتى نلقا منك هذه الشي شنوو