بين الثأر والحب هويت بعيناه

البارت الثالث

ريما:راح تأذ..يها

_كتلج وعد رجال كلمه رجال شعره ما تنمس من راسها انتي الي نريدج والمهمه هي مو مهمة بكدج يعني نخليها تجي هنا او احنى نروح الها حته لا يصير شي بيها بالطريق ف نأمن عليها هناك

ريما:اذا نمست شعره من راسها ..راح

_سمعتي شكلت الج

صحت بيها ورجعت ليوره وهي مخليه ايدها على وجهة خليت التليفون يمها وكلت تحجي

ريما(رنده ح..حبيبي..راح يجي واحد اسمه..اسمه وسام..خليج خليج وياه لا تحجين اي اي شي اله لحد ما اني اجيج هل فترة خليج راح..راح يحميج..اسفه اسف)

بالكوه تحجي وخرت التليفون منها سديت الشباك وفتحت ايدها وطلعت انطيتها ملابس وكلت الها تغير ملابسها ولا تحاول تنهزم من الشباك لان راح اكلتها من صدك هل مرة

#ريما

طلع شمر الي ملابس رجاليه بلوز وبجامه جسمي كله يوجعني ويرجف وبالي يم دانة لازم اوصل الها بأي طريقه غسلت بسرعه الدم الي بوجهي وايدي وشعري نشفت شعري وطلعت من الحمام ولكيته واكف يم الشباك يدخن ما انتبه عليه واني طالعه من الحمام جان صافن بره الشباك و مسدسه والتليفون على الطبله مشيت بسرعه اخذت التليفون وركضت وما احس غير الولد الأسمر جرني من بلوزي وكعت بالكاع لزمني وسحبني دفعني بالغرفه يم رجل هذاك الرجال الطويل الي جبرني احجي ويه دانه ضربني راشدي حسيت بوشه بأذني نكطع نفسي وسحب الكرسي وشالني من البلوز وكعدني بقيت ابجي واتوسل بيه يعوفني لزك حلكي وشد ايدي ورجلي بالكرسي وشمر على جسمي بطانيه وطلع بقيت على هل حاله بس ابجي واريد اتحرك وما اكدر ايدي توجعني جسمي كله يوجعني غمضت عيني بس فزيت على صوت بابا فتحت عيني اباوع يمنى يسره المكان ضلمه وتذكرت بابا وماما بقيت فاتحه عيني ما كدرت اغمضها بابا يكلي انتبهي وماما تبجي الدم تارس المكان ودانه منو الها

#بدر

فتت الها الصبح صافنه سحبت الكرسي وكعدت كدامها رفعت راسها عينه صاير الجفن احمر هلكد ما باجيه بقت تباوع لكدامها عرفت بيها داخله بحاله صدمه حجيت وياها ردت ما عدها اي رده فعل ضربتها على وجها على كيف ماكو حجيت على اختها رايحه بعالم ثاني وخرت من حلكها التيب وما تحركت حرارتها نار صايره فتحت الها ايدها وخليت اكل كدامها ما اكلت كمت وما اشوفها غير لازمه السجينه وخلتها على ركبتها وجرحت ركبتها وبسرعه لزمتها من ايدها جرحت ركبتها جرح جبير وبقت تصيح وكعتها بالكاع وبقت تتحرك وبسرعه رجعت شديت ايدها ليوره ما سيطرت عليها وبقت كاعده بالكاع والدموع تنزل رفعت راسها جارحه ركبتها جرح جبير جانت تريد تنتحر وصيحت عليها واني لازم وجها كل قوتي