بارت ٩
#افلا_تغفري
#مريم_السعدي
ايسر....
فد يوم الصبح جان عطله جمعه واجتنا اختي سنا صايره مشكله وي عيالها وعالكه كالت ماارجع الا يطلعني بيت وحد وهو خطيه يتوسل
شون اطلعج منيلي سنا كسري الشر خل نرجع للبيت نتفاهم لتدخلين اهلج فدوه
ايسر : سنا رجعي وتفاهمي وياه هناك لتسويها جبيره
سنا : انتتت متفهم داكولك ماكدر اعيش هناك بعد طكت مرارتي صارلي سبع شهور
ام ايسر : عوفها يمه عووفها خليها براحتها
تغمز لعقيل وتكوله عوفها تهدا راح عقيل وسنا بهدومها مبدله كالت
- كوم وديني لابويه
- شعدج
- اريد احاجي اريد بيت الي شنو مكعد ال--- واني ملطلطه بالمشاكل اني اوللى
- هسه عود احاجي
- لاا اني الاحاجي كووم توديني لو اني اروح
جريت نفس باوعت لامي
- عقليها لبتتج يووم
ام ايسر : اخذها يمه اخذها خل تحجي لابوها بلكن يسويلها جاره بيت من البيوت الي ماجرهن ينطيهيا
ايسر : امشي يله
اخذتها ورحت بيت ابويه بطبتنا شافت سلوى كاعده بالحديقه بالنطرون الكابوي والمكياج ومسشوره شعرها نازل لنهايه ضهرها وكاعده يمها مره تطلع بالاربعين حيل كشخه باوعتلها سلوى لسنا من فوك ليجوه وسنا ممرتبه هدومها مجرد صايه خليجي عاديه وهاي تكشيها تطير والذهب اللابسته دتقدم الجاي
سنا : باع العيشه امده حظي اي والله اكولك ايسر سلوى وين صارت
ايسر : صيدله ثاني
- ومتزوجت مو
- اي
- هه خل تفيدها الدراسه
- لا هو هالفتره خطوبتها
دااحجي واكف بالباب وطب اندكت الباب التفتت فتحتها ولد اشكراني طويل ابتسم كال
- بله زحمه ابو ايسر موجود
نترت
- منو حضرتك
- االعفو كوله دلشاد اني عدي موعد وياه والدتي جوه
- ها اي دقيقه .. سلوى عليكم خطار
السلام عليكم شلت ايدي سلمت عالمره وطلع ابويه بس شاف سنا فك حلكه ابتسم وغركت عيونه دمع سنا تباوعله بحقد تقربت حضنته يبوس بيها ويشم ويشاورها تباوعله ساكته نظراتها تنكط سم
سنا الي بداخلها جبير حقد بحقد بحقد كملت ايامها ابويه كأنما كلها تخليت عنج وانتي صغيره واخذت غيرج
طبت لداخل البيت اني بقيت واكف ابويه كال دخله للولد دخلته للحديقه بالكعده الخارجيه كعد والدي وياه وجتي ام سلوى سلمت على سنا وعليه وراحت يمهم كالت تفضلو بيتكم هذا وراحت
اباوع عيون سنا من شباك الصاله اكلت الولد اكل طبيت يمها بالصاله وجتي رضوى حضنتني تبتسم بهدوء لان موقف البارحه بعده بيها بقيت اباوع بعينها مبتسم خجلت
