Unrequited (GL) [HSS #4, Completed]

Chapter 21

Pagbukas ng elevator ay bumungad na sa amin ang kabuuang interior ng highest floor ng gusali.

Ni-confirm ko sa may information desk just right at the entrance ang reservation ko at nang all set na ay saka kami naglakad papasok.

I've seen this place in the picture and really, what you see is what you get. Napatingin ako kay North at nakahinga ako ng maluwag nang maging siya ay nagandahan.

Nandito kami sa isang rooftop bar and restaurant. Isa kasi ito sa pinakaunang pumukaw ng atensyon ko kanina habang nags-search ng lugar.

Mix ng industrial and traditional Filipino design ang buong interior, even the installed ceiling lights, chairs, and the tables ─ very aesthetic. The room dividers are also Filipino inspired, with its tribal embossed patterns. Sa tingin ko pasok sa taste ni North, miski ako ay nagustuhan ko kaagad.

Malamig sa mata ang floor na ito at nakaka-relax ang ambiance, mula rito ay tanaw din ang view sa labas dahil sa floor to ceiling windows.

There's also an open kitchen and contradicting to the entirety of the floor ay mas modern ang dating no'n but with minimal Pinoy design.

"This place is very nice," komento ni North.

Ngiti-ngiti lang ako sa kanya pero deep inside ay gusto kong i-congrats ang sarili ko dahil tama ang desisyon ko na dito siya dalhin. Mabuti na lang at mukhang never pa naman siyang nakarating dito based sa reaction niya dahil kung hindi, ewan ko na lang.

"Maganda rin yung review na nabasa ko, buti na lang ito ang napili ko." sagot ko. "Tara?"

Hindi siya sumagot pero ang ganda-ganda ng ngiti niya sa akin. Parang gusto kong dasalan lahat ng dapat dasalan nang kusa siyang humawak sa kamay ko kahit hindi ko inaalok ─ sa nahihiya ako hawakan siya, eh.

Pinilit kong kumalma. Date namin 'to, kailangan ko maging confident. Ayoko naman na hahawakan niya yung kamay ko tapos pawis na pawis. Ang lambot pa naman ng kamay niya.

Magkaharap kami nang makaupo. Halos sabay din kaming napalingon sa labas ─ buhay na buhay ang siyudad sa dami ng mga nagliliwanag na gusali sa paligid. Kahit madilim ay para bang ang aliwalas pa rin ng langit, at ang ganda ng buwan.

Everything looks majestic watching this nice cityscape.

Habang abala si North sa pagtitig sa view ay sumenyas naman ako sa waiter na mabilis tumalima at lumapit sa akin.

"Good evening, ladies," pagbati niya. North stared at him and she offered a smile. She's always so nice wherever we are, whoever the person she's facing. "You both look lovely."

"You look nice yourself," North chuckled. Ba't ba ang husay niya makipagpalitan ng salita? Lahat na talaga nasa kanya na.

Hindi na kataka-taka na kahit kakaunti lang ang tao rito ─ siguro dahil spacious ang lugar at may sapat na distansya ang bawat tables sa isa't isa ─ ay meron pa rin talagang lilingunin si North. Nags-standout lang talaga siya sa karamihan kahit hindi siya mag-effort.

Tumango sa kanya si kuyang waiter bilang pagtanggap ng compliment. Magiliw niyang inabot ang menu sa amin. "What food would you like order?"

"North, ikaw?" tanong ko. Binasa ko ang list ng pagkain, parang lahat masarap kaya hindi ko pa alam kung anong pipiliin ko.

The menu is very straightforward, highlighting their pride of grilled dishes.

Natawa siya ng mahina. "Parang masarap lahat."

Natawa na rin tuloy ako dahil parehas kami ng iniisip. Matched na ng thoughts, soulmate na ba kami nito? Ang korni ko.

"We'd take the food that's most recommended," I finally answered. Nilingon ko si North. "Okay lang ba?"