Oblivion Series 1: All Lies (COMPLETED)

CHAPTER 3

Chapter 3: Meet again

NASA Mall of Asia ako sa mga oras na ito para mamili ng mga stocks ko sa condo, naubusan na kasi ako. Medyo maingay sa loob na buhat ng mga customers na nag-uusap-usap.

May makikita kang magpamilya, magkaibigan at mag-nobyo't nobya. Bakas ng kasiyahan ang mga mukha nila.

Sa hindi kalayuan ng mall ay napatitig ako sa malaking poster ni Morry Tsumaga. Nakaka-insecure siya na lahat ng gusto niyang suotin ay nagagawa niya.

Never akong nagsuot ng damit pambabae at heels. Puro office attire lang ako. Kaisa-isa ko lang yatang sinusuot ay ang panty. Ironic right? Tapos bra? Hindi naman ako nagsusuot no'n dahil may ginagamit akong chest cover.

"Do you like my girlfriend?" I heard a baritone voice from behind.

Bumilis ang tibok ng puso ko nang lumingon ako sa pamilyar na boses na 'yon.

Crimson Del Labiba. Nakasuot lang siya ng black v-neck shirt at puting pants. Naka-black leather shoes din siya.

Hindi siya mukhang CEO ngayon, mukha siyang outsider. Nagsalubong ang kilay ko bigla.

Bakit naman siya nakangiti? Tapos maaliwalas ang bakas ng guwapo niyang mukha. Napahawak ako sa dibdib ko nang nararamdaman ko pa rin ang bilis ng tibok nito.

"I repeat, do you like my girlfriend?" he asked again at humakbang siya palapit sa akin pero wala na 'yong ngiti niya.

"Ano naman?" malamig na saad ko at tumaas ang sulok ng labi niya.

"So, gusto mo nga ang girlfriend ko?" tanong niya ulit sa akin.

I rolled my eyes at humakbang na habang tulak-tulak ko ang push cart.

"What a gay, babae lang ang gumagawa no'n. Bagay sa 'yo ang maging babae, Mikael," komento niya na ikinahinto ko.

Bakit ang lakas ng impact sa akin nang sambitin niya ang pangalan ko?

At bakit kinakausap niya ako? Feeling close lang? At bakit naman niya sinasabi 'yon? Nahahalata ba niyang iba ang kilos ko? Pero na-master ko na ang lahat ng mga kilos ng isang lalaki. Bakit ba iyon ang napapansin niya?

"Ang lambot mo para sa isang lalaki," saad na naman niya at tinulungan ako sa cart ko. What the...

"Ako na," mariin ang boses na wika ko. Ngumiti lang siya sa akin at hindi ako pinansin.

"Let me, engineer. I'm trying to be a gentleman sa kapwa ko lalaki, okay?" aniya at kumindat pa sa akin.

"Del Labiba," I uttered his surname.
"You can call me, Crimson or Crim," he said.

Napabuntong-hininga na lamang ako sa kakulitan niya at naunang tinungo ang counter.

Iilan lang ang nakapila kaya mabilis din kaming nakapag-bayad ng pinamili ko. Balak pa yata niyang bayaran ang bills ko kung hindi ko lang siya naunahan na maglabas ng cards ko at inabot sa cashier.

Tinulungan pa akong magbitbit ng mga binili ko bagay na ikinakunot ng noo ko.

"What do you want, Del Labiba?" I asked him when we reached the parking lot.

"Nothing," nakangiting sabi niya. Napako ang mata ko sa labi niya.

"What's with the smile?" wala sa sariling tanong ko sa kanya.

"Interesado lang akong makilala ka, Mikael. We can be friends, right?" wika niya at hinawakan ang palad ko para mag-shake hands na mabilis na inagaw ko rin ang kamay ko sa pagkakahawak niya.