بسم الله الرحمن الرحيم
قومي ياما علشان خاطري كلي لقمه بس ونامي تاني
الحاجه ثريا. ببكاء. اكل ايه ياولاء وكل ايه ال هتكلمي عليه واخوكي. تبكي اكتر. منعرفش طريقه يابتي بس لا مش هاكل غير لمااعرف ولدي فين
ولاء. وهيا تجلس جانب والدتها تواسيها وتربت علي ظهرها.. ياما هو الاكل ال هيرجعه طاب وغلاوه ادم عندك كلي شاله لقمه صغيره بس والنبي ياما
الام. بزعيق.. قلتلك لا مش هاكل عايزه ولدي ااااه ياولدي انت فين ياقلب امك تعالي ياادم تعالي ياحبيبي كدا تسيب امك ياادم
ولاء ببكاء.. والنبي ياما خلاص بقا طاب بطلي عياط هتتعبي والله
الام.. سبوني فحالي وتنظر لولاء ابوكي فين هاتيلي ابوكي
ولاء.. قاعد تحت مع الرجاله ياما ف المندره
الام... روحي هاتيه ازاي ساكت ولاعارف ابني فين
ولاء. حاضر ياما هنزله اهو
... تحت ف المندره...
&. يعني ياحاج حمزه ابنك الحكومه قالت محدش عارفله طريق وقالو ان العربيه فحمت يبقا اكيد مات استعوض ربنا فيه ونعمل عزاء
الحاج حمزه... ينظر له بصدمه. ايه ال عتقوله ياحاج صبحي ابني عايش وحاسس انه عايش متقولش الحديت الماسخ دا
الحاج صبحي. انا هقول ال بيتقال الحكومه نفسها قالت كدا وقالت متزعلش مني يعني ان جثه ادم اتفحمت ف النار
راجل اخر ف المجلس.. طاب ياحاج صبحي لو جثه ادم اتفحمت زي ماعيقولو وانت بتقول مفيش اي اثار لجثه ولاحتي هدوم ولااي حاجه
الحاج صبحي.. يامتولي افهم عيقولو العربيه فضلت والعه يجي ساعتين يعني اكيد اتفحمت مع العربيه
الحاج حمزه باانفعال وهب واقفا.. لاحظو ال بتتكلمو عليه دا ولدي راعو وجودي انتو ايه ماتهحسوش بالنار ال جوايا حرام عليكم وببكاء انتو عايزين مني ايه
الحاج صبحي بحزن.. والله احنا هنورك ياحاج كل ال عايزينه اننا نعمل عزاء لولدك لان ولدك مات
الحاج حمزه ينظر له بصدمه ويسكت.
متولي.. خلاص ياعم صبحي كفايه عليه هملوه لوحده دلوق
احنا هنمشي ياعم حمزه وال انت عايز تعمله احنا معاك فيه ويخرجو
الباب بيخبط والتفت له الحاج حمزه ادخلي
ولاء. يابه امي عايزاك
الحاج حمزه. قاعد علي الكرسي مش قادر يقوم
عايزه ايه امك ياولاء
ولاء.. والله يابه دي ماهي مبطله عياط انا مش عارفه اعملها ايه
وانا ال عارف يعني ياولاء ربنا يستر يابتي ويجيب العواقب سليمه يارب
♕♕♕
زينه نايمه ف سريرها
وسيف ينظر لها ولم يظهر حتي الان بينما دايما يراها وهيا حزينه
يجلس جوارها ويضع كفه علي راسها
زينه حست بحاجه علي راسها قامت مفزوعه وتلتفت حولها
مين وبدات ف البكاء..
. سيف انتي لسه خايفه مني قلتلك عمري ماذيكي
زينه بخوف.. وانا قلتلك ابعد عني حرام عليك ال فيا مكفيني.
سيف يظهر لها وقاعد قصادها لتفزع زينه منه
سيف. ليه يازينه انا عارف انك حزينه وان ادم ليفكر قليلا و فراقه صعب بس هو مات خلاص
زينه بحده.. لا مامتش بس بقا وتضع يديها علي اذنها
سيف ببعض من الشده وعيونه تحولت الي الاحمرار
زييينه متخلنيش اوريكي الوش التاني وانا مش عايز ابينه ليكي قلتلك دا مات وانتي بتاعتي انا ومحدش هياخدك مني فاهمه
لتتعصب زينه وتنهض.. انا مش بتاعت حد ومش عايزاك انت شيطان ابعد عني وتجري تجاه الباب لتخرج
ليختفي سيف من مكانه ويظهر مره اخري امام الباب ويسده عليها
زينه بخوف وبكاء ابعد عني افتحلي الباب انا مش عايزه اشوفك سيبني فحالي
سيف. اسيبك ازاي انتي عارفه يازينه انا اعرفك وانتي لسه عيله بتلعبي ولما كنتي تقفي قصاد المرايا تسرحي ولا تغني زي ماكنتي بتعملي كنت ببقا واقف قبالك الناحيه التانيه وكانك وقفالي انا
ولما كنتي تفرحي افرحلك ولما تزعلي ازعل علي زعلك يازينه انا اتلعنت ف عالمنا علشان حبيتك واني بظهرلك ولا حتي انك تشوفيني ويكمل كلامه وزينه تنظر له
عارفه لما نجحتي كنت فرحان جدا لفرحتك ولما والدتك اتوفت انا زعلت علي زعلك وحاولت اجيلك واظهرلك بس حصلت حرب بين قبليتنا وقبيله تانيه معرفتش اجيلك
زينه ايوا عايز مني ايه انت جن وانا بنادمه حرام ال بتتكلم فيه دا
سيف. انا جن اه وانتي بنادمه دا ميمنعش اني احبك ياما فعالمنا حبو من عالمكم وف الاخر اتجوز
زينه. بخضه وبكاء.. اتجوزك كمان افتحلي الباب وسيبني فحالي انا مش عايزه حد ف حياتي
واقولك انا بحب ادم وهفضل احبه لااخر يوم ف عمري عايش بقا ولاميت انا بحبه
سيف. اسكتي.
زينه.. بنرفزه. لا مش هسكت مش هسكت اه بحب ادم بحبه
سيف بغل وكره وانا لو مكنش ادم مات كنت موتهولك انا يازينه
زينه متقدرش تعمل حاجه
سيف.. لا اعمل كتييير وانتي متعرفنيش وفجاه يتحول سيف ال شكله المتوحش وتظهر قرونه ومخالبه وعيونه ال يخرج منها النار
لتفزع زينه وتضع يديها علي وجهها وتصرخ حتي لا تراه
لتسمع صوتها الداده التي تحبها وتعتبرها ابنتها التي لم تنجبها
لتجري علي غرفتها افتحي يازينه مالك يابنتي افتحيلي
وتضع اكره الباب لتجد زينه مغشي عليها
تجلس علي ركبتيها قبالها مالك يازينه افتحي عنيكي ياما انا معاكي يازينه وتقف تجري تجاه السراحه تمسك قزازه برفان وتحاول ان تفيق زينه بها وتفيق زينه وتنتفض وتري الداده وترتمي ف حضنها وتبكي من الرعب
♕♕♕♕♕
كل دا ياهانم لسه راجعه من المستشفي ليه
دكتوره ولا ايه
عزه.. ياجوز خالتي والله علي مازميلتي جاتلي واستلمت وجيت علطول
زوج خالتها.. لا انا ميعجنيش الحال المايل انا بقولك اهو ادخلي شوفي خالتك بتعمل ايه اعملي معاها انتي مش هتقعدي هانم هنا
عزه. حاضر اي خدمه تانيه
لا ياختي غوري من وشي
دخلت عزه المطيخ لخالتها
صباح الخير ياخالتو
خالتها بحب. صباح الخير ياعزه منمتيش شويه ليه
انتي سهرانه ف شغلك طول الليل
عزه مردتيتش تقولها علي معامله زوجها لها حتي لاتخلق خلاف بينهم وتكون هيا سببه
مفيش ياخالتي انا جيت اساعدك بس وتشمر يدها
خالتها.. لا ياعزه والله مانتي عامله حاجه روحي شويه خدي سندوتش اهو كوليه وادخلي انتي نامي بس وفهمت خالتها انها خايفه من زوجها
ومتخفيش من عمك رضوان انتي عارفه هو بيحبك بس هو معاملته كدا مع كله مش معاكي لوحدك
عزه. تبتسم بحب لخالتها وتاخذ منها الساندوتش وتذهب تجاه غرفتها
وتفتح الباب وتدخل لتجد ابنتي خالتها وهما سحر وسمر واحده فيهم بتحب عزه والتانيه بتغير منها
سمر بااستفزاز.. يااهلا بالست الدكتوره
تنظر لها سحر حتي تسكت لانها عارفه اختها
عزه. بنفخه.. عايزه ايه مني ياسمر سبيني فحالي انملي ساعتين انا صاحيه طول الليل
لتضحك سمر.. اه معلش اصلنا منعرفش ان انتي مهمه كدا
سحر بنرفزه من اختها اسكتي ياسمر وسيبي عزه فحالها هيا معملتلكيش حاجه
سمر بتريقه.. وانتي المحاميه بتاعتها انا سيبهالكم ونازله اشبعو ببعض ولا اقولك اولعو ببعض
عزه بزعل. والله ياسحر ماعملتها حاجه تخليها كل ماتشوفني تسمعني الكلمتين دول
سحر. عارفه ياعزه والله متزعليش وانا ياستي هطفيلك النور اهو علشان تنامي وتبتسم وتطفي النور وتخرج من الغرفه
♕♕♕
ف كليه زينه وتحديدا ف الكافتيرا
اسماء.. انا زعلانه علي ال حصل لزينه والله ياريتني اعرف اخفف عليها
امينه.. اه والله انا كمان حزينه علي ال جرالها مش مستوعبه يوم وليله يحصلها كل دا دي غلبانه والله وطيبه وتستاهل كل خير
رحاب بتريقه.. اه تصدقو وصعبانه عليا انا كمان دي لائيمه وتستاهل كل ال حصلها
اسماء بنرفزه من كلام رحاب.. مالك ومالها يارحاب بتكرهيها كدا عملتلك ايه هيا. علي فكره بقا اه هيا طيبه وغلبانه ومازتش حد بس احنا عارفين انك منفسنه منها وبتكرهيها علشان هيا احسن منك
رحاب تقف مره واحده مين دي ياست اسماء ال احسن مني لا بقاهيا لو احسن منك انتي ولا هيا وتشاور علي امينه فمش احسن مني خالص احنا زي بعض انا ال احسن منها كمان
اسماء تضع يدها تحت ذقنها.. واضح قوي علي الاقل هيا مش بتكلم علي حد من وراه ولا بتضحك فوش حد ومن وراه بتتكلم عليه وتسكت وتبتسم وتكمل عارف بيفكرني بمثل كدا جدتي كانت بتقولهولي بالضبط ف الوش مرايا والقفه ثلايا
رحاب بزعيق.. تقصدي ايه ياستي اسماء
امينه تنهض هيا الاخري وتقول بس بقا فرجتو علينا الكوفي عيب عليكم انتو مش صغيرين
اسماء. باابتسامه انا ماشيه ياامينه وهعدي علي زينه وانا مروحه ولو عايزه تيجي معايا اهلا وسهلا يلا باي وتمشي
رحاب بتبصلها وهيا ماشيه بصه غل وتقول لاامينه
عجبك ياامينه كلامها عجبك كدا
امينه بياس.. والله يارحاب انا ياما كلمتك وقلتلك وانتي مش بتسمعي كلام حد غير نفسك عموما ربنا يهديكي انا ماشيه وتمشي هيا الاخري
تجلس زينه وحدها والله بقا كدا بقيتو انتو الاتنين مع الست هانم ماشي ان ماوريتكم مبقاش انا
لتلتفت علي صوت يقول الجميل قاعد لوحده ليه
رحاب.. سيبني ف حالي علشان مش فايقالك انت كمان علي صديق من اصدقاءها وهو فاسد متعمد علي فلوس ابوه وبياخد السنه ف ثلاثه
علي.. مالك بس ياجميل انا شفت اسماء وامينه ماشين من عندك انتو متخانقين وليه
رحاب بغل.. اه ياخويا زعلانين علشان ال ماتتسما زينه
علي.. ومالها زينه وايه ال حصلها
رحاب بشماته.. يوم خطوبتها خطبيها عمل حادثه بالعربيه واتهيلي كدا مات
علي بفرحه. يعني مات وهيا دلوقتي فاضيه
رحاب بصتله. نعم ياسي علي انت كمان كانت عجباك وانا مش واخده بالي ومدام عجباك كدا روحلها وقامت وقفت
علي. عجباني ايه بس هو في زيك ياقمر انت اقعدي بس انت ال ف القلب
رحاب. اه بحسب.
علي بضحك. لا متحسبيش بقولك ايه ماتديني رقم زينه اوسيها
رحاب بزعيق.. بقولك ايه ماتقفلنيش علي الصبح انت كمان روح من وشي
علي.. خلاص خلاص اهدي كدا متبقيش افوشه وقوليلي
رحاب. ها انجز علشان عندنا محاضره بتاعت ارخم دكتور
علي. مبتجيش السهره ليه دي بتبقا صباحي
رحاب تنهض وتلم جاجتها من علي الطربيزه
هشوف كدا لو عرفت اجي هاجي
علي ينهض هو الاخر. خلاص هستناكي اوعي متجيش مفيش هنا هشوف
رحاب. اوكي اوكي. وتمشي
علي يجلس وحده. ويفكر في زينه
يعني بقيتي لوحدك ياجميل دي بقت فرصتي وهعرف اجيب رقمك واكلمك واكون الكل ف الكل وثم يبتسم بخبث
♕♕♕
ف المستشفي تحديدا ف غرفه الافاقه
&.. يفكر ياترا انا مين وايه ال خلاني عملت الحادثه دي يارب ذكرني بنظر في يده يجد اسواره فضيه منقوش عليها حرف Z ومين الحرف دا ياترا حرفي انا ولا حرف حد تاني
الباب خبط ودخلت الممرضه
عامل ايه دلوقتي
&&الحمد لله بس نفسي افتكر اي حاجه
هناء. قلنا متجهدش نفسك بقا وسيب الباقي علي ربنا هو هيدبرها
&&ونعم بالله
يتبع......
استنوني ال فات حماده وال جاي حماده تاني خالص ☺️
أنت تقرأ
منقذي من عالم الجن
Randomزينه فتاه جميله تدرس طب يتامرو من حولها لااذيتها ويقرر الجن العاشق ان ينقذها من تدميرها قراءه ممتعه
