مديرتي الصغيرة

البارت 9

يوم جديد علي ابطالنا قرر جاد ان يقابل استاذ عماد وذهب وتقابله في مكان منعزل عن الناس.
جاد بيسلم عليه: صباح الخير.
عماد يرد السلام: صباح النور كنت واثق انك هتيجي.
جاد: انا جيت احتراما ليك.
عماد: طيب انا هدخل فالموضوع علطول اتجوز يا جاد نوران هي محتجاك.
جاد بصدمة: ايه؟..... هي قلتلك؟.
عماد بابتسامة هادية: لا مقلتليش ولا كانت هتقولي بس انا عرفت وخلاص.
جاد: طيب وانت عارف سبب الطلب ده ايه؟...
عماد: لا معرفش ومحدش يعرف اللى فدماغها بس انا ميهمنيش هي طلبت ده ليه بس حًوٌآدٍيَتٌ حًبًوٌبًةّ
  لما جيتلك امبارح وشوفت اصرارك علي الشغل مهما كان ايه قلت انت الوحيد اللى تنفعها.
جاد بتساؤل: ليه.... ليه انا انا من دنيا وهي دنيا تانية خالص.
عماد طبطب علي كتفه: هي محتجاك وفكر كده لوحدك ايه يخلي واحدة زي نوران اول مرة تشوفك تطلب طلب زي ده خليك معاها ودور علي الحقيقة.
جاد بكبرياء: مهما كان انا عمري مهتجوز واحدة تصرف عليا ولا هي هتقدر تستغني عن حياتها وتعيش معايا.
عماد بخبث: طب متتجوزها وتشتغل معاها في نفس الشركة ومحدش يعرف انكم متجوزين اصلا.
جاد فكر شوية وعماد بصصله وعارف انه بيفكر فالموضوع فعدل هدومه: طيب انا همشي عشان معاد الشغل وشاورله علي شكله قلتلك احلق دقنك او حتة خففها هتبقا احسن كتير سلام عليكم يا بني.
جاد بهدوء: وعليكم السلام.

مشي عماد من المكان وجاد واقف لسة بيفكر فالموضوع بس كرامته مش قادرة تتنازل للي بيحصل.
قلبه: مش دي اللى بتتمناها دايما وصوارها كلها عندك مستني ايه فرصة وجتلك.
عقله: متتنزلش دول ناس انانين مبيفرقش معاهم اي حد.
قلبه: اتجوزها واعرف الحقيقه ايه وخليها تحبك زي منتا بتحبها.
عقله: انت مبتحبهاش انت اتعلقت بيها بس عشان ؤدامك طول الوقت اوعي تتنازل مهما كان.

جاد بصوت عالي: باااااااااس كفاية كفاية. ومشي هو كمان وهو مقرر قرار بس يتراه القرار ده فصالح مين وضد مين؟.........

❀❀❀❀❀❀❀❀❀❀❀❀❀

نوران فالمكتب وبتتناقش فشوية اوراق معاه ملك.
نوران لملك: طيب انتي فهمتي هتعملي ايه..؟
ملك: اه هكتب كل الاخطاء اللى موجود فملف المشروع والتعديلات المناسبة لينا واجهزها عشان الاجتماع.
نوران: بظبط كده عايزك تخلصي الموضوع ده انهاردة الاجتماع كمان اسبوع وده مشروع مهم يهيرفع الشركة لمستوي جديد يا هينزلنا لسابع ارض.
ملك بتقوم عشان تمشي: متقلقيش كل هيبقا تمام. ومشيت ملك وقفلت الباب وراها.

ملك مشيت ناحية الكافيه الخاص بشركة عشان تجيب قهوة ليها ولنوران زي مطلبت فنفس الوقت جيه حد وخبط علي مكتب نوران هي افتكرت ان ملك جت واذنت ليها بالدخول بس اتصدمت لما شافت اللى ؤدامها.

نوران وقفت بصدمه: انت تاني؟؟.
جاسر بخبث: ايه مش هتقوليلي اتفضل ولا ايه؟.
نوران بهدوء وقوة: اتفضل عايز ايه؟؟.
جاسر بيقعد ؤدامها: تؤتؤتؤ..... مينفعش تتكلمي كده معاه جوزك المستقبلي.
نوران بسخرية: جوزي.... ده صنف جديد واخده من المخدرات بتاعتك وجاي تجربه عليا.
جاسر بصلها بنرفزة: اتكلمي عدل معايا يا نور انتي عارفة اني هتجوزك ولو مكنش برضاكي هيبقا غصب عنك.
نوران رجعت ضهرها لوراة وبتحدي: عارف اكتر حاجه بحبها عنادي طيب ونا مش هتجوزك ونفسي اشوف هتغصبني ازاي....؟ اتفضل برا بقا ورايا شغل.
جاسر وقف بغضب: تمام بس مترجعيش تندمي.
نوران وقفت بقوة: مش نور ابو المجد اللى تندم يا جاسر بيه.
جاسر خرج وهو فقمة غضبه من عناد نوران وهو مش عارف يمسك عليها نقطة ضعف واحدة لانها مش بيهمها اي حاجه ابدا وفنفس خروجه من الشركة دخل شخص جنبيه وطلع ناحية مكتب نوران.
نوران قعدت وعينيها بتبص فكل ناحية بتوتر ومش عارفة تعمل ايه؟؟ سندت راسها علي المكتب بتعب وهي بتفكر فاي حل لمشكلتها جاسر وغفلت علي المكتب ومحستش بالي دخل عليها وقعد ؤدامها بهدوء.