الجنة

الحلقة الثلاثون

الجنة

الحلقة الثلاثون
€€€€€€€€€€€€€€€€€

توقفنا عندما غادرت جنة القصر و توجهت إلى ألمانيا في الشركة

في ألمانيا
🦚🦚🦚🦚🦚

وصلت جنة إلى الشركة و صعدت الى مكتبها و جلست و خلعت القناع

فضلت جنة تتأمل السماء من نافذة المكتب حتى اعلنت السكرتيرة على وصول مارك فسمحت له بالدخول

مارك : جنة انتي كويسة
جنة بتنهيدة : مش عارفة مارك
مارك بحنان : مالك جنة
جنة : عقلي رافض يسامحة حتى قلبي رافض لسه مجروح منه اوي اللي شفته صعب خايفة ابعد يتعب او يجرالة حاجة افضل عايشة بذنبه طول عمري و خايفة أوافق على الرجوع مستحملش لمسته ليا و عيش بنار بتاكل جسمي و قلبي و مش عاوزة ابعد بعد مشفت ولادي متعلقين بيه و باهلهم شايفة حبه للاولاد اذاي مش عارفة و مش عاوزة اعرف
مارك : انتي شايفة من معملته هو نفسه يزن بتاع زمان و لا اتغير
جنة : اللي يبان انه اتغير بس الطبع بيغلب التطبع
مارك : يعني ايه مش فاهم
جنة : اقصد بكلامي ان اللي فيه طبع عمره مهيغيره
مارك : مش يمكن يكون فعلا اتغير
جنة : يمكن اه و يمكن لا انا مش هفضل اقول اتغير او متغيرش انا عاوزة اعيش حياتي براحة و أمان
مارك : طيب لو فعلا اتغير و انتى بعدتي هتستحملي البعد بعد القرب
جنة : ااااااااااااه مارك لو الزمن يرجع بيا لورا في اليوم المشؤم ده كنت رفضت بكل قوتي انى اروح معاه لو خوفي مسيطرش عليا و عرفت انقذ نفسي و شرفي كان زمانا عايشين براحة و سلام
مارك : و اللي حصل حصل يبقي نرضي بالامر الواقع و نكمل حياتنا
جنة : بالساهل كده اذاي هقدر يجمعني بيه اوضة واحدة و سرير واحد اذاي هقدر البس براحتي قدام عيونه اذاي هقدر اكمل باقي حياتي من غير خوف و ألم
مارك بهدوء : لازم تحاولي علشان تعرفي تكملي لازم تثقي فيه علشان تعرفي تعيشي صدقيني كل حاجة بعد كده هتتعمل لوحدها سيبي نفسك و هتلاقي قلبك بيسامح و هيرجع يحبه تاني
جنة بدموع : مش هقدر مش هقدر
مارك بحنان : هشششششش اهدي يا جنة اهدي علشان تعرفي تفكري و تقرري صح انتى مش عوزة تبعدي عنه خايفة عليه يبقي انتي بتحبية بس بتعندي انتي مشفتيش منظرك لما تعب كنتي هتموتي من كتر العياط حتى لما اتنقل أوضة عادية رفضتي امي جميلة تفضل معاه و كنت الوحيدة اللي معاه حتى لما فاق كنت بتباتي معاه من غير ميعرف وده اكبر دليل على حبك ليه و مسامحتك ليه
جنة بدموع غزيرة : مش عارفة و الله معارفة انا تعبت و الله العظيم تعبت كل ده كتير عليا انا عاوزة اموت و ستريح
مارك : اللي انتى بتعمليه ده غلط عندي فكره بس تقبليها بهدوء
جنة بدموع : ايه هي
مارك : روحي لدكتور نفسي اتكلمي معاه يمكن يفيدك اكتر مني
جنة بصراخ : انا مش مجنونة فاهم
مارك بهدوء : يا قلبي مش كل واحد بيروح لدكتور نفسي يبقى مجنون انتي عوزة حد يسمعك من غير مياذيكي نفسيا و جسديا و كمان علشان تعرفي تكملي حياتك فاكرة زمان لما عرفتي انك حامل و نتحرتي و كنتي عوزة تموتي نفسك الدكتور دخل و فضل يتكلم معاكي لغاية معرف يهديكي و بعدها بقيتي كويسة ليه متحوليش تعملي كده و الله هتستريحي
جنة بهدوء : يعني انت شايف كده
مارك : اسمها شايف الصح و الخير لاختي الصغيرة و انتى عارفة من اول يوم شفتك فيه و انا بعتبرك اختي الصغيرة
جنة بتنهيدة : تمام هفكر و هشوف
مارك بحنان : جنة صغيرتي انا ارغب و بشدة ان تعيشي حياتك براحة فانا قد انحرمت من نعمة الأشقاء و رزقت بيكي فمن فضلك اريد ان اطمان عليكي و تنعمي بالحب و السعادة بين أحضان يزن لأنه فعلا بيعشق فكري صغيرتي و انا دائما في ظهرك احميكي من كل شر