ဂျပန်နိုင်ံငံ အိုခါယာမာမြို့ငယ်လေးရဲ့ ညနေခင်းတစ်ခု နေဝင်ခါနီးဖြစ်တာကြောင့် ဆည်းဆာရောင်တောက်ပီးလှပနေသည်။ နေဝင်ဆည်းဆာအောက်မှာ သွားလာလှုပ်ရှားနေတဲ့လူတွေကလည်းအများသား။ ဒီညနေဟာ ခါတိုင်းထက် လူစည်ကားနေသယောင်ရှိသည်။ ၄၈နာရီအတွင်း လာနိုင်သည့် မုန်တိုင်းသတိပေးချက်ကြောင့်ပင်များလား။ ပင်လယ်နဲ့နီးပြီး မီးတောင်သေတွေရှိတဲ့ နိုင်ငံဖြစ်တာကြောင့် အိုခါယာမာမြို့သူမြို့သားများအတွက်မုန်တိုင်းဆိုတာတော့မထူးဆန်းလှ။
သို့သော် ပြင်ဆင်စရာရှိသည်တော့ပြင်ဆင်ထားဖို့လိုသည်လေ။ မုန်တိုင်းက သူတော်စင်မဟုတ်။ မြင်မြင်သမျှကိုဖျက်စီးသွားမည့်နတ်ဆိုးတစ်ကောင်။ လမ်းပေါ်မှာ ပျားပန်းခတ်မျှ လှုပ်ရှားနေသည့်လူအုပ်ကြီးနဲ့ မသက်ဆိုင်သလိုမျိုး တည်ငြိမ်နေတဲ့ ကောင်လေးတစ်ဦးလည်း ရှိသည်။ မြင့်မားသောအရပ်နဲ့ လိုက်ဖက်ညီသည့် ကုတ်အကျီအရှည် style pantတို့နဲ့ ထိုသူ၏ရုပ်ရည်က မြင်သူတိုင်းစွဲမက်စရာ။ သူ၏ဦးတည်ချက်ကား အိမ်ပြန်လမ်းမဟုတ်။ ကော်ဖီဆိုင်တစ်ခုဆီကိုဖြစ်သည်။ ချစ်ရသူရှိနေတဲ့ကော်ဖီဆိုင်။မုန်တိုင်းဆိုတာကိုသူ့ခေါင်းထဲရှိနေမည့်ပုံမပေါ်ပါ။
ခဏအကြာမှာ အဖြူရောင်ဆေးသုတ်ထားပီး အစိမ်းရောင်ခေါင်မိုးမိုးထားတဲ့ ကော်ဖီဆိုင်လေးရှေ့ကိုသူရောက်လာသည်။ ဒါနဲ့ဆိုဒီဆိုင်ကိုလာတာတစ်လပြည့်ပီ။ သူချစ်ရသူနဲ့သိတာလည်းတစ်လပြည့်။ ဒီကော်ဖီဆိုင်က သူနဲ့ကိုယ်နဲ့တွေ့နေကျနေရာလေးဖြစ်သည်။ သူ့ချစ်သူအကြောင်းပြောရမည်ဆိုလျှင် သူက တကယ်ထူးဆန်းသည့်လူ။ တွေ့ဖို့အကြောင်းစလိုက်လျှင် ဒီကော်ဖီဆိုင်ကိုသာအမြဲလာစေသည်။ တစ်ခါတစ်လေ စကားထူးထူးဆန်းဆန်းတွေပြောတတ်ပီး တစ်ခါတစ်လေကျ ကလေးတစ်ယောက်လိုချစ်ဖို့ကောင်းသည်။ ဟိုးအရင်ကအဝတ်အစားစတိုင်တွေကိုလည်းဝတ်တတ်သေးသည်။ မက်မွန်သီးရောင်ဆံနွယ်တွေနဲ့ မက်မွန်ပန်းတွေထက်လည်းပိုလှသည်။ ထိုလူသားကို မြင်မြင်ချင်းချစ်မိခဲ့တာဖြစ်ပီး ထိုသူကလည်း ချစ်ရေးဆိုတာကိုတန်းလက်ခံခဲ့တာမလို့ သူတို့အချစ်ခရီးကအလွန်ဖြောင့်ဖြူးနေသည်။ ဒီနေ့ဆိုရင် တစ်လတောင်ပြည့်သွားပီပဲ။ ဆောနူ.... နီရှီမူရာရီခီ ချစ်ရတဲ့ဆောနူ....
YOU ARE READING
In Another Life(Sunki Oneshot)
Fanfictionဘယ်ဘဝရောက်ရောက် မူရာ မင်းကငါ့အပိုင်ပဲ" "အင်း ကျွန်တော်က ကိုကို့အပိုင် ကိုကိုကလည်းကျွန်တော့်အပိုင် ဘယ်ဘဝရောက်ရောက်"
