لايك وتعليق عشان نستمر❤
نقطه من اول الحياة❤
الحلقة 14
اول ماقعزت سومة صلقتها عيطة : ااااااخ😱 ( كلهم تفاجؤا )
محمد : خيرك شن في😳
سومه : في في في حاجة تقرص هناااا اااااااخ😭
وطبعا جميلة والبنات ضحك لين بوكل جميلة كانت حاطة حشره تقرص في الكرسي خشت سومه بدلت الفستان الثاني يلي جابوهلها ويعني مشت الأمور ولبسوا الدبلة وروحوا
-------------------------------------------d0aa_alshek
بعد روحوا من يشدكن يا البنات قريب يموت : شفتوااا منضرهاااا وووو عليا قويه😂😭
رضوى : من كثر ما حبيت المنظر صورتهااا😂
اما محمد فخش وبدا : جميلة انتي يلي حطيتي البو قريص صح😠
جميلة : صح اني🙂
محمد : انتي متخافيش شنو يقولك عقلك اني خالك را😡
جميلة : خالي علي عيني وعلي راسي اما المسمومه هذي متضربنيش قدام الناس وتنزل عليا لين خسرت 10 K رديتهن بالفلوس وتبيني نسكت لا🙂
محمد : اني قتلك مره ثانية بديري حاجة يوم اسود مني
مشي محمد وجميلة قعدت تضحك😂🤦🏻♀️
-------------------------------------------d0aa_alshek
نسرعوا الاحداث تمت خطوبة خلود وهادي وديما لم يتحرك لها ساكن فقرروا كملوا الخطة حددوا العرس بعد أسبوعين وزي أي عروس لازم توري انها تشري في الدبش وتوتي كانت كل ليلة مع منير والناس تسحابها تكلم في هادي اما فرح ويحيى فيعني بعدت من عليه لان تسحابه يبي واحده وهوا كان ماشي عالخطه تمام اما جاد وجمانة فيعني مش لازم نحكوا على حب المراهقين كيف بس جاد من نوع خاص يعني مش مبين شيء اما فاطمة ففي العسل راقدة وتبعدت من على القصر ومشاكلة اما جميلة فلصقت في غياسيني ومعاش عرفت كيف تتفكى منه🤦🏻♀️
-------------------------------------------d0aa_alshek
جي يوم حنة خلود كانت مصندرة بفستان احمر دمي وكانت طالعة سمحة ❤
اما اريج فكانت ادق علي بلال فتحت الباب : بابا نبي فلوس
بلال : قديشن مره نقولك معاش تقولي بابا هنا😤
اريج : أستاذ بلال نبي فلوس نبي ناخد فستان لغدوه🙂
بلال : حاضر
هكي تكونوا عرفتوا من بوها ومن أمها بس مع الوقت هيطلع كل شيء
-------------------------------------------d0aa_alshek
اما فرح فكانت تاخد في امية من المطبخ وجي يحيى في خاطره : لثاني مره طالعه طرفه يااربي صبرني ... فرح شجو❤
فرح كانت لابسة افارول اسود وطالقه شعرها : تمام
فرح جت بتطلع قللها يحيى : كأنك متغيرة🤨
فرح : لا شيء
جت بتطلع قللها : علي فكرة يا حبي الولاد يقولوا فيها لبعضهم😉
فرح ضحكت ومشت
-------------------------------------------d0aa_alshek
فات اليوم على خير وكانت حنين متفاجئه : امه اني الصراحة قلت لي رشا ان فرح مش موافقة
ام معتصم : اني الصراحة نبي رشا الولد شافها وعجباته ويعني مفيش فرق
حنين انصدمت وقالت في خاطرها :رشا مستحيل توافق😳 (وقتلها) على كلن هنشوفوا واكيد يشرفنا نسبكم كان في نصيب🤷♀️
مشت ام معتصم ونخبركم كيف شافها كانت اخت معتصم مصبيه مع رشا وجي معتصم بعد ركبت اخته سألها: منو هذي؟
اخته : هذي رشا اخت فرح يلي جينا منخطبوها بعدين مفيش نصيب
ESTÁS LEYENDO
نقطه من اول الحياة❤
General Fictionلازم نعرفوا ان اهم شيء العيله توقف معاك تساندك عمرك ماتفرط فيها ولا تخسرها ولا تلهى عليها لان بمجرد ماتسيبها يوقف القلم علي كتابة قصتك وبعد ترد يحط نقطه للرجوع الى اول الحياة ... 🤍🤍
