احببت نصيبي ( مكتمله) بقلم آيه خطاب

البارت السادس ♥️

روايه أحببت نصيبي ♥️✨

البارت السادس ♥️✨

الصبح ف المستشفى

فريده : ااااااه وحاطه ايديها ع راسها
سعاد: حبيبتي يا بنتي انتي كويسه يا فريده
فريده بالم: اه يا ماما الحمد لله شويه صداع بس
ماما هو اي الاي حصل
سعاد: انا اسفه يا بنتي كلامي انا وابوكي جرحك بالشكل ده
فريده : لا يا ماما عادي انتوا بردو نفسكوا تفرحوا بيا وانا..... وانا.... إن شاء الله هفرحكوا بيا ادوني بس فرصه افكر ف محمد ده هل هيبقى مناسب ليه ولا لا
سعاد بفرحه : بجد يا فريده ربنا يقدملك الاي فيه الخير يارب يا قلبي
فريده بحزن : يارب يا ماما
فريده ف سرها : لازم بس انهي علاقتي باحمد الأول وبعدين افكر ف محمد ده عشان مظلموش معايا
سعاد : سرحانه ف اي يا فريده
فريده : ولا حاجه يا ماما كنت عايزه اخرج بس من هنا

هنا الباب خبط وكانت ساره الاي جايه تطمن عليها قبل ما تروح الشركه

سعاد: ادخل
ساره : صباح الخير يا طنط صباح الخير يا فريده حمد لله ع سلامتك
سعاد: صباح الفل يا قلبي
فريده : صباح الخير يا ساره الله يسلمك
ساره : هااا هتخرجي انهارده ولا اي
سعاد: اي يا بنتي عمك سعيد بيجيب اذن الخروج من الدكتور
ساره : ماشي يا طنط
فريده انتي كويسه كنت عايزاكي تعدي عليا ف الشركه انهارده عشان نشتري شويه حاجات.
( ودي بدايه خطه ساره)

فريده : اكيد يا ساره انا تمم متقلقيش بس لازم اجي الشركه نتقابل ف مكان تاني
ساره بتصميم : لا لا ف الشركه احسن عشان اوريكي مكتبي
فريده ببراءه : ماشي يا ساره
ساره بفرحه : تمم يا رووحي هستناكي يلا عشان الحق الشركه انا بقا
سعاد وفريده : مع السلامه

بعد ساعه كانت فريده روحت البيت واعده ف اوضتها وماسكه تليفونها وهترن ع احمد عشان تقابله وتقوله كل شئ بنهم انتهى مع انها كان نفسها تتجوزه وتخلف منو عيال كتير يكونو شبهو والكلام الحلو الكتير ده. ويعيشوا احلى قصه حب يحكوها لعيالهم بس ديما تأتي الرياح بما لا تشتهي السفن ورنت فريده ع احمد واحمد رد ع طول
احمد : حبيبتي عامله اي وحشتيني
فريده : الحمد لله تمم
احمد : مال صوتك
فريده : احمد انت بتحبني
احمد : اكيد طبعا
فريده : طب يلا نتجوز
احمد : ن.... نتجوز.... نتجوز ازاي.. يا فريده
فريده : هما الناس بيتجوزوا ازاي
احمد : انا فاهم يا حبيبتي انا قصدي على باباكي مش رفضني قبل كده
فريده افتكرت كلام محمد ليها : اللي عايز حد هيفضل وراه ومش هيياس من اول محوله يا احمد ولا اي
احمد : اكيد يا حبيبتي
فريده : هتيجي امت
احمد : والله يا فريده انا مشغول ولسه مكنوتش نفسي هاجي اقول لأبوكي اي
فريده :تقوله انك بتحبني وعايز تتجوزني ازاي معرفش تتصرف
احمد : طب اديني وقت طيب
فريده بانفعال عشان أحمد خلص كل الهدوء الاي جواها : انت مش بتحبني بص يا احمد كل شئ بنا انتها ومنك لله ياريتني ما حبيتك ولا عرفتك وجعت قلبي وكسرتني منك لله
احمد ساكت ومش عارف يقول اي
فريده بدموع : ليه يا احمد.... ليه خلتني احبك واتعلق بيك كده وانت...... وانت مش عايز تتجوزني ليه حرام عليك.... ليه
احمد : انا اسف يا فريده انتي تستاهلي حد احسن مني بكتير انا لسه مش عارف اكون نفسي وباباكي عمروا ما هيوافق
فريده بدموع وحرقه وقلب مكسور : ده كدب وكلام وبس انا كنت هقف قصاده عشانك كنت.... كنت.... هتحداه عشان ابقى ليك ليه...... ليه..... تعمل فيا كده منك لله عمري ما هسامحك ابدا
احمد : اهدي يا فريده مش كده اهدي
فريده : انا اسفه يا احمد
احمد باستغراب : على اي
فريده بدموع وكسره : اسفه اني حبيتك اسفه اني انتحرت عشانك اسفه على كل حاجه اسفه عشان قولتلك حبيبي وانت متستهلش الكلمه دي ابدا
احمد بندم : فريده انا......
قاطع كلامه نبره صوت فريده الحاده
مش عايزه اسمع منك حاجه ربنا يسعدك مع حد غيري ويسعدني مع حد غيرك مع السلامه يا.... يا احمد