جـمـيلة حـارث

26

#زيـنة

""حارث

دخلت للديوان
حارث : اعتذر منكم بس عندي شغل مهم ،
رحت اخذت السويج ولزمني ابوي

.. شصاير
.. بويه من ارجع اكلك
.. لك شنو من ترجع احجي
.. كلت من ارجع

رحت بسرعه للمستشفى وصلت انا مااعرف شكل بنت خالها اتصلت عليها
حارث : وينكم انتو
:. الطابق الثاني

صعدت لطابق الثاني وفجأة سمعت صوت بنية تصيح حارث درت عليها ، رحت الها بسرعه

.. شنو الوضع ويه جميلة
.. كلهم بالعمليات
.. ماطلع الدكتور
.. لا

كعدت ع الكرسي حطيت ايدي ع راسي ،يالله ساعدها انطيها ألقوه يالله ، ابوي هواي اتصل اخر شي شمس اتصلت رديت عليها

حجيت بسرعه : سمعي جميلة مسويه حادث وهيه بالمستشفى لا تكولين لأبوي لا يرتفع الضغط ويتعب وانتِ تعرفين شنو كال الدكتو اي صدمه يموت

.. انته شنو تحجي هسه شلونها
.. بعده الدكتور ماطلع

مرت ساعات وطلع الدكتور رحت كمت بسرعه
.. دكتور شنو الوضع
.. البقيه بحياتكم
.. منو دكتور
.. اثنين الرجل و طفل

عرفت خالها توفى بس ماعرف منو الطفل شفت ريتاج ضَل تصرخ وتبجي واكو واحد يهدي بيها اتوقع زوجها ..

.. دكتور شنو وضع البقيه
.. اكو بنيه لازم نسوي الها عمليه بعد ساعتين لان جسمها تعبان ويمكن .

:. منو
:. جميلة ***

حاولت اوكف ع رجليه بس ماكدرت كعدت ع الكرسي حطيت ايدي ع راسي ، يالله لا تسوي هيج بيه والله تعبان لا تخليها تروح من بين ايديه ، احبها ومااكدر تبتعد عني .

مر ساعات وشفت الطفل اللي مات بعد صغير شنو شاف من حياته حتى يموت وشفت خالها هم ، بت خالها أغمى عليها اكيد ماتتحمل اخوها وأبوها بنفس اليوم ، بدت عمليه جميلة وادعي ربي تصير بخير مر ساعات وطلع الدكتور

.. شلونها دكتور
.. الحمدالله العلميه نجحت
.. اكدر أشوفها
.. خلي ينقلوها للغرفه

نقلوها غير غرفه ونقلو بنات خالها اثنين ومره جبيره هم نقلوها ، رحت دخلت لجميله لكيتها متمدده وجها كل احمر ايدها كلها مجروحات وبيدها كانونه ، لزمت ايدها

حجيت بحزن : خلاص كومي ليش تاذيني تره اذيتي گلبي هواي وبعد ما يتحمل اكثر من هيج ، تعبان بدونج مجاي أتقبل وحده غيرج مااكدر احب غيرج گلبي قافل عليج انتي .

مااحس بنفسي اله ونزلت دموعي ، والله زمن ياحارث تبجي على وحده ، بس احسها ذكرى من امي لان تشبه امي بهواي صفات ملامحها تنطي شبه لامي ، مااريد اخسرها خسرت امي بعد مااريد اخسر احد .

مر اليوم جان متعب ، رحت وياهم ندفن خالها رغم ماعندي علاقه وياه ولا اعرفه بس  كلش ولد قليلين رحت للنجف ، ابوي عرف وهسه بالمسشفى تعبان و گلبه ضعيف .

رجعت من النجف هاي الايام كلش تعبت بيها سمعت زوجة خالها كعدت وحالتها تمام وهم اكو بنيه صارت بخير و ضلن يبجن وخاصتا زوجة خالها رجعت للبيت وهيه تبجي .

جميلة لحد الأن ما كعدت وتعبانه مر اول يوم من الفاتحه محد كلش قليل نسوان وشباب صغار يعني مراهقين وكلش قليل كبار ، انا جبت اغراض للفاتحه لان محد يجيب ، جبت طباخ بده يسوي غده و زوجة خالها هي تساعدني بس ايدها مكسوره وبنت خالها عرفت اسمها فاطمه ، صارت بخير جنت واكف باب البيت اريد احجي ويه زوجة خالها شنو تحتاج

.. هلا حارث
.. احم شنو محتاجين
.. والله ماقصرت مارح انسى معروفك ويانا
.. هذا واجبي محتاجة شي
.. سلامتك بس اريد اروح للمستشفى بالليل ابني وبنتي واشوف جميلة
.. انتي لا ترحين ارتاحي انا يوميا اروح ويكولون بعدهم حالتهم نفسها

.. مااعرف شنو ارد عليك الله يسهل عليك وينطيك اللي تريده
.. باجر نفس العالم يجون لو اكثر
.. والله ماادري اللي يجي اهلا واللي مايجي براحته
.. علمود اعرف شكد يسوي الطباخ اكل
.. لا تعب نفسك سوي قليل لان محد
.. باجر يجون عائلتي خواتي و زوجتي
.. هلا بيهم البيت بيتهم
.. اشكرج اذا محتاجة شي انا موجود
.. ماتقصر

صار الليل بقى قليل ، رحت للمستشفى حجيت ويه الدكتورة
.. دكتورة شلون حالتهم
.. مريم كعدت واحمد بعده تعبان وجميلة ماجاي تكعد وبعدها نفس حالتها

.. يعني اكدر اطلع مريم
.. يي كعدت من الصبح وضلت تبجي وانطيتها ابره حتى تهدء وحاليا كاعده
.. اكدر هسه اخذها
.. يي تكدر
.. وجميلة شلون حالتها يعني يمتى تكعد
.. لحد الان ماكو شي حالتها مو مستقره
.. اشكرج دكتورة تعبناج
.. هذا واجبي وتكدر تاخذ مريم

رحت دخلت لغرفه مريم شفتها كاعده وتبجي وجها كله جروح شفتها بلا حجاب نزلت راسي

.. بويه راح تجي الممرضه حظري نفسج علمود ارجعج للبيت
.. اريد بابا وماما وين
.. موجودين
.. بابا وينه
.. موجود
ضلت تصرخ : ليش تجذب

ضلت تجبي وتصيح
.. اريد بابا واخوي رجعوهم الي
.. هذا قضاء ربج يلا كومي

اجت الممرضه تساعدها طلعت بره انتظرها شوي وطلعت بدون حجاب عرفت مامحجبه نزلت راسي ، خلت أيديها بايدي عرفتها مابيها تمشي حطيتها بالسياره

يتبع ..