جحود اب

الفصل السادس

عند مروان بعد ماخلص شغله
طالع من الشركه مستعجل
خبط فى محمد
محمد ايه يا عم طور ماشى
مروان مشى من غير ما يرد عليه
نزل مروان قعد يلف بالعربيه على أمل أنه يلاقيها
مروان عمال يركز فى وشوش الناس وحس بالاحباط وتعب من التدوير فروح
مروان اووووف انا مش عارف بس الاقيها ازاى
موبايل مروان رن وكان محمد
محمد ايه يا بنى مش بترد ليه
مروان لسه داخل البيت حالا
محمد بصدمه نعم انت من ساعه ما خرجت من الشركه وانت بتلف عليها مروحتش
مروان ايوه
انا حاسس بالذنب اوى لو جرالها حاجه هيبقى انا السبب
محمد ليه يا عم هو انت اللى مشيتها
مروان لا بس كان لازم اخد بالى عشان متمشيش
محمد خلاص أهدى هتلاقيها أن شاء الله
مروان مع السلامه
محمد سلام
مروان دخل لقى ماكس نايم
صحاه وحطله اكل
اسف ماكس نسيتك خالص معلش
ماكس كل لانه كان جعان جدا
مروان طلع ينام بعد شويه
مروان مروان
مروان ايه دا ساره عامله ايه انتى كويسه أنتى فين يا ساره
ساره انا مش كويسه خالص
مروان طب انتى فين
ساره دور عليا باى باى
مروان صحى من النوم
مروان هلاقيها يعنى هلاقيها
عند ساره
فضل نايمه طول اليوم
لحد ما سمعت خبط على الباب
ساره ازيك يا طنط عامله ايه
أنا فرحانه جدا انك جتيلى بدرى النهارده
ناديه بأستغراب بدرى ايه انا كل يوم باجيلك العشا
ساره ايوه النهارده جايه قبل العسل
ناديه العشا أذنت يا ساره
ساره بجد دانا لسه صاحيه ازاى نمت كل ده
ناديه الوحده يا حبيبتي تعمل اكتر من كده هونى على نفسك
دخلوا وصلوا العشا وبعد ما خلصوا
طلعت ناديه الاكل
وساره كلت
بس ناديه لاحظ أنها سرحانه
مالك يا ساره
ساره خايفه اوى فاضل من الاسبوع ٣ايام
مش عارفه بعدهم هاروح فين
ساره متقلقيش يا حبيبتي انا هافضيلك اوضه فى شقتى وهاخدك معايا انا كنت عملهالك مفاجاه اخر الاسبوع
ساره بفرحه بجد يا طنط
ناديه طبعا يا حبيبتي
انا كان نفسى يبقى ليا بنت واعتبرتك بنتى يا حبيبتى
حضنتها ساره وبعدين مشيت ناديه
ساره الحمدلله يارب
عند مروان كل يوم ينزل يدور على ساره واهمل شغله لحد ما يلاقيها
جه تانى يوم على
ساره و طنط ناديه ماجتش
ساره ياترى مجتش ليه ممكن تكون تعبانه
مر يومين كمان وبرده ناديه مجتش
سمعت ساره خبط على الباب ففكرت أنها ناديه
فتحت الباب كان راجل باين عليه الوقار
ساره ايوه
انا الشيخ ياسين امام المسجد
ساره اهلا بحضرتك خير
بصراحه يا بنتى انا كنت متفق مع الحجه ناديه انك تعدى اسبوع والاسبوع عدا
انا لو عليا اخليكى على طول بس والله غصب عنى لانه ممنوع
ساره امال هى طنط ناديه فين مجتش بقالها ٣ايام
الشيخ مش عارف ممكن تعبانه ولا حاجه
هى كانت سيبالك المبلغ دا اتفضلى
ساره اخدتهم منه شكرا
طب حضرتك متعرفش عنوان بيتها
اه ثانيه واحده اكتبهولك يا بنتى
اتفضلى
مشيت ساره وراحت على العنوان اللى هو اداهولها
وصلت ساره للعنوان كانت الشقه فى الدور التانى
خبطت
فتحتها شاب ايوه
سلام عليكم
وعليكم السلام خير
لو سمحت مش دا بيت الحجه ناديه
ايوه
امال هى فين
محمد بحزن أمى توفت من ٣ايام
ساره حست بصدمه
ايه ازاى دى كانت لسه معايا
وعيطت البقاء لله
ثانيه واحده هو حضرتك مين
انا ساره
ايه دا بجد طب ثانيه واحده
دخل جابلها ظرف وادهولها
ساره ايه دا
ماما الله يرحمها قالتلى ادهولك وانا كنت هجيلك المسجد بس نسيت خالص
وكانت على طول تتكلم عليكى
ساره اخدت منه الظرف شكرا عن اذنك
نزلت ساره واتمشت فى الشارع
ساره لنفسها رجعتى لنفس النقطه تانى يا ساره هعمل ايه حسيت بدوخه وصداع جامد بس قاومت
ساره انا مش هعيط تانى خلاص هتعود بقا على الصدمات المهم دلوقتى افكر هاعمل ايه دلوقتى
لفت تانى على كل المحلات تدور من تانى على شغل بس برده كله قالها نفس اللى انتقالها قبل كده
بصت فى الفلوس اللى معاها لقيتهم ٦٠٠ جنيه
راحت اشترت بجزء منها مناديل
وخلت الباقى معاها عشان تشوف لو هاتبات فى حته مشيت ساره فى الإشارات عماله تمسح العربيات وتبيع المناديل
جه عليها الليل
بصت فى الفلوس اللى جمعتها النهارده كانوا خمسين جنيه
ساره طب وبعدين هبات فين بقى
لقت ساره مكتب عقارات
ساره سلام عليكم
الراجل عليكم السلام خير
لو سمحت مافيش عندك اوضه لايجار
الراجل بص على لبسها شكله قذر وهى باين على هيئتها التعب
الراجل وانتى بقى معاكى اجار اوضه وبصلها من فوق لتحت
ساره حست بإحراج شديد
عايزه ايه حاجه اوضه على سطح حتى
الراجل حس انها غلبانه
انا عندى اوضه هديلهاك عشان حالتك دى ب٣٥٠
ساره كان معاها ٤٥٠
ساره تمام
ممكن اروحها دلوقت واداتله الفلوس
الراجل خدها بيت كده شكله وحش وقديم جدا وطلعوا على السطح هى دى
ساره تمام شكرا
الراجل بس اسمعى اول ما الشهر يخلص لازم لتدفعى الفلوس الشهر الجديد لهتمشى سامعه
ساره حاضر
ومشى الراجل دخلت ساره الاوضه كان مكركبه جدا كلها تراب ومفهاش اى اثاث فقط كراكيب نامت على الأرض من كتر التعب مش مهم اهم حاجه لقيت اوضه اهو احسن من الشارع
محمد راح لمروان فليته ها يا بنى لسه مالقتهاش
مروان بحزن لسه بدور كل يوم وما فيش فايده
عدى شهر على ابطالنا مروان مملش من المحاوله ولسه بيدور على ساره كل يوم وكل ساعه
ساره سمعت خبط على الباب
فتحت لقته صاحب الأوضه
ها يا حلوه النهارده اول الشهر فين الاجار
ساره انا لسه مجمعتوش ممكن ادهملك على نص الشهر الجاى واوعدك هديك الشهرين مع بعض
الراجل لا مليش فى الكلام دا انا قايلك من الاول الايجار اول الشهر ومافيش تأخير
ساره طب انا اعمل ايه انا بنزل كل يوم الصبح مرجعش غير باليل طب ممكن تاخد الخمسين جنيه دى عما اجبلك الباقى والله هى اللى معايا
الراجل خدها انا هسيبك لحد بكره بس لو الفلوس مجاتش اعتبرى نفسك بره ومش قبل ما يسمع ردها
ساره طب انا هجمعهم بكره ازاى
نزلت ساره فضلت طول اليوم تبيع فى المناديل وتمسح العربيات وملمتش غير ٤٠جنيه روحت الأوضه وقعدت تعيط طب انا هتعمل ايه دلوقت ونامت من كتر العياط
الصبح سمعت خبط على الباب
الراجل ها جبتى الفلوس
ساره لا بس والله هجمعهم ونبى انا ماعنديش مكان تانى اروحه
ماليش دعوه
خرجت ساره
الراجل رمالها المناديل خدى المناديل بتاعتك اهى نزلت ساره وقالت خلاص هشتغل دلوقتى واما يجى باليل ربنا يحلها وفضلت توزع المناديل وتمسح العربيات
مروان كان سائق عربيته لقى موبايله بيرن
رد الو يا محمد
محمد بعصبيه مروان كده كتير بقالك شهر مش بتيجى الشركه وكل حاجه على دماغى
بطل بقى اللى انت بتعمله ده وارجع لشغلك وحياتك ايه مزهقتش ده انت بقالك اكتر من شهر بتدور
مروان وهفضل ادور لحد ما ألاقيها وقفل السكه
ساره فى الوقت دا حست بالتعب بقالها اكتر من اسبوع مش بتاكل عشان توحش تمن الايجار واطردت برده فى الاخر
بس فضلت تكمل عشان الفلوس اللى معاها ميجبوش حاجه
مروان كان واقف فى الاشاره شافها وهى بتمسح عربيه قدامه مبقاش مصدق نفسه
بقى ينادى عليها بصوت عالى ساره ساره ساره
ساره سمعت حد بينادى عليها بصت شافت مروان فى العربيه اللى ورا اللى هى بتمسحها
مروان نزل عشان يروحلها اول ماشافته جرت مروان جرى وراها ساره استنى
يتبع.....