Thinking Of Tink

Chapter 6

BELLE'S POV🐢

"Anong sabi mo?" Galit na tanong ko. Nabigla naman siya.

"Oh easy easy, joke lang 'yun HAHAHA yung mommy mo kasi kanina pa tawag ng tawag eh nakasilent 'ata 'yang phone mo, tsaka focus na focus ka sa kagwapohan ko kaya hindi mo namalayan." Natatawang saad niya. Agad ko siyang binitawan at dali daling tinignan ang cellphone ko. 7 miss calls. Tumawag uli si mommy kaya tumalikod ako't sinagot ito.

"Belinda, my God baby where are you? It's late na, bakit hindi ka pa umuuwi? Nasiraan ka ba, where are you, malayo ka pa ba sat'in? Magpapadala ako ng mechanico." Mahabang litanya ang bumungad sa'kin kaya napabuntong hininga ako't lumingon sa likod. Nakitingin lang din siya sa'kin. Tsaka ako muling humarap.

"Mommy I'm okay don't worry, ano--nagkayayaan lang tumambay kasama 'yung mga bagong kaibigan ko. Sorry hindi ako nagpaalam na matatagalan akong umuwi." Pagsisinungaling ko habang nakapikit, yung isang kamay ay nakahawak sa noo.

"Saan ba yan, pupuntahan na kita."

"Mom wag na pauwi narin naman kami eh, nagready lang 'yung mga kasama ko." Agarang saad ko.

"Okay, mag ingat ka sa pagmamaneho, madilim na 'yung daan anak."

"Okay mom, bye love you."

"Love you too, take care."

"I will mom bye."

Bumuga ako ng hangin sa bibig, bago lumingon sa kanya.

"Tinuruan mo 'kong magsinungaling punyeta ka." Taas ang isang kilay na saad ko.

"Sinabi ko bang magsinungaling ka?" Inosenteng sagot naman niya.

"Hindi---"

"Eh 'yun naman pala eh."

"Alangang sabihin ko na andito ako sa Music hall! Syempre magtatanong 'yun kung anong ginawa ko dito, alangang sasagot ako ng 'andito kasama ni ano. Nag-uusap kami, niyaya niya akong maging jowa niya! Nye! nye!nye! Nye!Nye!' kingnanay mo!" Hingal at naiinis na sambit ko.

"Oo na. Oo na" ani niya na itinaas pa ang dalawang kamay, pormang sumusuko. "Ang ingay mo! So ano na?" Dagdag na tanong niya

"Anong ano na?"

"Papayag ka ba sa plano kong 'yun o hindi?"

"Papayag lang ako kung bibigyan mo ako ng isang magandang dahilan kung bakit kita kailangang tulungan?"

Sumeryoso siya, malalim ang naging buntong hininga niya. Tumingin siya sa mga mata ko, gayon nadin ako sakanya.

"Plano ko palang ay may magandang dahilan na, pa'no pa kaya ang kalalabasan kung matupad man. Isa sa magandang dahilan ko ay ang maisakatuparan ang matagal ko nang inaasam. 'Yun ay ang makuhang muli ang taong gusto ko at minahal ko noon pa man. Magandang dahilan ang may maidudulot kang kaligayahan sa dalawang taong nagmamahalan. Wala kang gusto sa'kin at wala akong gusto sayo pero mas pinili ko ang sumuong sa totoong relasyon kasama ka, dahil natatakot akong kapag pekeng relasyon ay madali kang makawala sat'in dahil pwedeng ikaw lang ang magdesisyon. Natatakot ako baka hindi pa tapos ang plano ko susuko kana. Samantalang kapag totoong relasyon ay tayong dalawa ang dapat na masunod sa mga desisyon at kailangan ng pahintulot sa isa't isa sa anumang sitwasyon." Malumanay na pagpapaliwanag niya.