اسكريبتات.

اسكريبت لطيف😍

- وأنت إيه اللي يخليكِ تقفي معاه وتتكلمي!!!!
" نهى يا حبيبتي دا الليدر بتاعنا وأنا كنت بتناقش معاه بخصوص ال client اللي جه امبارح ومعجبهوش شغلنا دا.
- ولو ولو المفروض مكنتيش وقفتي كتير كدا.
" الصبر يا رب، نهى الله يرضى عنك أنا اللي فيا مكفيني وزيادة.
- الااااااه مش بكراش عليه.
" كدا كتير، يا بنت انت هبلة، دا راجل متجوز وغير دا كله فين غض البصر يا زفته.
-أعمل إيه ماهو بيقولو تزوجينه اربعيني.
" اربيعين عمود نور يوقعوا فوق نافوخك يفتحه يمكن تفوقي، يخربيت الروايات اللي هبلتك كدا.
- لا بس الاربيعني بتاعهم غير اللي عندنا خاااالص ، وبعدين  انت بالذات تسكتي خالص خليك في جوزك يا ختي.
" هو أنا ليا غيره، والله ما حد بيهون عليا غيره، يالا اسيبك في احلامك المعفنة دي وأمشي بقى قبل ما اسمع موشح كل يوم من ماما.
- مامتك جبروووت يا فيري.
" وبعدييييين....
- خلاص اتكلي ع الله أنا لسه قدامي شوية.
" بطلي نظرات وتسبيل يا أوزعة.
- لا تقلقي انت سايبة راجل هنا.
" يا خوفي يا بدران ألاقيكي بتكراشي على واحد جديد.
- تنا يا بنتي..... انا وش ذلك برضة استغفر الله.
" يا مجنونة سلااام.
                          ******************
- حمدالله ع السلامة يا هانم ما لسه بدري.
" الله يسلمك يا ماما، انا راجعة في ميعادي.
- مش قولنا نبطل ماما دي.
" أقول لحضرتك إيه.
- متقوليش، المهم شيرين جايلها عريس وجاي النهار دا.
"عريس!!!!! بس هي لسه صغيرة.....
- وأنت مالك انت مفكرة الكل زيك بيتخطب وهو كبير!!!.
" استغفر الله، اعملي اللي يريحك، انا داخله انام.
- اهو دا اللي فالحة فيهظ يا ريتك كنت موتي معاه وريحتيني.
المفروض الواحد يدخل البيت يرتاح انا بدخل يتنكد عليا، خالتي اللي هي في مقام والدتي واللي بابا اتجوزها بعد وفاة ماما عشان تاخد بالها مني بتعاملني على أني عدوتها، زعلانة عشان بابا قسم الورث بينا أنا وشيرين اختي اللي هي بنتها، واداني حق ماما وكتبه باسمي، فوني رن باسم " عموري" إيه دا إيه القلوب اللي خارجة من عيوني دي.
" السلام عليكم يا زوجي الحبيب.
* وعليكم السلام يا حبيبي، عاملة طمنيني، حقك عليا الشغل كله كان فوق دماغي والحاج انتخ النهار دا في البيت.
" ولا يهمك يا حبيبي، أنا الحمد لله بخير، اممم هو بس الشغل كان رخم كدا الباشمهندس سعد طلع عيننا شغل.
* الله يعينك، خلينا في المهم بقى، عرفي مامتك هجيلكم الجمعة ومعايا والدي عشان نحدد الفرح، كفاية ٦ شهور خطوبة وزيهم كاتبين الكتاب، اظن اخدتي وقت كافي عشان تتعودي عليا.
" اممم ماشي تنورواْ وربنا يستر.
                            ******************
"نورتنا يا عمي.
- دا نورك يا حبيبتي، امال الست والدتك فين.
" باحراج من تأخير والدتها: معلش يا عمي هدخل انادي عليها، تحب تعملك قهوة ولا شاي.
- كوباية شاي يا بنتي بس قللي السكر.
" عيوني.
ماما بالله تطلعي متكسفنيش معاهم، عشان خاطري طب بلاش عشان خاطري، عشان ماما أطلعي بس اقعدي معاهم.
- مش هخرج، لا المحروس دا ولا ابوه نازليلي من زور.
"شرين حبيبتي اقنعيها بالله عليك.
- وانا مالي...
- قومي يا بنت مها اطلعي برة ولا تحبي اطلع واطردهم قدامك، انا اصلا عايزة الجوازة دي تبوظ.