Scroll down for Zawgyi🎻
လင်းမြတ်ထင်ကသူ့ဘဝမှာ သူဟာအမြဲရောင့်ရဲတတ်ပြီး လိုအင်ဆန္ဒတို့်မရှိတဲ့သူလို့ သူ့ကိုယ်သူအမြဲမှတ်ယူထားခဲ့တယ်။အစွဲအလမ်းကြီးဖို့ဆိုတာ ဝေးလို့မိခင်အရင်းဖြစ်သူရဲ့ဈာပနကိုတောင် ဦးလေးဖြစ်သူရဲ့လက်ထဲမှာ သိပ်ဝမ်းမနည်းရဘဲ ဖြတ်သန်းနိုင်ခဲ့၏။အဲ့ဒီ့နောက်မှာတော့ သူဟာရုပ်ဝတ္ထုတွေထက်သဘောကျရမယ့် သက်ရှိတစ်ယောက်ကိုတွေ့ရှိခဲ့ပြီး လက်လွှတ်အဆုံးရှုံးမခံနိုင်ပါဘူး ဆိုသည့်အချိန်မှာမှ အဲ့ဒီ့သက်ရှိဟာသူနဲ့အဝေးဆုံးကို စွန့်ခွာပြေးထွက်သွားခဲ့တယ်။
ယဉ်ယဉ်ကသိပ်ဆိုးတာပဲ။
လေယာဉ်ပြတင်းပေါက်မှတစ်ဆင့်မြင်နေရတဲ့ မြင်ကွင်းဟာအမိမြေပါလားဆိုသည့်အသိဟာ သူ့ရင်ကိုနွေးထွေးစေပါသည်။စပီကာမှတစ်ဆင့် ထွက်လာတဲ့လေယာဉ်မယ်၏အသံအရ မကြာမီတွင်မြေပေါ်သို့ ဆင်းသက်တော့မည်ဖြစ်သည်။
ဒီအချိန်ဆို လင်းမြတ်ထင်ရဲ့ယဉ်ယဉ်ဟာ ဘယ်ဆီမှာများရှိနေလိမ့်မလဲ။
သူ့အသက်ဆယ့်ခုနှစ်နှစ်ကျော်အရွယ်မှာပဲ အင်္ဂလန်တွင်ကျောင်းသွားတတ်ခဲ့ရသည်။ဒယ်ဒီရယ်၊ကူကူးရယ်၊အမြွှာနှစ်ယောက်ရယ်က ကျောင်းပိတ်ရက်တွေအတွင်းသူ့ဆီလာလည်ရုံမှအပ လင်းမြတ်ထင်သည် မြန်မာနိုင်ငံသို့ပြန်မရောက်ဖြစ်ခဲ့။
စီးပွားရေးဘက်ကိုအားသန်တဲ့သူ့အား ဒယ်ဒီကအတော်လေးအားထား ထားပုံရတာကြောင့် ပြည်ပတွင်စီးပွားရေးdegreeရအောင် သူ့ဆုံးဖြတ်ချက်နှင့်သူသွားခဲ့ခြင်းဖြစ်သည်။ကူကူးရောဒယ်ဒီပါ သူ့ကိုစိတ်ပူကြမှန်း လင်းမြတ်ထင်သိပါသည်။အဲ့လိုဆိုပေမယ့်လည်း နှစ်ယောက်လုံးကသူ့အားယုံကြည်ခဲ့သလို သူကလည်း အဲ့ဒီ့ယုံကြည်မှုတွေကို အလွဲသုံးစားမလုပ်ခဲ့ပါ။
Airlinesပိုင်ရှင်၏သားကလေယာဉ်ကို first classတွင်မစီးဘဲ bussiness classတွင်စီးခြင်းကိုကြည့်ရုံဖြင့် လင်းမြတ်ထင်ဟာ အဘယ်မျှအထက်စီးမဆန်ကြောင်း သိနိုင်ပါသည်။နှစ်ဆယ့်သုံးနှစ်ကျော်ကောင်လေးက ဘဝကိုသာမန်ဆန်ဆန်ဖြတ်သန်းချင်ပုံရသည်။
လူအုပ်ထဲမှ လင်းမြတ်ထင်ရဲ့ခြောက်ပေတစ်လက်မအရပ်ဟာ ထိုးထွက်နေ၏။ခြေတံရှည်ကြီးတွေဟာ စောင့်မျှော်နေတဲ့မိသားစုုထံသို့ မပြေးရုံတမယ် ရွေ့လျားနေသည်။ဖော့ဖယောင်းကဲ့သို့ လက်ချောင်းရှည်သွယ်သွယ်များသည် ခရီးဆောင်အိတ်အားတစ်ဖက်ဆွဲလျက် နောက်တစ်ဖက်သည် လှမ်းမြင်နေရသော မိသားစုအားဝှေ့ယမ်းပြလျက်ရှိသည်။
YOU ARE READING
Short Story About Htin Htin,Yin Yin,La Yaung and DeDe
RomanceMy Lover is a Violinist(Htin Htin and Yin Yin) Two Lifetimes and I'd still choose you(La Yaung and DeDe)