ريتال..
هاذ السبوع خلصناها بالسوك اشترينا الجهاز وحجزنا البدلات مالت الحنه والعرس وكملنا كلشي واليوم راح نروح انا وعزوان نشتري الذهب كعدت الصبح سبجت وبدلت ونزلت كعدت تريكت شوي ونزل غزوان مبدل كال
غزوان.. ها ريتال كملتي
ريتال.. اي كملت وانته ما تتريك
غزوان.. لا ما اشتهي
ريتال اوكي براحتك لبست حذائي وطلعنا ركبنا السيارة واتجهنا للسوك..
وصلنا يم محل ذهب جبير كلش وكلش مبين رتقي وحلو دخلنا غزوان سلم على ابو المحل طلع صديقه دخلنا اشترينا ذهب هواي اشتريت ٣ازواج تراجي وماليتين واشتريت ٣ كلايد ( قلاده) واكع نضري على حجل كلش عجبني هم اخذته واخذت ٣ اسوارات اسوارين ذهب والثالث ذهب برازيلي واخذت ٥ محابس وعجبتني ساعة كتله عليها
ابو المحل.. هاي الساعة اذا تردين اكتب عليها اسمج او اسمج انتي وغزوان لو بكيفج شنو تردين
ريتال.. اوكي اكتب اسمي واسم غزوان
ابو المحل.. تستاهلين
سوالي الساعة وخلصنا طلعنا كال
غزوان.. تردين شي بعد
ريتال.. لا مشكور بس خل نشرب شي عصير موطه
(مرطبات ) رحنا لمطعم انا طلبت موطه وهو طلب عصير
خلصنا ورجعنا للبيت...
المساء..
توه كعدت لان من اجيت من السوك نمت وحته غدة ما تغديت غسلت ونزلت لكيتهم جايبين عشه من برة كبلب حطن البنات عشه وكعدنا نتعشة وكالن يالله بسرعة لان اليله الحنه وباجر العرس انا خلصت وكمت اجن وراي البنات ريتاج وحور وايه
(للعلم تره ايه زينه بس هي اتحب ضرار )
كعدنا اول شي حور تعرف اتحط مكياج ومكياجها كلش حلو حطتلي مكياج بسيط ونوب لبست البدلةوبعدين ايه سوتلي تسريحة وهم بسيطة ونوب هنة بدلن ومكيجن وكملنا اشوي واجت عمتي ام محمد
ام محمد (هي نفسها ام ايه وسهام ) .. اللهم صلي عل محمد واله محمد يمه عين الباردة عليج طالعة كمر
ريتال بخجل.. شكرا عمه عيونج الحلوة
ام محمد.. يالله يمه نزلن النسوان اجن
ايه.. اوكي يمه هسه ننزل
نزلت عمتي ام محمد وانا والبنات شوي ونزلنا.. كعدني عل الكوشه وكامن شغلن الدي في دي وكامن يركصن ولعبن جولة شوي وكالو العريس راح يدخل يحنيها..
ـــــــــــــــــــــــــــــــــــــــــــــــــــــــــــــــ
غزوان...
طبعا اليوم ريتال فلستني 😂والله ما خلت شي بالمحل ما اشترتا انا قبل لا اطلع وصيت صديقي يسويلي كلادة بيها اسمي علمود البسها اله بيوم الحنة وهم اشتريت كلادة بيها حرفي وحرفها ومحبس وتراجي وحجل واسوار علمود اطيهيا هدية بيوم العرس..
من دخلت للبيت لكيت كمر كاعد عى الكوشه انصدمت وحقة المرحوم محمد يحبها اذا شايلة جمال واخلاق ودارسه وكل شي يتمنه الزلمة بالمرة
المهم دخلت حنيتها ولبستها لكلادة وهي تعجبت وكمنا ركصنا شوي ونوب كعدنا وشوي وطلعت
هم الولد لعبو جوله وركصنا جوبي...
ـــــــــــــــــــــــــــــــــــــــــــــــــــــــــــــــ
سهام...
من محمد طلب ايد ريتال طلش فرجت لان جنت خايفة انو اتحب غزوان او هوه يحبها بس أسف محمد مات وبعدين كلت غزوان اكيد ما راح يحط عينه على وحدة ابن عمه جان رايدها وخاصتن محمد لان هوا روح بروح وياه تعجبت من طلب ايد ريتال وكلش حقدت على ريتال شنو بيها
. لو لان انا ما دارسه واليوم الحنه كلش حاقدة على الكل حته على ايه لان عايفتني وجاي تركص
(للعلم ايه ما تعرف بـ سهام تحب غزوان بس سهام تعرف بـ ايه اتحب ضرار)
مليت من الحفله ورجت للمطبخ اشرب ماي دخل ابن عمي علي حسن (اخو ريتال الثاني..الي سافر وياها لتركيا )
حسن بحدة.. اجاي اسوين هنا
سهام بهدوء.. اجاي اسوي مثلاً جاي اشرب ماي
حسن بحدة.. اي وهيج ما حاطه شي على راسج لو داخل احد غيري
سهام ببرود.. وشنو يفرق اذا دخلت انته لو غيرك
خسن بحدة وتوجه الها حصرها بالكاونتر.. يفرق ويفرق اهواي افهمتي
سهام.. وخر شبيك لا ما فهمت وخر
حسن بابتسامه.. قريباً راح تعرفين
وطلع استغربت بس ما اهتميت ما جان عايزني الاه هوا ..
❣️❣️❣️❣️❣️❣️❣️❣️❣️❣️❣️❣️❣️❣️
هلو شلونجن ورداتي
شكرا عل التفاعل
احبكم يا احله متابعين
اموت عليكم 😍
وانشالله باليل انزل بارت وهم لا تنسون التصويت والمتابعة بلللييييييز
وطبعاً نزلت كتاب اسمه سر الحياة دخلو على قناتي تكلوه كل يوميه راح انزل بي عبارات او شعر هواي شغلات راح انزل بي تابعوني اوكي
باي ورداتي
احبكم 😍
ŞİMDİ OKUDUĞUN
اصرار الحب
Romantizmبنت تحب انا تدرس خارج البلاد لتكمل مسيرتها الدراسيه لاكن تنجبر على الزواج بأكثر واحد تكرهه
