٥

6.3K 865 124
                                    

#انا_احيا_من_حديد

#مريم_السعدي

قسور-

مرت ايام صعبه حيدر راد يسافر لدبي يجيب سيارات كتله اني اروح رحت ارتاحيت من طلعت بس بكلبي فرررراغ بليل من انام ادور ريحتها بفراشي صدري يدور حضنها لمسه شعرها سوالفها الترفه ضحكتها الهادئه نظراتها اذا صفنت شبيك قسور شنو المضوجك قلقها من اجي عصبي وضايج الله يساعدك بابتسامه والكهوه اللي تجي بوكتها من دون ماكولها جيبي

مشتاق للمستها لشعري من اغفى لصوت سوره يس على راسي من انام كلها حاسس بيها عبالها ماادري شغلات حبيتها بحياتي تفاصيل روحي تسال عنها اذا غابت اخذو حياتي مني سما يوميه اخابرها مرت خالها ضاربتها وعلي مطرود من البيت وماقبل ترجع لبيت جدها تتخابر وي امها من احجي وياها احاول ماخليها تجيب سيرتها لان اتعذب كل ماافتر بالسوك واشوف ثوب اتذكر جسمها اللي كلشي بكعد عليها لا سمينة ولا ضعيفه حبيبتي الدنسها الغريب اليوم ارجع مشتاق لوجه امي الكله طيبه وحنان مشتاق لحيدر غبت شهر عنه وعايفه وحده مرته حامل ب6 نهى المااعرف شبيها من الحادثه ليهسه مشفتها تضحك ابد دائما كئيبه احتمال تعلقها بفاطمه اذاها ببعدها رجعت ---

فاطمه- كعدت الصبح رحت لغرفه بابا امي جانت دتصلي تقربت منه انتبهت مديتنفس نصيت راسي على صدره ماكو باوعت لماما ارجف رجعت ليوره بلحظه حسيت روحي وحدي وحدي بالدنيا امي كطعت صلاتها من شافت خزرتي وخليت ايدي على وجهي ركضت عليه تهز بي

حسييين حسييين اكعد حسييين لتعوفنا حسيين تصيح والصوت يرن باذني مثل الصدى بابا حتى لو متت ماعوفج  بابا وين عفتني الدنيا ذيابه وتنهش بيه لابقت بنتي ولا اخ يسال المن عفتني اجه وسام على صياح ماما قرفصت بالزاويه ابجي وانود بابا وين رحت بابا حبيبي منو يصبرني اني متت
شرفي 
قسور
سما
علي
وهسه انت

متتت وماكو حياه بعدك --- 4 ايام الفاتحه كملت مولين جانت مسافره اربيل متدري بابويه احتاجيت لسما لدرجه الموت ردت حضن يحسسني انه اني اكو ناس تحبني

الفاتحه كلها تكول ابوها مات من وره قهرها مدخلت للفاتحه بقيت حابسه روحي بسطح بيتنا كملت 3 ايام كمت انسى حتى الاكل امي مفاركت السجاده اباوعلها واحس حتى الله ميريدني استغفرك ربي ابتعدت عن الكل

قسور- ب5 العصر كعدت سما تبجي حلمانه بامها لج بابا شبيج مو صغيره انتي صف خامس حبيبتي
- بابا وديني لماما والله ماادري شبيها مختنكه بابا بالنوم تكولي تعاي حضنيني حموت وديني الله يخليك
- هسه يجي عمج بليل
- لا بابا هسه
- كومي تنهدت اذبج بالباب وارجع كمت لبست البرموده اباوعها تبجي وتلبس وصعدت ركض للسياره وصلت للحريه ونزلت سما تدك الباب محد يفتح ابتسمت طولها وجمالها عينن امها رجع بيه الوكت ليوره عشر سنين من جانت تدك الباب وفتحتها الها محد فتح الباب لسما نزلت نصيت فتحت الباب من جوه انفتحت من وخدها رفعت راسي اشوف فاطمه بجسد ذبلان حييل صفره ووجهها تعبان باوعت لابسه اسود وعيونها حتى لمعه مبيها شافت سما كعدت على ركبها حضنتها منصيه راسها وسما تبجي ماما شبيج وهي ماكو رد بقيت صافن قرفصت تقربت منهم فاطمه متباوع حاضنه سما وتلولي مثل الام للطفله -

انا أحيا من جديدWhere stories live. Discover now