¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
تصميم:- @baninalmajde
بقلم:- زهــراء الـــﻜناني
_______________
مديت راسي من باب المطبخ اباوع ، على الهوسه الي باب بيتنه ، بعدت غرتي الي صارت على عيوني حتى اشوف زين ،
خاله اصبعي بحلكي وخايفه اول مره اشوف بابا بهل الاعصاب ، ياايمه شبي ، ومنو هذا الي يحاجي بابا ، بابا واكف على عرض الباب وحاجب الرؤيه عني ماجاي اشوف زين ..
ماما واكفه غاد منه لازمه جتفه تهدي بي ، هو صوته طالع ويرفع بيدي ، جنه يطرد الي واكف كباله ، لم زاح بابا شوي عن الباب ، شفت عمي جعفر شايل جنطته بأيده جنه يريد يبقي يمنه ..
تالي فزيت من صياح بابا هو يكله ، امشي منا جعفر الباب يتعذرك ابعد عني انته ومصايبك انا رجال على كد حالي مابيه حيل مشاكلك ..
-هيج صارت سالفه يااخوي ، اجي احتمي يمك تطردني ..
-لو علي اخليك فوك راسي بس اني رجال راعي ولايه وعدي بنات لا تبليني يرحم موتاك ..
-مع الاسف عليك قاطع كل هاي مسافه من كربلاء لديالى تالي تسد بابك بوجهي .
-جعفر خويه اخر كلام عدي دير ظهرك وارجع منين ماجيت انا حتى افلوس ماضلت عدي بسببك واني اتشاكفلك من ناس ياهو جاي داك بابي يشكي منك ..
-وين اويلي انه هسه كلي ابات بالشارع ..
-ارجع منين مااجيت خوش .. سد الباب بوجهه حيل ..
درت ظهري بسرعه ورجعت اركض للغرفه خايفه من عصبيه بابا يايمه ، صاير كبره حتى امي خافت منه ..
دخلت للغرفه بسرعه ، مينا كاعده تقره ماتحركت ولا كامت ، ولج تعاي شوفي شنو صاير بره ..
كالت بفهاوه شكوو ..
- بابا تمالخ ويه عمو الا شوي يضربه ،
حجت باستغراب :- هذا منو يضرب بابا معقوله ؟!
-'اي والله ولج وجهه دعه دم احمر من العصبيه ، هذا عمج فد يوم يجلطه لبابا
- هم عمج عووذه هذا شوكت تنكطع رجله منا ادري ابتله بابا صار اخوو
