**Unicode**
"အစ်မ မှားခဲ့တာ အစ်မသိပါတယ်။ အိန္ဒြာခိုင်ပေါ်အများကြီးမှားခဲ့တယ်"
"အစ်မ... အစ်မဟုတ်လား။ ဘာလို့ဒီလောက်တောင်ပြတ်သားသွားရတာလဲ"
"...."
"ချစ်ခဲ့တယ်မလား ဖြေပေးပါလား ဘာလို့ဒီလိုလုပ်ရက်ရတာလဲ"
"ဟင့်အင်း အိန္ဒြာ အစ်မမင်းကိုမချစ်ခဲ့ဘူး။ ကစားခဲ့တာ အစ်မပြောတာသိလား အစ်မကောင်လေးနဲ့ပြတ်တုန်း မင်းအပေါ်စိတ်ယိုင်မိခဲ့တာ" ရင်ထဲမှာပေါ့ အပူမီးတောက်နေပေမယ့် အပြင်ပန်းကဘာမှမထိခိုက်သလို ခန့်အားတင်းပြီး မုသားခြွေရတော့သည်။
"အိန္ဒြာကလေ အိန္ဒြာက တကယ်ချစ်တာ "
"အစ်မသိပါတယ် အိန္ဒြာအချစ်ဦးဖြစ်ခဲ့တာရော"
"အဲ့တာဆိုလဲ စောစောကပြောရောပေါ့ အခုတော့..."
"တောင်းပန်ပါတယ်"
"အင်းပေါ့ ဒီကစောက်ပိန်းကတော့ နားလည်ပေးလိုက်ရတာ အလုပ်သဘောအလုပ်သဘောဆိုပြီး သူတို့ကတော့ ကွယ်ရာမှာ"
"ပြောပါ ကြိုက်သလောက်ပြော အစ်မကအပြောခံဖို့တန်တယ်မလား"
"မပြောတော့ပါဘူး အိန္ဒြာက အားနာတတ်တယ် လူတစ်ဖက်သားစိတ်ခံစားချက်ကိုခုတုံးမလုပ်တတ်ဘူး"
"အင်း"
"ပျော်ရွှင်ပါစေကလွဲရင် ကျန်တာမပြောတတ်တော့ဘူး။ စိတ်ချပါ အဲ့ Weddingကိုမလာပါဘူး စိတ်အနှောက်ယှက်မပေးဘူး စိတ်ချ" အိန္ဒြာအပူမီးဝိုင်းနေပေမယ့် ခန့်နှင့်စကားပြောနေသည့်နေရာဆီက သန်မာချင်ယောင်ဆောင်ကာလှည့်ထွက်လာခဲ့တော့သည်။ ကားပေါ်မှာအသင့်စောင့်နေသည့် မလင်းနဲ့အိန္ဒြာအကိုကားပေါ်တက်ပြီးသည်နှင့်တစ်ပြိုင်နက် အတိုးရောအရင်းရောပေါင်းငိုလိုက်တော့သည်။ ရက်စက်တဲ့နေခြည်ခန့်ဟုသည့်စကားမှာ အကြိမ်ဖန်များစွာအော်ဟစ်ရင်းပေါ့.....
🎶မိုးအုံ့လို့သစ်ရွက်ကလေးတွေ
ငြိမ်နေရင် တိမ်တွေပြိုတော့မှာ
ကြိုသိတယ်...ဝါဆိုရယ်သိပ်သတိရမိတယ်အိန္ဒြာ ထိနေ့ပြီးကတည်းက အအိပ်အစားမမှန်လို့ ကျန်းမာရေးမှာအတော်ဆိုးရွားလာပြီးငယ်ငယ်ကအစာအိမ်ခဏခဏရောင်သည့်ရောဂါမှာပြန်ထလာလို့ ဆေးရုံသို့ပြေးရတော့သည်။ ဆေးရုံသို့သွားသည့်လမ်းတစ်လျှောက်လုံး Radioကလာနေသည့် မာမာအေးရဲ့ သီချင်းကြောင့် ရင်ထဲစို့လာပြီး ငိုချင်သည်ကိုထိန်းလိုက်ရသည်။ တစ်လလုံးလုံးတစ်ငိုငိုတရယ်ရယ်နဲ့ စိတ်အခြေအနေမကောင်းတာကြောင့် အမေစိတ်ဆင်းရဲခဲ့ရတာမလို့ အမေ့ရှေ့မှာထပ်မငိုတော့ဘူးလို့တွေးထားသည်ကြောင့်ဖြစ်သည်။
YOU ARE READING
ပုဂံမြေနှင့် ခိုင်
Fantasy**Unicode** ခိုင် နဲ့လျှောက်လှမ်းမှပုဂံမြေက အသက်ဝင်မယ်ထင်ပါရဲ့ .... ခိုင် နဲ့တွေ့မှပြုံးမိတဲ့ ကိုယ့်ကိုကိုယ်စိတ်ဆိုးမိပါရဲ့.... ခိုင် နဲ့တွေ့မှ ချစ်မိတော့မယ်ထင်ပါရဲ့.... **Zawgyi** ခိုင္ နဲ႕ေလွ်ာက္လွမ္းမွပုဂံေျမက အသက္ဝင္မယ္ထင္ပါရဲ႕ .... ခိုင္ နဲ႕...