اليوم الثاني
سلمان اللي كان يسوي له توست وكوب القهوه كالعاده سمع صوت باب الغرفه بس مايدري من
قمر : صباح الخير
سلمان مد يده بالتوست اللي بيده : صباح النور . خذي
قمر : شكرا انا بطلع للدوام
سلمان : خذي اجازه اليوم امس داومتي بيوم اجازتك الوحيد من ٣ اسابيع بنطلع كلنا
قمر : وين ؟
سلمان : لمكان بروح اصحي مشاري
قمر استغربت انه يقول بيصحي مشاري ناظرت بساعتها صدق الساعه ٦ الصبح تنهدت قبل تجلس وتفتح جوالها وتشوف رسايل كثير منه قروب الطلاب دخلته
نور: شكرا لك دكتوره على هالطلعه الجميله
بندر : استمتعنا كثييير
فواز : ماكاني مسافر وتارك اهلي امس حسيت بشعور حلو مره
اميره : شكرا دكتوره كان يوم جميل
فواز: ايش رايكم نكرره كل فتره وفتره ؟
نور بحماس: اكيدددد
ردت عليهم : اكيد لازم نعيد هالطلعه ~ اليوم مافي دوام عندكم اجازه
طلعت من القروب ودخلت المحادثات الباقيه انتبهت لمحادثه رامي
رامي : اكيد انصدمتي ؟ لسه ماسويت شي للحين رح اخليه يكرهك ويرميك مثل مارميتيني
قمر تذكرت تصرف سلمان : يقصد هذا ؟
سلمان اللي كان واقف من زمان وملاحظها : صاير شي ؟
قمر نفت
سلمان جلس قدامها: عارف انك تتنقلين كثير ومو مهتمه ايش رح يصير بس انتي لازم توقفين حياتك مارح تستمر كذا رح تتعبين بعدين
قمر ابتسمت : من سن ال١٨ وانا اتنقل ماتوقع اني رح اتعب
سلمان تنهد: الحين قلت لك انتي مو لحالك اخوك موجود احنا موجودين عندك حياه بديتي فيها رح تنهينها بوقت قليل
قمر : مدري
مشاري ببتسامه: صباح الخير
قمر : صباح النور
مشاري بتثاوب : ايوه ايش الخطط لليوم ؟
سلمان : اول كل لك شي بعدها نشوف
مشاري : تمام
بدو ياكلون الفطور وصلت رسايل لقمر
قمر رفعت جوالها كانت من حمد
حمد : فيه شخص بيجيك بعد ساعه معاه اشياء لك ماقدرت ارسلها لك وهو صاحبي بنفس الوقت اذا احتجتي شي او صار لك شي قولي له تمام
قمر: تمام شكرا حمد
حمد : صح النوم عندك دوام ؟
قمر : لا اجازه بس صحيت
حمد : صحيتي ولا للحين مانمتي ؟
قمر : لا صحيت تو
حمد: تمام
سلمان : بطلع انا الحين برجع الساعه ٧ ونص تكونون جاهزين
قمر ناظرته لفتره: عادي اروح للشقه ؟
سلمان : مشاري روح معها تمام ؟
قمر : لا مايحتاج بكون بخير
سلمان : تمام
اول ماوصلت للشقه شافته واقف ومشابك يدينه وبالارض صندوق
قمر: هلا ؟
نادر رفع راسه : دكتوره قمر ؟
قمر : تعرفني ؟
نادر : انا معك بنفس المستشفى موظف بس اتوقع مانتبهتي لاني توني جديد قبل كم يوم مداوم
قمر : اها انت ؟
نادر قاطعها: صاحب حمد
قمر : اها حياك بس اسمح لي
انتبهت لقفل الباب الغريب بنفس اللحظه وصلت لها رساله من سلمان : الرمز ٢٨٧٩ فتحت الشقه وانبهرت بنظافتها وكان ماشي صار امس
قمر : تعال داخل
حط الصندوق وجلس بهدوء
نادر: ممكن اسالك ؟
قمر: اسال
نادر: الدكتور رامي انتي تعرفينه ؟
قمر : اي بس معرفه قديمه
نادر: يضايقك ؟
قمر : كيف ؟
نادر بجديه: مدري حسيت بتصرفاته وكلامه كانه يقصدك بكل انواع الاشياء اللي ممكن يسويها اي واحد فاقد عقله
قمر بلعت ريقها بتوتر : تقريبا كذا بس ليه تهتم ؟
نادر: لانك اخت صاحبي وطلب مني اعتني فيك لما يجيه النقل
قمر : مايحتاج ينقل لاني بعد اسبوعين بغير مكاني
نادر : عرفت عن هالشي بس ليه انتي تسوين كذا ؟
قمر: لاني ماارتاح بمكان واحد
نادر : بس تصرفاتك غلط كذا انك تهربين وماتوقفين عند كل شي
قمر تنهدت: اسفه نادر ماقدر اتكلم معك كثير فيه شي ثاني ؟
نادر وقف : لا
قمر : تمام يعطيك العافيه واسفه لتعبك معي
نادر: ممكن رقمك ؟
قمر: اي عادي ممكن
نادر: تمام
تبادلو الارقام قبل يطلع
الساعه ٩
سلمان دق الباب
قمر فتحت الباب : ادخل
سلمان: مشاري ينتظر بالسياره
قمر ناظرته لفتره: تمام ثواني بس
سلمان انتظرها لما طلعت لابسه عبايتها وكانت بيضاء برسمات سوداء رفعت شعرها لفوق وكان لبسها عباره تن فستان اسود طويل مع كعب مريح للمشي ابيض شكلها كان بيرفكت وجميل
بعد دقايق كانو كلهم بالسياره رايحين للمكان اللي ببال سلمان اول ماوصلو
قمر: ايش نسوي هنا ؟
سلمان : انزلو
قمر انتبهت للمكان اللي واضح انه لماركات عالميه
نزلو كلهم من السياره
دخلو اول محل بس ما اشترو شي ثاني محل
سلمان : اختاري
قمر ناظرته لفتره: انا؟
سلمان: اي انتي
قمر: بس ما احتاجها ؟
سلمان : بتختارين او اختار
مشاري بحماس : شوفي هذيك البدله حلوه
قمر ناظرت بسلمان بتردد ماتدري ايش وراء هالانسان او سبب تصرفاته اختارو ثياب لهم كلهم بس اكثر شخص قمر اللي كان نص اختياراتها اجباريه من سلمان
اليوم الثاني
سلمان كان واقف عند باب بيتها نزلت وهي تعدل الاوراق بيدها استغربت وجوده
قمر: سلمان ؟
سلمان: رح اوصلك
قمر بستنكار: انت ايش تبي توصل له ؟
سلمان: ولاشي بس ابيك تكونين بخير
قمر: انا بخير
سلمان: ومطارده رامي لك ؟
قمر تنهدت: شكرا سلمان بس حقيقي مايحتاج هالخوف بكون بخير
سلمان: تمام انتبهي لنفسك ورقمي عندك
قمر: تمام
تركته وراحت للمستشفى
كان نازل من سيارته والثاني بجنبه نزل واول ماشافوها
فواز بحماس : صباح الخير دكتوره
قمر ابتسمت لهم: صباح النور كيفكم اليوم ؟
بندر : بخير بعد يوم الاجازه
فواز بسترخاء : اتوقع الطلاب الوحيدين المحظوظين بدكتورتهم والدلع حقها
قمر ضحكت: طيب عادي واحد منكم يجي معي والثاني ياخذ الاوراق لمكتبي
فواز اخذ الاوراق : بندر روح
بندر مشى معها مايدري وين بتروح
قمر : بناخذ قهوه وفطاير اتوقع انكم صحيتو وجيتو على طول وانا بالمثل
بندر بحرج: مايحتاج احنا بناخذ
قمر عطته نظره وماردت عليه مشت ووصلت للكاشير بدت تطلب وحاسبت
بندر: دكتوره انتي بخير ؟
قمر: اي بخير انتو اليوم اللي رح يكون الشغل دبل عليكم
بندر بعدم اهتمام: بالعكس كل مره تقولين كذا ويطلع الشغل خفيف
ضحكت قمر مع صوت الكاشير بان الطلب خلص
بالمستشفى
اميره: فواز بندر وين ؟
فواز: راح مع الدكتوره
نور : وين ؟غريب هالبندر تحسه كتوم وبنفس الوقت هادي وماتعرف شخصيته
فواز: بالعكس ماعرفتيه عدل اجل
اميره : يلا نشوف المرضى لما تجي الدكتوره
قمر : جيت جيت لحظه لاتروحون تعالو للمكتب
كلهم مشو وراها
قمر حطت اكواب القهوه ووزعت الفطاير
قمر : رح اعطيكم تعليمات جديده بخصوص الشغل والشفتات فواز مع نور وبندر مع اميره ممنوع تغيير الشفتات مثل ماتعرفون الدكتور رامي دايم يستقصدكم فا علشان كذا لازم اترك كل بنت مع ولد وبنفس الوقت اذا تكلم معكم او قال لكم اي شي عني ياليت تبلغوني مهما كان الكلام
نور بتوتر: دكتوره ممكن اسال
قمر : تفضلي
نور : ليه يعاملك الدكتور رامي كذا ؟
قمر خذت نفس قبل تجاوب : لان لنا معرفه قديمه
اميره: دكتوره كيف رح يكون دوام اليوم ؟
قمر: رح يكون شفت كامل مستعدين اي احد يحس بتعب او شي يبلغني لاتترددون الحين زي مايقولون صار بينا عيش وملح
اميره : تمام رح نكون عند المرضى
بعد ساعه
رامي : اووه الدكتوره هنا
قمر ناظرته بشر: بغيت شي ؟
رامي: لا بس كنت ابي اتطمن عن احوالك بعد امس
قمر ببتسامه شر: بخير ولاتخاف نردها لك باقرب وقت
رامي حس بخوف من نظرتها وضحكتها : ايش ناويه عليه هالمره ؟
قمر : مو انت اللي بديت تحمل اللي رح يصير واتمنى انك ماتدخل اي احذ باللي يصير بيننا لانه حتى زوج ماعندي
رامي بشر : يكذب علي ؟
قمر ضحكت: ايش يسوي اذا انت مريض وتصدق اي شي
رامي ضرب الباب قبل يطلع
قمر جلست بتعب صعب انها تتمالك نفسها وتمثل بالقوه وهي بداخلها خوف وكره لرامي
