#ﻭِﺣٌګﻤَﺖّ _ﺃّﻟَﻤَﺤٌګﻤَﻪِ
ﺑِﻘِﻠَﻢَ ﺃّﻭِﺗّﺄّﺭ ﺣٌﺰِّﻳِّﻨِﻪِ
ﺃّﻟَﺠِﺰِّﺀ_ ﺃّﻟَﻮِﺃّﺣٌﺪِ_ ﻭِﺃّﻟَﻌٌﺸٍﺮﻭِﻥِ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ﺍﻟﺒﻴﺖ ﺗﻮﺗﺮ ﻣﻦ ﻭﺭﻩ ﻃﻼﮒ ﺿﺮﺍﺭ ﻻﻣﺎﻝ ﺍﺑﻮﻫﺎ ﻭﺍﻣﻬﺎ ﻣﻦ ﺧﺎﺑﺮﺗﻬﻢ ﺧﺎﻟﻪ ﺟﺎﻧﻮﺍ
ﻓﺸﻼﻧﻴﻴﻦ ﻣﻦ ﺗﺼﺮﻓﻬﺎ ﻭﺣﺠﻮﺍ ﻭﻳﺎﻫﺎ ﻭﻛﺎﻟﻮﺍ ﺍﻣﺴﺤﻮﻫﺎ ﺑﻴﻨﺎ
ﻭﻫﻲ ﻏﻠﻄﺎﻧﻪ ﻭﺧﻠﻲ ﻳﺮﺟﻌﻬﺎ ﻟﺨﺎﻃﺮ ﺍﺑﻨﻬﺎ
ﺿﺮﺍﺭ ﻗﻔﻞ ﻭﺣﺮﻣﻬﺎ ﻋﻠﻲ ﻟﻴﻮﻡ ﺍﻟﺪﻳﻦ ،،،،ﻭﺣﺠﻪ ﻭﻳﺎﻫﻢ
ﻣﻦ ﺧﺎﺑﺮﻭﺍ ﻭﻛﺎﻝ ﻛﻠﺸﻲ ﺍﻧﺘﻬﻰ ﺑﻨﺘﻜﻢ ﻳﻤﻜﻢ ﻭﺍﺑﻨﻲ ﻳﻤﻲ
ﺟﻨﺖ ﻛﺎﻋﺪه ﺑﺎﻟﻐﺮﻓﻪ ﻭﺍﺳﻤﻊ ﻣﺮﺍﺩ ﻳﺤﺠﻲ
ﺑﻌﺼﺒﻴﻪ ﻭﻱ ﻏﺎﺯﻱ ﻣﻦ ﺩﮒ ﻋﻠﻲ ﻣﺮﻩ ﺛﺎﻧﻴﻪ
_ﻳﻮﻝ ﺍﻧﺘﻪ ﺷﺒﻴﻚ ﻣﺎﺗﻔﺘﻬﻢ ﺍﺧﺘﻚ ﻣﺎﺍﺣﺘﺮﻣﺖ ﺍﺧﻮﻳﻪ
ﻭﺳﺒﺖ ﺍﺑﻮﻳﻪ ﻣﻨﻮ ﻳﻘﺒﻠﻬﺎ ﻋﻠﻰ ﺭﻭﺣﻪ ﻣﺮﺗﻪ ﺗﻐﻠﻂ ﻋﻠﻲ ﻭﺗﺴﺐ ﺍﺑﻮﻭ ﺍﻧﺘﻪ ﻟﻮ ﺍﻧﻲ
_ﻣﺤﺪ ﻳﻘﺒﻠﻬﺎ ﺑﺲ ﺍﺧﻮﻭﻙ ﻫﻢ ﻣﺎﻗﺼﺮ ﺳﺒﻬﺎ ﻭﻏﻠﻂ ﻋﻠﻴﻬﺎ
ﻭﻓﻮﻛﺎﻫﺎ ﻛﺘﻠﻬﺎ ﻭﻃﻠﻜﻬﺎ ﺑﻴﺘﻨﺎ
_ﻣﻦ ﺍﻳﺪﻫﺎ ﻟﻮ ﻣﺤﺘﺮﻣﺘﻪ ﺟﺎﻥ ﻣﺎﺳﻮﻭﻩ ﻫﻴﺞ
ﻏﺎﺍﺯﻱ ﺍﻧﺘﻪ ﺗﻌﺮﻑ ﻭﺍﻧﻲ ﺍﻋﺮﻑ ﺍﻣﺎﻝ ﻣﺎﺗﺤﺘﺮﻡ ﺍﺣﺪ
ﻭﺗﻌﺮﻑ ﻛﻠﺶ ﺯﻳﻦ ﺍﺧﻮﻳﻪ ﺷﻠﻮﻥ ﻋﺎﻳﺶ ﻭﻳﺎﻫﺎ
ﻓﺎﻟﻠﻪ ﻳﺨﻠﻴﻚ ﻻﺗﺠﻲ ﺗﺪﻭﺭ ﺣﮕﻮﻙ ﺍﻟﻬﺎ ﻭﻫﻲ
ﻻﻋﺒﻪ ﺑﻲ ﻃﻮﺑﻪ
_ﻳﻜﺘﻠﻬﺎ ﻳﻐﻠﻂ ﻋﻠﻴﻬﺎ ﺧﺮﺏ ﺻﻔﺤﻪ ﺍﻫﻠﻪ ﺍﻟﻴﺰﻋﻞ
ﻣﻨﻪ ﻣﻮﻭ ﻳﻄﻠﻜﻬﺎ ﻭﻻ ﻓﺘﻮﻩ ﻭﻻ ﺭﺟﻌﻪ ﺗﺮﺟﻌﻬﺎ ﺍﻟﻪ
ﺍﺳﺘﻐﻔﺮﺕ ﺭﺑﻲ ﻭﻣﺴﺤﺖ ﻭﺟﻬﻲ ﻭﺍﺷﺮﺕ ﻋﻠﺊ ﺟﻬﺎﺯﻱ
ﻟﻔﺘﻮﻥ ﻭﻓﺮﻳﺖ ﺍﻳﺪﻱ ﻭﻛﻤﻠﺖ
_ﺟﻢ ﻣﺮﻩ ﺳﻮﺍﻫﺎ ﻭﺍﻧﺘﻪ ﺟﻢ ﻣﺮﻩ ﺭﺯﻟﺘﻬﺎ ﻭﻣﺎﻓﺎﺩ
ﻫﻲ ﺷﺘﺮﻳﺪ ﻓﻬﻤﻨﻲ ﺑﻴﺖ ﻭﺣﺪﻫﺎ ﺭﺟﺎﻝ ﻣﺎﻣﻘﺼﺮ ﻭﻳﺎﻫﺎ
ﻭﻳﺮﻳﺪ ﺷﻲ ﺑﺎﻟﻤﻘﺎﺑﻞ ﻭﻫﻲ ﻣﺎﺷﺎﺀ ﺍﻟﻠﻪ ﺻﻔﺮ ﺑﻜﻠﺸﻲ
_ﻭﺷﻴﺮﺭﺭﻳﺪ ﺍﺧﻮﻙ ﻳﺎﺍﺑﻪ
_ﻻﺗﺴﻮي ﻧﻔﺴﻚ ﻏﺸﻴﻢ ﺍﻧﺘﻪ ﻃﺎﺏ ﻟﺒﻴﺘﻪ ﻭﺷﺎﻳﻒ
ﺍﻟﻮﺿﻌﻴﻪ ﻭﺍﻛﺜﺮ ﺯﻋﻼﺗﻬﺎ ﻳﻤﻜﻢ ﻣﻦ ﻭﺭﻩ ﺗﻘﺼﻴﺮﻫﺎ ﻭﻳﺎ
ﺍﻛﻠﻚ،،،،ﺍﻟﻮﺍﺣﺪ ﻣﻦ ﻋﺪﻧﺎ ﺷﺮﻳﺪ ﻏﻴﺮ ﻣﺮﻩ ﺗﺴﺘﻘﺒﻠﻪ ﺑﻬﻼ
ﻭﻛﻠﻤﻪ ﺣﻠﻮﻩ ﻭﻃﻴﺒﻪ ﺣﺘﻰ ﻳﻨﺴﻰ ﻫﻤﻪ ﻭﺗﻌﺐ ﺷﻐﻠﻪ
_ﻣﺮﺍﺍﺍﺩ ﻋﻴﺐ ﺑﺤﻘﻨﺎ ﺍﺧﻮﻙ ﻳﻄﻠﮓ ﺍﺧﺘﻲ ﻭﻫﻲ ﻣﻮ ﻏﺮﻳﺒﻪ
ﻋﻠﻲ ﺑﻨﺖ ﺧﺎﻟﺘﻪ ﻳﻮﻝ ﺷﻨﮕﻮﻝ ﻟﻠﻌﺎﻟﻢ
