KA THINLUNG HMUTU SEASON 1 (Complete)

KA THINLUNG HMUTU Part 14

💘 KA THINLUNG HMUTU 😘
       ( PART 14 )

:: He Story  Sponsor tu hming thup chungah ka lawm em em e.. ::

REMA (POV)

Fela chu Class pawh alo kal leh tawh a.. Mahse min be lo mai nilo in a hlim hle ani tih ka hre thei Sangtea chu kawm pawh an kawm ngai tawhlo amah in atla ve tawp ani ber ..

Tukin class chu ka kal peihlo hle mai.. Class nuam ka tihna zawng zawng a bo vek in ka hria .. Fela biak ka duh tak zet a..mahse ka be thei silo..
Hrechiangla min dem hian ka ring lo asin..

School kawt ka thlen lai chuan Bike hi alo tlan Fela leh Miss Chhan2i chu niin , Fela chuan a care hmel hle mai..
An in ngaizawng ta ni maw..Midang hmai pawh an zah zo tawhlo ani e..Fela Hei hi ilo nghakhlel hle ani ang maw..
A chhan leh vang pawh min zawt lo in ,min kalsan a.. Ni e atha lawm.. Nunkawng dik i zawh hi ka lawmpui tak zet che.. Mahse Ka nun i tihchhiat vek hi engtin nge i tih ve dawn ?

Ka mittui tla tur chu ka insum hram2 a.. Mahse Ka thinlung erawh a tap vawng vawng asin..
Class ah chuan A thian te chuan an fiam vel sap2 a.. Nuam atih hmel khawp mai..
Sangtea pawh avau ani ngei ang ..engmah alo sawi ngam tawhlo .. Fela ilo van nunrawng em ..

Class te chu a rei ka ti ngawih2 mai ani..

Hun te pawh chu aliam ve zel a.. Fela leh miss Chhan2i chu an ni nghet tawh hmel khawp mai.. Nu Madini te pawh in an hre vek tawh in ka hria ..
12 pawh kum chanve lai kan lokal ve leh tawh a..
School kan chawlh avang chuan In ka ti fel a.. Ka piancham a Fela'n Thi leh zungbun  min pek chu darthlalang hma ah chuan ka khawih a.. 
Ni e ka bun a ,ka awrh reng na tur a awm tawh hleinem .. Ka pe let leh tur ani..
Fela tinge Engmah sawilo a min kalsan theih zawk le..
Ni ka thiamlo tih chu ka hria lawm mahse Thenna thu tal min hrilh a minkalsan hi ka phu ve lo em ni.. Ka thi chu ka phelh ka zungbun nen chuan .. Kan hun kal tawh a kan hlimlai ni te atan a ka inpumpekna te chu ka ngaihtuah a ka tap a.. Fela ti tawp a min kalsan lo hian ,hman ah khan thenna thu min hlan la ti em em lo hian ka tuar na lo tur asin

🎶 Suihlung ruallai ni ka dawn kir ka dawn kir thin
Lungdi ,ti mai a nang nen samang kan inthen hi
A ngur nun iang loh vang em ni
Nge lengdang vang zawk ?
Min min hlan ve ta che..

  Hrilh in sawithiam a har ka ti
  Ti em a ka thinlai nâ tur pawh
   Dawn zo lova
   Suihlung i her mai hi
    Lungmawl tuar an zawng e ahar asin

Ariang tawn a Biahthu  min hlan lai khan
Engan i tum suihlung min lo hlan mai loh
Hman a min lo hlan nila chuan
Ti em em lo hian
Ka tuar ve tur a

Awle i thlan lamtluang chu zawh zel ta la e
Suihlung chhir zai han rel lul lo'ng che aw
Keipawh khuanu zarah ka thinlaina zawng
A dam ve ngei ang... 🎶

Fela chu an in ah amah a awm ngei ka ring a ,an dawrah chuan ka kal hmasa a..Nu Madini chuan a leng a lo haw tep ang.. I duh leh dawrah hian lo nghak la.. In pawh lo va nghak rawh i thu2 atia ..
Dawr a nghah ai chuan tiin in lamah ka va nghak a.. Fela pa hi chu an huan lamah School chawlh chuan a kal ngei ngei zel..
Abialnu Amah ai upa Miss Chhan2i te in ah aleng ani ngei ang.. An in kawt thutna ah chuan ka lo thu a.. An gate pawn lamah ..
Ahnu chuan alo haw ta a.. Min hmu chu a phu ve zawk in ka hria ..
Mahse min be lo a , luh a tum a. 
Rema " Fela in be lawk ang "

Fela " Sawi tur ka neilo .. Kal rawh "

Rema " Ka tihpalh tak zet ani.. I nat ka hlauh luatah nà tak in ka siam che a.. "

Fela " Min ngaihtuah ang khan awm hlek suh "

Rema " Kha hei hi .. Kawl reng tlak ka ni tawhlo .. La kir leh tawh rawh "