#جرح_الورد🥀
الحلقه الاولى
#
#
نهاوند: وووو عليا جيعانة يا ناس بطني تزوي فيا
رواند: يييي علينا بدت هذي قصة كل ليلة😏
انا: اسكتن تو يسمعنك ينوضن
نهاوند: كيف نسكت مانعرفش نرقد وانا جيعانه ياناااس جيعانه حتي تصبيرة نرقد بيها
رواند: ييي علينا نهاوند وجاعت شن بيسكتها اليوم
انا: به ها كيف يصير من وين بنجبولك وكال
نهاوند: نعدي نفتش المطبخ زعما
انا: تي العزوز الشمطاء هذي مسكرة ثلاجه بالمفتاح
رواند: اها ودواليب فاضياات شي ارقدي وريحنا تره
نهاوند: به نعدو نسرقو المفتاح من دولابها
انا: تي حطيته تحت راسها عطها الشر ان شالله تموووت
رواند: انتن بتبدن انا نطلعني من الموضوع نبي نرقد .وغطت وجها ورقدت
انا: استني تعالي معايا
نهاوند: وين ماشيه
انا: اسسسس وطي صوتك وتعالي.
...........
نهاوند: يييي مش قتلك مسكرة تلاجة
انا: تعالي ناخدو المفتاح من تحتها
نهاوند; تخافي تنوض
انا: اصبري بس
.............. نهاوند: حي علييك يا ياسمين
انا: اسسسس
..............
نهاوند: هههههه به الي ماناضت
انا; ههه تشخر مش فاضيه انعن دا تعالي بسرعه نطلعو حاجه ناكلوها
نهاوند: ههههه حتي انت جيعانه طلعتي
انا: شن بندير معشيتنا من ساعه 8
نهاوند: جيبي الجبنة هذي نحبها اهاااا يا جبنتي حرموني منك وجيبي دحي
انا: فكينا منا دحي يسمعنا ونحنا طشطشو فيه
انا; هاكي تن وزيتون
وطلعنا في صور نسلسو اوكلينا
نهاوند: وحق ربي منقدر نعييش بلاه
انا: من هذا
نهاوند: الوكاال
انا: نهارك احرف تحقيش في روحك كيف قاعده
هيا نخشو تو يفطلولنا
نهاوند: اصبري خليني ندير نص وندسه مرات نجوع عالفجر
انا; وووو بترقدي معانا تن انت
نهاوند: ها تبيني نوض نجوع عالفجر شن ندير
انا: اها صح خير ماتشقيني في سرقه المفتاح اخري .هيا خشي ونعدي نرد المفتاح
نهاوند: به😂😂
فانزي الحلويين نعرفكم عليا في يوم زي اي يوم في حياتي وفي حياة اي انسان طبيعي نرقد في سريري ومخدتي وفي داري مع خواتي ونبربش تليفوني ونرقد ونوض تاني يوم علي صوت بابا ينوض فيا للجامعه ونوض ونستني خويا لين يطلع من الحمام ونتعارك معه عشان طول وبعدها نتعارك مع اختي لانها خذت اللبسة من دولابي وانا نبي نلبسها وتقعد ماما تعيطلي عشان نفطر. وانا نطلع ونفطر مع بابا وماما في مطبخنا. ونقول لبابا عطيني المصروف وترقاله لان قبلها بيوم كان عطيني وانا صرفتهن في جامعه شريت شفرة مدار من وراها😂😂وبعد هذا كله يعطيني وبعدها نطلع ونسقي ورداتي ونصبح عليهن ولازم كل صبح نغنيلهن اغنيه لفيروز ويجي خويا الكبير ويهزبني ويقولي الحافلة تستني فييك😂ونطلع انا واختي للحافله ونصبحو عالبنات الي في الحافله ونقولو لصاحب الحافلة يعلي المسجل ويحطلنا اغنية السوكني عالصبح😂ونعدددي ونحضر محاضراتي ونهدرز انا وصحاباتي ويجي شاب يعاكس ونقعدو نشفطو عليه ونروحو للحوش نلقو ماما دايرتلنا الغداء نتغدو ونغسل المواعيين ونرقد في داااري وامتي مانبي نوض نوض ومرات نرقص عالمرايا بروخي زي الهبله او نتعارك مع خويا لان مدرس سيارة في صور الي نقعد مسيقته ومرات نعدو لعيت خالي او عيت جدي وبعدها نروحو لحوشنا امتي مانبو و ومرات نلعب انا وخويا واختي طائرة يعني زي حياة اي انسان لحد ماجا يوم مايخطر لا عالبال ولا عالخاطر يوم يغيرلك حياتك 180 درجه يوم الي تسيب فيه المكان الي تربيت فيه وعشت فيه احلي ايام احياتك العش الاسري المأوي الي ملكش مهرب منه يوم تطلع من حوشكم وهو يوم مشؤؤم تطر انك تطلع من حوشك الي هو قبر الدنيا غصبن عنك خوفا علي حياتك وتسيب منطقتك وشارعكم وحوشكم ومن لحظه هذي يقعد يطلق علييك اسم اللااااااجئييين(النازحين) ومن هنا تبدا المعناة😔😔
انا اسمي ياسمين مواليد93 طالبه في كليه العلوم تخصص حيوان
عندي 3 خوات الي هنا
شيماء. 92
نهاوند 96
رواند 2000
وعندي اخيين الي هما
عمران 88
عامر 94
وبابا اسمه عبد الرحمن يشتغل في مصرف موظف وعنده محل مواد غذائية كبير في شارعنا ويشتغل معاه فيه خويا عامر بس طبعا سيبنها لان منطقتنا اشتباكات
وماما اسمها صفيه مدرسه بس متقاعدة وربة منزل
طبعا نحنا نازحيين لنا شهر عند هل بابا بس هل بابا متوفيين يعني الحوش فيه مرات جدي وبناتها الي هنا عماتي خوات بابا من باته😏صفاء87
ومروة90 مخطوبة
وعمي خو بابا يسكن فوق منهم اسمه خالد وعند بنت كبري اسمها سارة وعيل كبر عامر خويا اسمه صهييب وعندي عمي شاب خو بابا من امه برضو اسمه وائل بس يشتغل في طبرق اها عندي عمة متجوزة في طرابلس اسمها اميمة وهيا كويييسة بكل اخت بابا شقيقتا ونحنا نحبوها واجد
