#جرح_الورد 🥀
الحلقه(الواحد والعشرون)
"
"انا عديت لحوشهم ولقيت الباب الرئيسي مسكر عديت من باب المطبخ ودقييت
ريما: اهليين واخيرا شفناك
انا: ههههه اهلين شن جو
ريما: تمام خشي
انا: لقيت الباب لاخر مسكر
ريما: تخشي من اي مكان يا حبي
انا: هههه تسلمي
ريما: خشي تعالي
وخشينا لصالة وبعدها لدار الي مقعمزيين فيها كان الحوش بتاعهم يهبل من جوا واجنحه اجنحه .....
مها: اهليين ياسميين جيتي
انا: اهلين شن اخبارك
مها: الحمد الله تفضلي
سلوي; خيير انا سلوي
انا: اها اهليين كيف حالك
سلوي: الحمد الله
نعيمة: قعمزي يا ياسمين جيبن للبنت قهوة
انا: لا ماتعبيش روحك شاربة عند صاحبتي
ريما: تعبك راحه دايرة نهاوند كب كيك يجنن تو نجيبلك منا
انا: ههههه شورها نهاوند
سلوي: هذي بنتك الكبيرة يا عمتي صفيه
ماما: لا لا شيماء الكبيرة بعدها ياسمين
سلوي: اها ماشاءلله
انا: هذي بنيتك اسيل صح
سلوي: اها
انا: خيير يا سمحه اسمك سمح زيك
وجتني البنت وقعمزت يلايا
سلوي: شكلها نسجمت
انا: نجيها سموحه
شيماء: هههه من بدري وهيا ورواند تهدريز
انا: هههه خطرها وين رواند
سلوي: مع ريما في المطبخ شكلها
نهاوند: هههه رواند طاحت في وحده زيها عالنت وخلاص
سلوي: حتي ريما مادير في شي نت وتلفزيون
سلوي: تفضلي
انا: عليش متعبة روحك
مها: لا عادي وين كنتي
انا: عند صحبتي تليفونها مقفل ونشوف فيها
ريما: ماما عمتي فاطمة جت
نعيمة: قوليلها تفضل هذي جارتي الي لاصقه فيا
ماما: اها
وخشت جارتهم وتمت تهدرز دوتها واجدة ونحنا البنات طلعنا في الصالون برا في صاله وسيبنا الصبايا كبار في الدار
ريما: 😂😂حتي انا ضفته وامس يهدرز ونقوله في معلومات يقولي منين جبتيهن
رواند: ههههه خليه احسن ضايف 300بنت
انا: علي من تدون
رواند: علي صهيب ريما هبلاته عالفيس
انا; هههههه بكل بتاع بنات صهيب
سلوي: مش مخطوبة انت ياسميين
انا:هههه لا لا عليش
سلوي: غريبة ماءشالله عليك سموحه
انا; منعميين بعيد عنك😂
مها: 😂في هذي معاك حق
مها: بس هكي احسن مريحه راسك حتي انا كنت مخطوبة وفسخت
شيماء: علييش
مها: اهو نصيب وماتفهمنش
شيماء: هههه انا وياك نفس المواليد ونفس الكلية واخري فاسخين خطبة واجد هكي
مها: ههههه صح حتي انت
شيماء: اها بس لنا سنتين فاسخيين
سلوي: به علييش فسختوا
انا وشيماء ونهاوند بحتنا في بعضنا وسكتنا
شيماء: نصييب😔
سلوي; وانت ياسميين شن تقري
انا: انا علوم قسم حيوان بس علي يدك جامعه موقفه
سلوي: بكل تعطلتوا
انا: مش غيير قريب ننفجر من الكساد
سلوي: به لييش ماتشتغلي
انا: ياريت بس شن بنشتغل
مها: ابلة في مدرسة خاصة زي😁
انا: ماحصلتش ومافكرتسثش فيها بكل قصدك انت ابلة
مها: اها محصلتش تعيين وليا سنتين نقري فيها
سلوي: مش شرط حتي تقدري تشتغلي في مختبر صح
انا: لامختبر مانقدرش انا قسم حيوان بس والله حطيتي الفكرة في راسي عجبتني
سلوي: ماعليك انا صاحبة افكار
مها: بكل هذي ديما شغلينها الناس هذاك اليوم عدت معايا السوق وشريت بلوزة ومالقتلهش اشرب
شيماء':به
سلوي: 😂
مها: هذاك اليوم بنتها مريضة وقاعده بيها في المستشفي ومتصله بيا تقولي لقيتلك اشرب في المحل قريب من العيادة يمشي مع بلوزتك
انا: 😂😂😂لنقنك فاضيه
سلوي; خزي جازاتي للخير الي درته لك
شيماء: عديتي شريتيه
مها: 😂اها عدييت
."""
"
"
,
وكملت العشيه تهدريز وضحك خاصة مع سلوي بنتهم المتجوزة جوها خطيير بكل
