اكشن
مكالمة بين عصام🕊وريم🕊
عصام : ايوااه ريم
ريم : عصام دير اي حل حب السنين بيمشي هكي
عصام : أنا توا جاي ونبي نخطبك وتوا نشوف عمي شن يقول
ريم : تمام تعال توا
صكرت ريم من عصام وطول جااه في المربوعة مقمعزين بابا وعصام وخوي أدهم
عصام : عمي أنا جايك نبيك في موضوع
بابا: تفضل ي عصام
عصام : الحق أنا جاي نطلب في يد بنتك ريم بالحلال
بابا: تعرف ي عصام انه في واحد متقدم صح هذي خليها علي جنب لاكن ي عصام أنا منقدر نعطي بنتي لكي
عصام : ليش ي عمي شن الحاجه اللي تعيبني
بابا: لا ميعيبك شي لاكن انتو قرايب هلبااا من بعض يعني حتا لو زوجتها لكي بيصير اختلاط في الجنات وتبو تجيبو عيالكم من ذو الاحتياجات الخاصة
عصام: اي لاكن ي عمي
بابا: سامحني ي عصام واللهي مانقدر لا انتَ ولا بنتي
عند ريم
ريم : شنو يقول بابا معقولة
ماما: خيرك ريم شنو كنتي تكلمي فيه🌚🌚
ريم : باللهي عليك ي ماما انتِ في شنو واني في شنو
ماما: ريت التربية ، امشي من قدامي ورمت عليها السباط
ريم : اااااا واعره الضربه 😭😒
ماما: تبي ضربة أخره 🌚
ريم: نقولك حاجه خليك في الصالة باهي واني نمشي نخمد فوق في داري 🥺🙂
ماااما: هكي احسن
ريم: 🥺🥺🥺
اركبت ريم لي دارها وهيا منهارا كانت تفكر نفس اللي صار معاه اختها نغم صار معاها وهيا تتوقع نفسها ترد لي عصام ويزوجوهم ام مصيرها يكون كيف اختها كل شي راح نعرفو في الحلقات الجاية خلينا نكملو🙂🤏
العيلة كلها تحت ويهدرزو
أنا: خيرررر
كلهم: خيرات
ادهم : 😐😒😒😒
أنا: لاحظت نضرات ادهم ليا الحق معش قدرت نتحمل قعدت نبكي ومشيتلا حظنته وقتلة
أنا: ادهم خويا حبيبي باللهي سامحني
ادهم : 🤨😒
أنا: تعرفني منحبكش تزعل مني ادهم باللهي سامحني 🥺😭😭😭
ادهم : به خلاص معش تبكي مسامحك😐
أنا: 🥺🥺🥺متأكد
ادهم : متاكد🌚
أنا: وييييييي واخيرن ❤❤❤😘وعد معاش نعاودها خلاص تبت
ادهم : لا بالك تبي تعاوديها 🙂😡
أنا: نبصر توا قعد عندي زيد💫😔
أنا مالحضتش روحي في الاخير انه نطقت اسمه وقلت عندي زيد متوقعتش في يوم مشاعري يمكن تتغير وفعلن كلام زيد صح لما قالي عطيني فرصة واني عطيته مشاعري بدت تحن لي زيد يمكن ننجح ونحبه الله اعلم 😊🕊
والوحيدين اللي وقفو معا ريم و عصام هما عمامي واللي كانو معارضين هما بابا وماما علي قصة الإنجاب وبسبب القصة هذي بابا وعمامي تعاركو وبابا قاللهم
انه مدخلكمش وهذي بنتي واني مش علي قصة عصام لا هوا ولد خوي ونعزا لاكن نزوجوهم وقصة الإنجاب من بيحلها وبعد فترة جاه اللي بيخطبها واحني بدال مانفرحو حازنين لأنه قصة الحب اللي بين ريم وعصام ماتجيشش تمشي مره وحدا طبعآ اللي جاي متقدم لي ريم اسمه انس هل انس بعد يومين كانو يبو يجيبولنا الحاجات متاعات الخطوبة لاكن انس كلم بابا وقاله سامحني انا نبي نفسخ طبعآ احني خواتها فرحنا فرحة مش طبيعية وعصام كان بيطير من الفرحة وقال يمكن نجرب ويوافقو بس كلهم كانو حاييرين ليش انس قال نبي نبطل لأنه جتني رسالة ومكتوب فيها انه مغصوبه عليا وتبي ولد عمها الحق بابا عصب وقال كيف الكلام هاذا ومن بعت الرسالة وصارت مشاكل هلباااا وكنا اني وبنات عمامي نساعدو في ريم وعصام انه الحب اللي بيناتهم مش طبيعي وكنا حاطين امل انه مزال ايصير منهم
____________________
بابا وماما
ماما : عليش الراجل بطل ي جبريل
بابا: قال البنت مغصوبه عليا ومتبنيش وقال اني منبيش نظلمها معايا وخليها تاخد اللي تحبه الكلام هاذا كله جاته في رسالة وقال انه البنت تبي ولد عمها ومغصوبة علية
ماما: معقولة
بابا: صكريها السيرة خلاص طفي الضي
ماما : تمام
______________
طبعآ جاه واحد تاني وتقدم لي ريم
وصارن مشاكل بين ريم وعصام وتفارقو واللي جاها وخطبها الحق ماحبتاش وقاللتلهم افسخو معاش نبيه الحق كلنا فرحنا وعلي امل انه ريم وعصام ايردو لي بعض 🕊😊 وردو ريم وعصام يحكو معا بعض لأنه الحب اللي كام بيناتهم حب عالمي
كلهم كانو ايقولو النصيب هوا انه يجمع عصام وريم معا بعض لأنه كل حد ايجي لي ريم ياه هوا يفسخ ي هيا وجاه يوم وتقدم واحد ثالت لي سمر
سمر طول وافقت لأنها تعودت خلاص الشي معش قعد غريب عليها😔💫
لاكن الألم كان قوي في لحظة عصام خطب عصام دور بنت وخطبوها لاه هل عصام وعصام ايحب ريم لاكن مافيش حد باه يقنع حد انهم لي بعض وعقد القران عصام في البنت والبنت اللي خاطبها عصام تكون اخت انس اللي اول واحد خطب ريم وفسخ تكون هذي اخته اللي هيا خطيبت عصام وكلنا عارفين انه عصام ايحب ريم وحزين هلباااا😭 لاكن مانا عارفين شنو نديرو حب اللي كاين بينه وبين ريم اربع سنين مافيش حد عدل عليه ومرة مرة ريم تشوف في عصام لأنه زي ماقلتلكم البيوت كلنا معا بعض
ونظراتهم لي بعد كلها حزن وكسرت خاطر 💔😢
وأكثر يوم كلنا تأثرنه فيه يوم بيان عصام ريم مابتش تمشي لأنها لو مشت مش راح تقدر تتحمل 💔😔
وخش عصام لبسها الخاتم ووواضح من نظراته مش فرحانه واحني وبنات عمامي نبكو نشوفو فيهم كل واحد تفرق ومش قادرين نديرو شي
وعلاقتي اني وزيد باديه تتحسن وفرحي قرب واني مزال مش مصدقه او بالأحرى مصدومه 💫😊
قبل أيام قليلة من فرحي يمكن مزال عليه يومين
ايجيني خبر متوقعتاش بكللل💔💔😢
الخبر شنو ومن يخص هضا كله نعرفو في الحلقة الجاية 🤏😘
توقعاتكم للحلقة الجاية
ديرو دعاية لي روايتي موفقين انشالله ❤💫
أنت تقرأ
لا_أعتراض🕊💍
Mystery / Thrillerعمرك ماتتسرعي وتاخدي قرار بدون ماتحسبي شنو اللي يستنا فيك 👌او درتي عملا وطول قررتي انك تنتحري علشان تتفكي من هم أو شي لا هكي همومك ايزيدن ودنبك هكي راح يكبر 🤏 والرواية هذي حقيقة ميه بالمية جتني من خاص + عمرك ما تعترضي علي حكم ربي لا_ اعتراض علي حك...
