وهما بيتكلموا جوزال رجعت من الحمام واول ماشافت زينه اتصدمت
جوزال بصدمه /انتي
زينه باستغراب/حضرتك تعرفيني
جوزال بغل/بانسيه انتي ايه اللي جابك هنا
زينه باستغراب /لا اكيد حضرتك غلطانه انا زينه مش بانسيه
يزن بهدوء/جوزال ديه زينه صاحبتي من الثانوي وديه يازينه جوزال.. حبيبتي
جوزال اول ماسمعت حبيبتي تنحت وحست ان قلبها هيقف من الحركه معقول يزن قال انها حبيبته وهنا حست ان هيغمي عليا لما يزن قال
يزن بحب/وهنتجوز لما ارجع من العمليه
زينه بفرحه/مبرووك مقدما وربنا يكملكم علي خير يارب هستاذن انا بقي
يزن بابتسامة /اتفضلي
مشيت زينه وفضلت جوزال واقفه متنحه ومش قادره تستوعب اللي قاله يزن
يزن باستغراب /جوزال انتي واقفه ليه تعالي اقعدي
راحت جوزال قعدت بكل هدوء ولا كانها انسان الي بينفز اللي بيتقاله بس
يزن بقلق /جوزال انتي كويسه
جوزال بصدمه /يزن هو الكلام اللي انت قلته ده بجد
يزن بهدوء /كلام ايه
جوزال بهدوء /اني حبيبتك وهتتجوزني لما نرجع ولا انت مكنتش عايز تكسفني قدام صحبتك وتقولها اني خدامه عندك واني مساعدتك في البيت
يزن بصدمه/انتي ايه اللي بتقوليه ده ياجوزال انا عمري ماشوفتك خدامه من ساعه مادخلتي بيتي وانا اعتبرتك زي اختي لكن دلوقتي انا مش شايفك اختي انا مش شايفك غير مراتي ياجوزال انا بحبك وكنت قاصد كل كلمه قولتها جوزال انتي حبيبتي فعلا وهتجوزك لما نرجع مصر علي طول فهماني
جوزال بحزن/بس انت مشوفتش شكلي يايزن ازاي هتتجوز واحده انت مشوفتش شكلها قبل كده
يزن بحب/الشكل ده اخر حاجه عندي المهم روحك الحلوه روحك هي اللي خلتني احبك وبعدين انا متاكد انك زي القمر جوزال متشغليش بالك دلوقتي ارتاحي عشان لما اخرج من العمليه في حاجات كتير هتحصل فا ارتاحي دلوقتي
جوزال بحزن /حاضر
كانت جوزال متضايقه جدا من كلام يزن وفي نفس الوقت مبسوطه مبسوطه عشان يزن بيحبها زي هي مابتحبه ومتضايقه انها هتسيبه لما يعمل العمليه وفضلت ساكته ودموعها علي خدها لحد مانامت من العياط
وصحيت علي صوت الطيار وهو بيعلن الهبوط علي ارض انجلترا قامت جوزال وغسلت وشها وخرجت من الطياره وراحوا علي الاوتيل اللي هيقعدوا فيه
ـــــــــــــــــــــــــــــــــــــــــــــــــــــــــــــــ
في المستشفى
وصلوا جون وجوليا وراحوا علي اوضه هازل وجوليا اول ماشافتها جريت عليها وحضنتها
جوليا بخضه/كده ياجوزال تخضينا عليكي ايه اللي حصل بس مانتي كنتي معايا الصبح
هازل بابتسامة /ماهو وانا راجعه بقي عربيه خبطتني بس الحمدلله جت سليمه
جون بابتسامة /الحمدلله انك بخير
هازل بابتسامة /صح مبروك ياجون هتبقي بابا
بابرس بغباء/هيبقي بابا ازاي مش فاهم
هازل بضحك/هيبقي بابا ازاي بطل غباء يابني جوليا حامل عشان كده هيبقي بابا😂
بابرس بهبل/ايه ده جوليا حامل🤓
هازل بضحك/لا انا اللي حامل يابابرس يابني ايه الغباء اللي نزل عليك ده 😂
بابرس بابتسامة /ده من الفرحه بس مبروك ياجوليا ربنا يقومك بالسلامه
جون بضحك/طب وانا مليش مبروك برضو 😂
بابرس بضحك/ليه هو انت كمان حامل 😂
كلهم ماتوا علي نفسهم من الضحك وجون قعد يجري ورا بابرس في الاوضه وحالف ليقتله
جوليا بضحك /خلاص ياجون حقك عليا انا 😂
جون بعصبيه/والله ابدا ماهسكت الا اما اضربه
بابرس بهبل/خلاص يسطاا ده انا بهرج معاك وبعدين هتدخل السجن في واحد زي انا مرضهالكش والله 😅😂
جون بتعب/الله يخربيتك قطعت نفسي اتهد واقعد عشان مقتلكش دلوقتي
بابرس بضحك/براحه علي نفسك ياجون كده غلط علي البيبي😂
جون بعصبيه /والله لقتلك يابابرس هقتلللللللللللللك
بابرس بخضه /يانهار فحلقي اجرررررري ياماجديييي😅
وطلع بابرس بره الاوضه وجون وراه والمره ديه هيقتله بجد
جوليا بضحك/ياحرام كان اهبل الله يرحمه😂
هازل بضحك/الفاتحه علي روح المرحوم 😂
ـــــــــــــــــــــــــــــــــــــــــــــــــــــــــــــــ
عند تانسو
كانت قاعده في الجنينه بره الاوتيل وسرحانه وجيه سراج قعد جنبها
سراج بابتسامة /الجميل سرحان في ايه
تانسو بسرحان/يزن
سراج بانتباه/ماله يزن
تانسو بدموع /خايفه ياسراج علي يزن من العمليه انا دايما كنت بقوله يعملها بس من جوايا كنت ببقي خايفه
سراج بخضه/ياحبيبي متخافيش ديه عمليه بسيطه ياروحي مش محتاجه ده كله اهدي بس كده بلاش دموعك ديه ياقلبي عشان غاليه عليا اوي
تانسو بحزن/حاضر
سراج بابتسامة /وبعدين ركزي معايا كده عشان عايزك في موضوع
تانسو بانتباه/موضوع ايه
سراج بابتسامة /فرحنا
تانسو بغباء/ماله
سراج ببرود/بيسلم عليكي ركزي معايا ياتانسو وحيات خالتك ماهي ناقصه غباء
تانسو بهبل/ياعم متزعقش انت عاوز ايه دلوقتي
سراج بابتسامة /نتجوز
تانسو بغباء/طب ماحنا هنتجوز
سراج بأمل /ايوه امتي بقي
تانسو بغباء/في يوم من الايام هنتجوز باذن الله ادعي انت بس🤓
سراج بعصبيه /يارب صبرني عشان مقومش اقتلها بت ركزي معايا كده
تانسو بابتسامة /في ايه ياسراج اهدي كده انا عارفه انت عاوز ايه وهكلم يزن بس لما يخرج من العمليه
سراج ببرود/ولما انتي عارفه انا عاوز ايه بتتغابي فيها ليه ده انتي هتشليني
تانسو بهزار/الله ياسروجه يعني لو متغابتش عليك هتغابه علي مين 😂
سراج بحب/ربنا يخليكي ليا ياقمري
تانسو بحب/ويخليك ليا ياحياتي❤
ـــــــــــــــــــــــــــــــــــــــــــــــــــــــــــــــ
صباحا في مستشفى انجلترا
كان يزن في اوضه الكشف وعملوله الفحوصات كلها وقرروا انهم هيعملوا العمليه دلوقتي ومفيش داعي انهم يستنوا اسبوع وفعلا جهزوا يزن للعمليه ودخل العمليات وكانت تانسو قاعده بتعيط وخايفه وسراج بيهديها وجوزال واقفه بعيد وبتعيط... للاسف هي لازم تمشي هي نفزت مهمتها خلاص ولازم ترجع وفجاه لقت موبايلها بيرن وكان جون مسحت دموعها وراحت اوضه فاضيه وفتحت المكالمه
جون بجديه/جوزال جيه الوقت انك ترجعي
جوزال بدموع/عارفه بس انا مش عايزه ياجون جون انا بحب يزن اوي مش هقدر اسيبه ياجون
جون بهدوء/مينفعش ياجوزال حياتك في خطر انتي مفاضلكيش غير محاوله واحده وديه مش هتقعد كتير ياجوزال حبيبتي انتي قدامك اسبوع بالظبط لو مرجعتيش هتموتي جوزال فكري امك محتجاكي وانا كمان محتاجك ياجوزال
جوزال بدموع/وانا كمان والله محتجاكم ومقدرش استغني عنكم بس انا بحبه ياجون ارجوك اتصرف انا مش عايزه اسيبه ارجوك ياجون لو ليه معزه عندك
جون بحزن/انا اسف ياجوزال مفيش حاجه في ايدي اعملها حبيبتي اهدي وارجعي وانتي مع الوقت هتنسيه ياجوزال
جوزال بدموع/حاضر ياجون هرجع ابعت المركبه دلوقتي وانا هاجي
جون بحنان/حاضر ياحبيبتي اجهزي انتي
جوزال بحزن/انا جاهزه ياجون
قفل جون مع جوزال وهنا مقدرتش تقاوم ضعفها وقعدت علي الارض تعيط وانهارت جامد
جوزال بدموع /يارب انا قلبي واجعني يارب يارب انا مش هقدر اسيبه يارب اديني القوه في فراقه يارب
وقامت جوزال مسحت دموعها وراحت بصت علي يزن من بره وخرجت بره وراحت ورا المستشفى وركبت المركبه ورجعت كوكبها تاني كوكب اريس
ـــــــــــــــــــــــــــــــــــــــــــــــــــــــــــــــ
في المنظمه
كان الكل متجمع ومستنين جوزال واول ماجت امها جريت عليها وحضنتها
الما بفرحه/جوزال حبيبتي وحشتيني اووي ياقلبي
جوزال بدموع/وانتي كمان ياماما وحشاني
الما بخضه/بتعيطي ليه ياقلبي
جوزال بكدب/عشان كنتوا وحشني قوي
وسلمت جوزال علي الكل وعرفت بجواز جون وجوليا وحمل جوليا وباركتلهم وبعدين جون خدها علي مكتبه وقفل الباب وقرب من جوزال
جون بحزن/عيطي ياجوزال مش هقولك متعيطيش عيطي طلعي اللي في قلبك ياحبيبتي
جوزال بدموع/مش قادره ياجون مش قادره وحشني اوي
جون قرب منها وخدها في حضنه ودموعه نزلت علي بنت اخوه اللي بيعتبرها بنته وصحبته مش بس بنت اخوه مكنش يحب انها تتعزب بالشكل ده بس مكنش في ايده اي حاجه يعملها
جوزال بانبهار/قالي استنيني ياجون كان عايز يشوفني اول واحده بعد العمليه كان عايز يتجوزني ياجون هو قالي كده في الطياره قالي اني حبيبته وهيتجوزني لما نرجع مصر ياجون قلبي بيوجعني اوي ياجون
جون بدموع/كفايه ياجوزال انتي بتعزبيني بعياطك ياقلبي طب انتي عايزه ترجعي تاني لوعايز ترجعي وده اللي هيريحك انا موافق
جوزال بدموع/مش هينفع ياجون مانت قولت اني هموت لو قعدت هناك ومش هقدر كمان اني ابعد عنكم برضو
جون بهدوء/بصي ياجوزال انا عايزك ترتاحي وانا هحاول اشوفلك حل وباذن الله هنلاقي حل روحي انتي انهارده وباتي معانا عشان مامتك متقلقش عليكي وبكره نبقي نشوف الموضوع ده ماشي ياقلبي
جوزال بتعب/ماشي ياجون
وخرجت جوزال وراحت علي بيت جون
ـــــــــــــــــــــــــــــــــــــــــــــــــــــــــــــــ
عند بابرس
كان قاعد في مكتبه ومعاه هازل بعد ما اصرت انها تخرج من المستشفى عشان تسلم علي جوزال لما عرفت انها رجعت
هازل بهدوء /بابرس انت لاحظت حاجه في جوزال
بابرس باستغراب /حاجه ايه
هازل /جوزال عمرها معيطت كده في اي مهمه بترجع منها في حاجه في جوزال ولازم اعرفها
بابرس بابتسامة /ياهازل متشغليش بالك انتي متهيالك بس جوزال كويسه وكانت بتتكلم معانا عادي وبتهزر ومفيش حاجه
هازل بغموض/اشك
وهما بيتكلموا جون اتصل عليه وقاله انه عايزه هو وهازل في مكتبه وفعلا راحوا لمكتب جون
هازل بهدوء /في ايه ياجون عايزنا في ايه
جون بجديه /في موضوع عايز اخد رايكم فيه
بابرس بانتباه/موضوع ايه
جون بجديه /ــــــــــــــــــــــــــــــ
بابرس وهازل بصدمه/نعمممممممممم.........
ياتري ايه اللي هيحصل هنعرف في الحلقه الجايه😊
نجمتي الجميله ❤
MAIILY 💘
رايكم يهمني
YOU ARE READING
نجمتي الجميله ||My beautiful star ♡
Science Fictionهي من كوكب اخر كلفت بمهمه في كوكب الارض فهل سوف تنجح بها ام تفشل 😊
