المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 197:
عند ياسمين...
سلمى: اااه يايما رجليا راح يتكسرو...
ياسمين: اوووف تعب كبير اليوم... نحس في رقبتي تشنجت...
سلمى: حتى بقرة نتع فاتي هربت ربحتها ودواء...
ياسمين: مسكين خدمت يومين ڨارد... وزيد بنتها بلحمة...
سلمى: تعرفي ماتحلاليش خدمة بلا بيها... مانلقاش شكون نقلق...
ياسمين: حرام عليك... قوليلي تعشيتي؟
سلمى: اممم نشوف في الفرحة راح تخرج من عينيك...
ياسمين: تبانلك برك...
سلمى: علاه جاء روميو صغير...
ياسمين: حرام عليك تتمسخري عليه...
سلمى: وما تحبيش عليه ثاني مليح تطور ملحوظ...
ياسمين: تسمى مكانش فاتي دورتها ليا...
سلمى: لا نحكي صح علاه جاء...
وقفت نحات طبلية علقتها ياسمين: غير جاب سلعة عدالي برك يطل...
سلمى: فيه الخير اسيدي...
ياسمين: اممم محمد ما عيطلكش...
سلمى: علاه يعطلي ومزال عندو وجه يقابل بيه...
ياسمين: لا بصح مش مريحني غطسة تاعو وسكوتو...
سلمى: ما عندو ما يعمل فديو الي عندي لوكان نخرجو يفوت للسيلونة مايخرجش...
ياسمين: إن شاءالله يكون كلامك صح...
صونا تلفون ياسمين كان فوق بيرو شافت معاه سلمى ضحكت
سلمى: احم احم روميو يعيط...
ضربتها على كتفها هزت تلفون: سامطة قالولك ولا...
سلمى: احكي براحتك نشوف اخر مريض ونجي...
حركتلها راسها واستناتها خرجت قفلت الباب من وراها... عاودتلو بعدما تقطع...
ياسمين: اهلا...
حمزة: قلت مش راح تهزي كما قبل...
ياسمين: ننن غير كنت نحكي مع سلمى..
حمزة: ههه دايما لاصقة فيك...
ياسمين: هههه وي صحبات الابتدائي وش تتوقع...
حمزة: يدوم عشرتكم...
ياسمين: امين اجمعين يارب...
حمزة: اهااه...
رجعت شعرها وراء وذنها: اهااه
حمزة: نسمع فيك وش كان مقلقك حتى تتهربي مني...
ياسمين: تعب برك وزيد كثرت عليك قلت نرحمك من مشاكلي...
حمزة: وحد زي شكيتلك انا... وشبيكم نساء تتحسو من كل شيء...
ياسمين: الله غالب جات هك...
حمزة: مرة هذي نفوتها مرة خلاف تكون حكاية خلاف...
قعدت على كرسي فاشلة: إن شاءلله... قولي وش قاعد تعمل...
حمزة: هابط للولاد قاعدين في لقهوة... وانت؟
ياسمين: هذا وين كملت..
حمزة: مش تكملي على 6 لا...
ياسمين: ايه اليوم كاين خدمة بزاف...
حمزة: بصح نعرف وقت هو الوقت...
ياسمين: ايه اما ساعات نضطرو... نزيدو فوق وقتنا...(تحل الباب دخل اسامة يحكي )
اسامة: سمونتي ماتفرزيني غير انت...
بقى يسمع فيه: شكون هذا...
ياسمين: حمزة من بعد ونحكو... وقطعت الاتصال شاعلة في اسامة...
ياسمين: وشبيك داخل لا طبطب لا شيء تقول داركم...
ايامة: بشوي على روحك كشما يتفلقلك عرق...
ربعت يديها تشوف معاه: وش تسحق من لخر...
ياسمين: في وش نعاونك ثاني...
اسامة: ياك انا خوك صح؟
ياسمين: لا مش صح؟
اسامة: تعيي صح افرزيني مع سلمى...
دارت بلكرسي ووقفت: تعرف تحلم احلم...
اسامة: علاه هذا حرام عليك...
ياسمين: ماتدخلونيش في مشاكلكم...
اسامة: شر بصح تطيحي في يدي...
ياسمين: الله لا يعوزني ليك...
اسامة : اممم دنيا دوارة وتطبحي في يدي...
ياسمين: وقتها يرحمها ربي...
اسامة: يعني مش راح يهديك ربي...
ياسمين: لا من غير ما تحاول... ودرك اخرج عليا خلي نلم حوايجي نروح غلبت...
اسامة: صحااا اشفاي عليها...
