The Jealousy of A Godmother [EDITING]

𝘊𝘩𝘢𝘱𝘵𝘦𝘳 𝘐𝘐𝘐

Habang nagsisikainan sa bahay nila Calix, nasa may puno ng manga ang dalawa at tahimik. Nakatingin lang si Calix sa kalangitan habang nginunguya ng dalaga ang turon nito.

"Leng" Tawag ni Calix sa palayaw ng dalaga kaya napatingin sa kaniya si Blaine.

"Bakit?"

"Bilhan mo nga ako ng gin" utos niya kaya napatigil sa pagnguya ang dalaga at ngumiwi.

*'yung GIN ay 'yung alak na madalas mabili sa mga tindahan haha. Sa case ni Calix, 'yung bilog 'yung tinutukoy niya

"Ha? Bakit naman kita bibilhan, naubos mo na nga 'yung isang bote" Pagtangi nito kaya siya nilingon ni Calix at ngumuso.

"Sige na kasi" Parang batang sabi ni Calix kaya nabigla ang dalaga. Dahil sa pagkagulat ay nagiwas siya ng tingin at napatakip siya sa kaniyang labi gamit ang palad nito.

'Owshit, Huwag kang mangbibigla nang ganun ganun. Tangina, hindi ako nakahanda! Baka mas lalo akong mahulog, hindi ko kakayaning ipagpatuloy ang plano ko' Mura ng dalaga habang namumula ang kaniyang pisngi. Hindi na nga niya manguya nang tama ang kinakain niyang turon ay muntikan pa siyang mabulunan dahil sa ginawa ni Calix.

Maya maya naramdaman niya na may tila tumutusok na bagay sa gilid ng tyan nito.

"Sige na leng... Isang bote lang naman e" pilit ni Calix habang nakahawak sa kahoy na pinantutusok nito sa tyan ng dalaga.

"A-aray. Huwag mo nga akong tusukin dyan, may kiliti ako riyan pero masakit"

"Ayaw mo akong bilhan e"

"H-ha? E bakit naman kita bibilhan."

"Kita mo? Bilhan mo na ako"

"A-aray, ninang naman. Tumigil ka na nga para kang bata niyan e" Natigilan si Calix nang sabihin iyon ng dalaga saka sila nagkatitigan.

"Bakit? Sa tingin mo ba matanda na ako? Kamukha ko na ba si mama para masabi mo 'yan!" Naiinis na sigaw nito

"H-ha? Hindi 'yun no! A-ano bang pumapasok sa isip mo, ninang? Hindi ka matanda, b-bata kapa at maganda pa!" natatarantang sagot ng dalaga kaya nung napagtanto niya ang kaniyang mga sinabi namula ito at napatakip na naman sa kaniyang bibig.

Nakatingin lang sa kaniya si Calix. Lumipas ang ilang segundo, tila namula nang bahagya ang pisngi ni Calix kaya siya suminghal at nagiwas ng tingin.

"Tsk. Bilhan mo na nga lang ako ng alak" pagbabalik nito sa usapan nila saka ibinato ang kahoy na hawak niya sa kung saan.

"Teka ka nga, kailangan mo pa ba ng alak? Parang lasing ka naman na ngayon–––"

"Hindi ko 'yun kailangan para maglasing. Bilhan mo na lang ako pwede? Mahirap bang pumunta ng tindihan, ha?" Naiinis na putol ni Calix sa dalaga saka sila nabalot ng bahagyang katahimikan.

'I can ask you the same thing' Ani ng dalaga sa kaniyang isipan. "Ayaw ko nga" pagtatanggi pa rin nito kaya nagsalubong ang mga kilay ni Calix.

"Tangina–––ako magbabayad, okay? Nakakahiya---"

"Hindi naman 'yun 'yung problema e. Kahit bilhan pa kita ng sampong bote, hindi na ako bata may sarili na akong pera" Akmang kukuha na ng pera si Calix sa bulsa nito nang sabihin iyon ng dalaga. Natigilan siya saka napalingon kay Blaine.