في عشق الخيال

البارت الواحد والثلاثون

_متهملوش صلاتكم وقراءة القرأن لأي رواية أو مسلسل خلصوا فروضكم الأول و جزء القراءن اليومي بعد كدا في وقت الفراغ اقرأو
شهر رمضان مش هيتكرر يا سكاكري 🌿✨

اللهم صل على سيدنا محمد وعلى آله وصحبه أجمعين ♥️

طلب صغنون غير النجمة ✳ تعملولي متابعة وهقولكم لي في الاخر

جوري بتوتر : النتيجة ظهرت

صمت الجميع لوهلة بقلق لكن من قطع هذا الصمت هو سليم بعدما اتجه اليها وربت على كتفها بحنان ودعم

سليم بتشجيع: متقلقيش يا بطتي ان شاء الله خير وبعدين خايفة من اية مش فضلتي تقولي عاوزة اسيب التعليم و ودوني على بيت حبيبي حبيبك جه اهو يبقى متشيليش هم

مليكة بضيق : ممكن اقطع وصلة المحن والدعم النفسي دي لحد ما نعرف نتايجنا

ابتعد سليم بحنق وجلس جوار كنزي بجانبهم جميعًا وامامهم جوري باللاب توب الخاص بها

سليم : انت قلقان لي يا كنوز طب هما وتخرج انتي لو مقبول هتدخلي السنة الجديدة

كنزي بتوتر: لا منا عاوزة تقدير عالي عشان ادخل القسم اللي نفسي فيه

سليم بإستغراب فهو لأول مرة يسمع هذا الحديث : قسم ايه

كنزي :احم القسم بتاع إياد، وانا شغالة معاه على المشروع استلطفته وفهمته وبعدها لقيتني حبيته فا قررت اكمل معاه وادرسة باقي السنين

نظر لها إياد بفاه مفتوح
كان سليم س ـيرد عليها لكن قاطعهم صراخ نغم لكي يتوقفوا فهي تكاد تقطع النفس من شدة توترها

يزن بحدة : قولي يا جوري على طول عشان نعدي العشر دقايق دول على خير

جوري : إياد (جيد جدًا)

إياد بسعادة: رضا الحمد لله

جوري: كنزي (امتياز)

صرخت كنزي بفرحة واحتضنت سليم بشدة

سليم بضحك: اه يابنت الدحيحة

كنزي: دة انا بية ابن بية، دكتورة بنت دكاترة

جوري بحزن: احنا التلاتة

مليكة بضحك لتخفيف التوتر : اسمنا حمادة؟

جوري بحدة : لا جبنا ض. ج يا خفة

استمعوا لصوت شئ يقع بشدة
التفتوا سريعًا وجدوا نغم ممدة على الأرض فاقدة الوعي
هرع إليها يزن سريعًا يحاول إفاقتها

جوري : ياااختاااي بهزر يخربيتك، كنت بتريق على مليكة مدتنيش فرصة اكمل يا منيلة

مازن بغيظ: حرام عليكي دة وش مليكة بقى شبة اللمونة من الخضة

جوري : اوعوا كدا سيبولها أكسجين يا ظلمة

ابعدتهم عن نغم واقتربت منها ثم صاحت في اذنها