#لست _أمي
#بقلم _أمل_مصطفي
#البارت_1
***************
قامت بفتح عيونها الرائعه وهي تتمني أن تنير حياتها مثل أشعة الشمس التي تداعب ستائر غرفتها بنعومه وحنان كأنها تهدهدها خرجت من غرفتها وهي مقبله علي يوم جديد بإبتسامه وجدت والدتها التي تريد بيعها مثل ما باعت حياتها الجميله مع زوجها المتوفي من أجل المال .
تجهز طعام الإفطار .
تحدثت بمرح وهي تحاول كبت حزنها من أفعال والدتها التي لا تمط للأمومه بشيء صباح الخير يا ست الكل .
ردت عليها ببرود صباح النور تخلصي شغل تكوني هنا علي الساعه ٥
رمقتها ياسمين بضيق وهي تتحدث ٥اللي هو أزاي ؟وأنا بخلص كل يوم الساعه 8 !
رددت بحده الكلام اللي بقوله هو اللي يمشي حاولي ترجعي بدري النهارده لأن خالتك ويحيي جايين ؟
تركت الطعام بضيق وبعدين يا ماما مش هخلص أنا من الموضوع ده إبنها ده لو أخر راجل في الدنيا مش هتجوزه .
رمقتها رويدا بنظره غضب وهي تعد لها مميزات إبن أختها
##ليه ناقصه أيه شاب طول وعرض متعلم ابن ناس غني تعيشي في فيلا بدل الشقه دي عايزه أيه أكتر من كده اللي زيك تحمد ربنا أنه بص لها أصلا
هتفت ياسمين بسخريه نسيتي تقولي وأنتي بتعدي مميزاته أنه ناقص تربيه
أنا مش هتجوز الفيلا ولا الفلوس أنا عايزه راجل بجد يحبني ويصوني مش كل شويه في حضن وحده هعمل أنا أيه بفلوسه ؟
تحدثت وهي تنظر لإبنتها بعدم رضي الفلوس كل حاجه يا هبله هي سندك قوتك تعيشي ملكه الكل يعمل ليها حساب
تنامي علي حرير تلبسي الدهب والماس تلاقي الخدم .
تأملت ياسمين الطمع الظاهر في حديث أمها وهي تسأل نفسها من تلك المرأه البشعه التي تقف أمامها
هل هي فعلا أمها فهم عكس بعضهم تماما
تحدثت بملل من كثره الكلام في نفس الموضوع
هو أنتي فاكره أن خالتي عايزه تجوزني ليه حبا فيه
طبعا لا هي عايزه تتمنظر علينا بفلوس جوزها وحياتها
ولو أبنها كويس عمرها ماكانت تفكر في
هي عايزه وحده مالهاش حد يحميها من نزوات إبنها اللي مش بتنتهي ولا شربه للمخدرات ومش هتلاقي حد
غيري لأن حضرتك ماشيه وراها بتخافي منها عشان الفلوس اللي جوزها بيبعتها كل شهر ونفس الفلوس دي هي ال خالتني أخرج أشتغل عشان ما خدش منها ولا جنيه .
***********
في مكان آخر
معلش يا أم حسن ممكن تعملي حاجه نشربها قبل ما تمشي
حاضر يا بيه .
هتف كريم بضيق من عناد صديقه و أغلاقه علي نفسه منذ سنين مش ناوي تزورنا بقي يا عامر .
YOU ARE READING
لست أمي
Romanceوحيدة حزينه تبحث بين الوجوه عن شبيه أبيها وعندما وجدته شعرت بالأمان ولكنه هو الذي وجد الحب والأمان بين يدها لقد طيب الله خاطره بها
