لينا خبطت و فتحت الباب (عشان احنا بنتنا مش بتتصنت 😂🙂) باشا انا جيت في ميعادي اهو .
أحمد : تعالي يا حبيبتي .
ابراهيم السويفي بحب : ازيك يا لينا .
لينا : اهلا بحضرتك مش تعرفنا يا أبو حميد .
أحمد بتوتر 😥 : دا دا يبقي ابراهيم باشا السويفي .
لينا : اتشرفت بحضرتك كان نفسي نقعد مع حضرتك بس للاسف عندنا اجتماع مهم مش يلا يا احمد ولا ايه .
أحمد : يلا يا حبيبتي عن اذنك يا ابراهيم بي .
ابراهيم : هنتقابل تاني اكيد يا احمد احنا لسه مخلصناش كلامنا ، سلام يا لينا .
لينا مين دا يا احمد و كان عايز منك ايه ؟؟
أحمد : ها..... ولا حاجة بس شغل بينا متشغليش بالك .
ماشي يلا بينا ، قولي يا احمد انت عايز نسبة كام في الصفقة دي .
أحمد : بصي يا لي لي انا كنت عايز 40% ولو اخدنا النسبة دي يبقي برافو عليكي.
لينا : طب ايه رأيك اني هبهرك .
في الاجتماع كانوا بيتناقشوا في الصفقة و الكل مبهور ب لينا و خصوصا ياسين الشافعي مدير الشركة ( دا عنده شركات مشهورة في الوطن العربي و الكل يتمني أنه يشاركه و هو عنده 30 سنة )
لينا : دلوقتي احنا هناخد 50% و كمان حق الاسم بتاع المشروع هيبقي لي شركة الدسوقي .
أحمد في نفسه ( انا مقولتش كدا يا بنت اللاعيبة 😂يا لينا بس ياسين اكيد مش هيوافق)
ياسين : بس كدا كتير احنا اتفقنا مع احمد بيه مكنش كدا .
لينا و الله هو دا اللي عندي و بعدين اكيد حضرتك عارف انك بتتعاقد مع شركة كبيرة زي الدسوقي جروب و من مصلحتكوا أننا اسمنا يرتبط بالمشروع الجديد ، و العموم دي شروطنا و لو حضرتك عايز وقت تفكر تمام .
أحمد في نفسه : ايه اللي انتي بتعمليه دا يا لينا 🙂🙂.
ياسين : خلاص أنا موافق نمضي القعد.
لينا بصت لاحمد بصة ثقة كدا 😎😎 شوفت العظمة دي 😂 .
و مضوا العقد و بعدين احمد كان فخور ب لينا اوي ، انا فخور بيكي اوي يا حبيبتي .
لينا : انا اللي فخورة انك ابويا كفاية انك علطول في ضهري و انك بتلحقني حتي قبل ما اقع انا ببقي مطمنة عشان عارفة انك في ضهري انت ابويا و صاحبي و كل حاجة ليا ♥️ انت و نور .
أحمد بتأثر : لينا اعرفي أن أي حاجة أنا عملتها زمان او دلوقتي هي عشان خاطرك انتي و عشان انا بحبك و عمري ما اعمل اي حاجة تأذيكي.
لينا : انت ليه بتقول كدا هو في حاجة ولا ايه ، و بعدين يا رايق متقلقش انا عمري ما ازعل منك ابدا ، مش يلا ولا ايه نور هتولع فيا انا و انت 😂 .
أحمد و لينا روحوا و بعدين اول ما وصلوا الفيلا لقوا ابراهيم السويفي هناك .
لينا سابتهم عشان تغير هدومها ، اما في الناحية التانية إبراهيم قال لاحمد كفاية كدا يتقولها يا اقول ليها انا لينا بنتي و لازم تعيش معايا انا و اخواتها و مامتها شوف حل كفاية كدا مش كفاية انك خبيتها عندك كل المدة دي .
نور بزعيق و دموع: في ايه يا ابراهيم بيه انا لينا بنتي و محدش هيقدر ياخدها مني انا اللي كنت معاها في كل ثانية في حياتها ، جاي دلوقتي تفتكر أن ليك بنت لا حرام عليك 😭😭 ، دي بنتي انا .
ابراهيم بعصبية انا كنت فاكر أنها ماتت لحد ما عرفت قريب أنها لسه عايشة و مش هبعد عنها لحظة معاك مهلة لحد بكرة و الا انا هقولها كدا حاجة و سابهم و مشي .
لينا نزلت لقت مامتها بتعيط 😭 مالك يا نور في أي انتي كويسة .
أحمد عشان يلم الموقف هو مش جاهز يقولها اي حاجة : مفيش يا حبيبتي محصلش حاجة هي بس واحدة من صحابها تعب و هي زعلانة عشانها.
لينا بعدم اقتناع : طب ايه مش هناكل ولا ايه يا عمهم انا جعاانة و اعضائي بتتخانق مع بعض جوا يلا عشان مش قادرة ، و أكلوا في جو من المرح و انتهي اليوم .
في صباح اليوم التالي 🌞🌞
لينا صحيت و فطرت و راحت الكلية و حضرت محاضرة واحدة بس و بعدين راحت الشغل ، و هناك داخلة بكل مرح علي مكتب باباها بقولك ايه يا رايق كنت عايزة اغير الكنبة اللي في مكتبي عشان لما بنام عليها مش مريحة كدا 😂
أحمد : بتنامي 🤔
لينا لا نوم ايه انا مقولتش نوم دا هي مش مريحة
في القعود و كدا ، ضحك احمد بشدة عليها و لكن قال بجدية اقعدي يا لينا عايز اكلمك في موضوع مهم.
في اللحظة نفسها دخل كلا من فهد و ابراهيم السويفي و قال صباح الخير.
لينا : صباح النور يا ابراهيم بيه منور ، إبراهيم قال يبقي كدا ياحمد انت لسه مقولتلهاش اقولها انا .لينا بصت لاحمد و ابراهيم مقالش ايه .احمد مكانش عارف يتكلم من التوتر مش عارف يقولها ايه .
ابراهيم : في الحقيقة يا لينا انتي مش بنت أحمد الدسوقي انتي بنتي انا، فهد كان مصدوم عشان مكنش يعرف انها أخته و لينا بصت لابراهيم و ضحكت بصوت عالي 😂😂 و في وسط الضحك قالتله حلوة الحركة دي 😂 لقت احمد مش بيتكلم و لا حتي ابراهيم باين عليه أنه بيهزر .
عينها دمعت و راحت ناحية احمد قالتله هو بيقول ايه يا بابا قول أن هو بيكدب و لا بيهزر هو ازاي يقول كدا صح عشان خاطري و النبي رد عليا و قولي أنه بيكدب 😭😭
أحمد بدموع سامحيني و الله كنت عايز اقولك بس مقدرتش كل يوم كنت بتعلق بيكي اكتر من اللي قبله مهانش عليا اقولك كدا مقدرتش اكون انا اللي بيكسرك
لينا بتهز رأسها و مش مصدقة 😭😭 لا انت بتكدب عليا عشان تعرف انا بحبك اد ايه صح .
في الوقت دا دخل يحيي ابن عمها و كان ابراهيم قاله يجي معاه .
لينا جريت خرجت بره و ....
يا تري ايه اللي هيحصل ل لينا 🤔💔
هيحصل ليا الشرف لو شرفتوني برأيكم 💙💙
YOU ARE READING
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
