[Zawgyi]
အိပ်မက်တွေ၊ မရေမတွက်နိုင်အောင်များပြားတဲ့အိပ်မက်ဆိုးတွေ ။ တစ်ခုတည်းသောအလင်းရောင်ကိုတမ်းတမိသည် ။
ဒဏ်ရာတွေနဲ့ပြည့်နက်နေတဲ့သူ့မျက်နှာ ။ ကျနော့်ကိုစိတ်ချသယောင်ပြုံးပြနေသည် ။ ကျယ်လောင်တဲ့သေနတ်သံနှစ်ချက်နှင့်အတူလဲကျသွားတဲ့သူ့ခန္ဓာကိုယ် ။ ငိုနေပေမယ့်အသံတွေပင်မထွက်တော့ချေ ။ ပွေ့ဖက်ချင်သည် နမ်းရှိုက်ချင်သည် ။
ကိုကို..၊ ကိုကို
အော်ဟစ်ငိုကြွေးနေပေမယ့်အသံတွေထွက်မလာ ။ အသက်ရှူတွေပါကြပ်လာသည် ။
"ဟ့"
ပွင့်သွားတဲ့မျက်လုံးအစုံနှင့်အတူ ရင်ဖက်အစုံကမြင့်ချည်နိမ့်ချည်လှုပ်ရှားနေသည့်သူ ။ မြင်နေရသည်မျက်နှာကျက်အဖြူဖြစ်ပြီး စက်ကိရိယာတွေရဲ့ တ 'တီ တီ'မြည်သံတွေကိုလည်းကြားနေရသည် ။ မျက်စိရှေ့ကခံနေတဲ့အရာကိုသတိထားမိတော့သူ့ကိုအောက်ဆီဂျင်ပေးထားကြတာဆိုတာသိလိုက်သည် ။ သူဆေးရုံမှာပဲ ။ သူမသေသေးဘူး ။
"လူနာသတိရလာပါပြီ
အခန်းနံပါတ် 056ကလူနာသတိရနေပါပြီ"အခန်းထဲကိုဝင်လာတဲ့သူနာပြုကသူသတိရနေပြီဆိုတာကိုမြင်တာစကားပြောကိရိယာလေးဖြင့်ဆရာဝန်တွေကိုအကြောင်းကြားနေပုံရသည် ။ အားလုံးကြားနေရပေမယ့် အမြင်တွေကတော့ဝေဝါးနေဆဲ ။ တစ်ကိုယ်လုံးထုံကျင်ကိုက်ခဲပြီးအားအင်တွေလည်းပြတ်လပ်နေသည် ။ ခေါင်းတွေခြာခြာလည်နေပြီးဘာကိုမှသေချာမစဉ်းစားနိုင်သေး ။
ခြေသံအချို့နှင့်အတူ ဆရာဝန်နှင့်သူနာပြုတွေအခန်းထဲဝင်လာတာလည်းသိသည် ။ သူ့မျက်လုံးတွေဓာတ်မီးအသေးလေးနှင့်ထိုးကြည့်ပြီး သွေးခုန်နှုန်းတွေလည်းစစ်ဆေးနေကြသည်။
ထပ်ပြီးပုံမှန်မဟုတ်တဲ့ ခြေသံတစ်ခုဝင်လာတာကိုကြားမိသည် ။ မြင်ကွင်းထဲကိုဝင်လာတော့ထိုလူကိုကြည့်လိုက်သည် ။ ထိုလူက'ကိုး' ဖြစ်သည် ။ ဟုတ်သည်အဲ့ဒီနေ့က'ကိုး'ခြေထောက်ကိုပဲသေနတ်မှန်ခဲ့တာဖြစ်သည် ။ ဒါကြောင့်'ကိုး'ရဲ့ခြေသံကပုံမှန်နှင့်မတူတာဖြစ်မည် ။