| دُجـى في جوف البـغي |

•الفـصل التاسع عشر•

#دُجى_في_جوف_البغي
#بقـلم_الراويه
#الفصل_التاسع_عشر

بسـم الله ♥

صلوا على النـبي 🧡

.

دجى

العـصريه بالحديقة واگـفه و انـي اسقي بورد الـجوري
الجو حلو و اصوات الاطفال مرتفعه بالـشارع و هما يلعبون طوبة
و مع كل صيحة الهـم بعد تسديد هدف للفريق الخـصم ابتسـم من كل گـلبي فرحانه بـسعادتهم
لأن ديعيشـون طفولتهـم، بحلوها و مـرها

تعدلت بوگفتـي لمن اصغت مسـامعي لصوت سيارة غياث
تركت الـصونده و فتحت الباب
تقـدم من السيارة و گال بضحكـة

- شمدريـج اجيت ؟

- على صوت سيارتك

- لو اسمعها بالشارع ما ادري هاي سيارتي

حچاها و دلـف
سديت الباب و اني اباوعله مبتسمه
اجيت احچي بس وقـفني و هو يگول

- طرف ملابسچ مبلل وين چنتِ

- داسگـي بالـورد

- ورد يسگـي ورد وين صايره

باوعتله بطرف عيني و هـو گام يضحك قبل لا يهمس

- غزل مستـهلك لأن من اشوفـچ يضيع كل كلماتـي
حتى بأسمي اتوهم

شبكت ايديه ورا ضهري و اني اگول

- عوفنا من اسمك و غزلك
جايـه تحچي وي الحجي و تتفـاهمون مو؟

سو نفس حـركتي و گال و هو يضيق عيونـه

- لا

خاب امـلي و انـي اتنهـد
و گلت بـفضول

- لعد

- جـاي احچـي وياچ بموضوع

- ما تـحچـي وياي بالموضوع الا تحچـي وي الحجي و تتفاهمون

- يعني هـيچ ؟؟

حچاها و هو يرفع حاجبه
و بـاستفزاز گلت

- اي هيـچ، تصالح انت و الحجـي و احچوا
و اني وراها اسمعك

تأفف و ردد

- صبراً جمـيل و بالله المستعان
امري لله اوامـرچ مجابة نـضحي لخاطـرچ

- ما راح تضحـي بشي بالعكـس

حچيتها و حط ايده بجيب بنطرونه
و اني أشرتله يفوت
شفت السخط بعيونه لكـن استجاب للـوضع و فات للداخـل
مشيت وراه و اني افكـر بشنو يريد يحچي وياي و بأي موضوع
دگ باب الصالة و اني فتحته اله و همـست

- واحد من الـبيت ما حاجه ادگه

ضحك بسخرية و دخل
چـانوا گاعدين بالصالـة من شافوا انرسمت على ملامحـهم الاستغراب

سلم عليهم ببـرود
و اول واحد بـادر چان الحجي لمن نهض من مكانه و هو يگـول

- و عليكم السلام تفضل