One Night With The Villacorta's Heir

Chapter 7

Hindi ko talaga akalain na sinabi nya 'yon, ano ba talagang problema nya? Ako na nga ang pumunta rito sa kanila tapos mukhang ayaw nya pa akong makita, kapag nakaharap ko ang lalaking 'yon humanda sya sa'kin dahil bubugbugin ko sya.

"Hija, hinay hinay ka lang dahil baka mamaya super saiyan ka na." Rinig kong sambit ng driver.

Napailing na lamang ako at saka muling sumulyap sa veranda, napansin kong may sumilip kaya biglang napakunot ang noo ko. Kung hindi ako nagkakamali 'yon ay isang babae.

"Pasensya ka na talaga, sa susunod ka na lang pumunta dahil inaasikaso ni Sir Tristan ang bisita nya." Sambit pa ng maid, napatango na lamang ako.

"S-sinong bisita?" Utal na tanong ko.

Napalingon ako sa veranda kanina kung saan ko nakita ang isang babae, napayuko ako ng mapagtantong kwarto 'yon ni Tristan. Imbes na magsalita pa tumalikod na lamang ako at saka naglakad papalayo sa gate, agad ko rin pinunasan ang aking mukha ng biglang may tumulong luha.

Muli akong nqpasulyap sa veranda bago tuluyang umalis, nang makalabas ako ng village agad kong inilabas ang cellphone ko. Nagulat ako ng magtext ang dati kong kaibigan na si Claire, napakunot ang noo ko when I saw the video she send. Nakapalupot ang dalawa nyang kamay sa leeg ni Tristan samantalang si Tristan naman ay nakahawak sa tagiliran ni Claire.

"Bakit?"

Tanong ko sa aking sarili habang pinupunasan ang aking mga luha, napakagat ako sa aking kuko ng maramdaman ko ang pagsakit ng aking ulo.

Agad akong lumapit sa taxi na nakaparada sa tabi ng isang puno ng acacia, bago ako tuluyang sumakay sa kotse muli akong sumulyap sa daan patungo sa bahay nila Tristan. Napabuntong hininga na lamang ako at saka yumuko bago tuluyang sumakay. Habang na sa sasakyan hindi ko maiwasang hindi mapasulyap sa cellphone ko, paulit ulit kong ginawa ang pagbuntong hininga ngunit hindi ko talaga mapigilan ang sarili kong hindi ma-curious sa kung anong mayro'n sa video.

"Sa sobrang dami ng nangyari hindi mo na alam ang iyong gagawin, kung ako sa'yo hija mas gugustuhin ko munang mag-pahinga dahil halata sa itsura mo na may sakit ka." Rinig kong sambit ng taxi driver.

Agad kong iniangat ang aking ulo ng marinig ang bawat salitang 'yon, napakunot ang noo ko ng makita si Kuya Roy. Ang taxi driver na tumulong sa'kin kanina, napailing na lamang ako habang tumatawa ng itaas nya ang dalawa nyang kilay. Ang ibig sabihin ng pagtaas nya ng kilay na 'yon ay 'magtiwala ka, dahil matatapos rin ang lahat' ngumiti na lamang ako bago sumulyap sa bintana.

"Kuya Roy, palagay mo ba magkakaayos kami ni Tristan?" Tanong ko habang patuloy na pinagmamasdan ang bawat bahay na aming nadaraanan.

"Oo naman, bakit hindi? Parehas kayo ng nararamdaman kaya hindi mo kailangang kabahan." Sagot ni Kuya Roy, napatango na lamang ako at sapilitang ngumiti.

Pumikit ako saglit at saka bumuntong hininga, nang imulat ko ang aking mga mata nakita ko ang panginginig ng aking mga daliri. Napabuntong hininga na lamang ako at saka itinago 'yon sa aking bag, hindi puwedeng may makakita nito dahil sa tuwing manginginig ang mga kamay ko may nangyayaring hindi maganda.

"Bakit parang namumutla ka?" Tanong ni Kuya Roy, gulat akong napatingin sa kanyang bago muling sulyapan ang aking mga kamay "May problema ka ba?" Tanong nya pa, napailing na lamang ako at saka ngumiti.

Pilit kong pinigilan ang emosyon ko, ayaw ko munang pag-usapan ang mga nangyari ngayong araw dahil may palagay ako na hindi magiging maganda ang kalalabasan kung paiiralin ko ang aking emosyon. Ipinikit ko ang aking mga mata at saka pinilit na matulog.

Ilang sandali pa ramdam ko ang pag-hinto ng kotse, unti unti kong iminulat ang aking mga mata. Magsasalita na sana ako ng biglang buksan ang pinto ng kotse, nagulat ako ng makita si Carter. Napangiwi na lamang ako ng bigla nya akong paka-titigan ng kakaiba.