ميرو:شو رأيكم نروح ناكل بوظة بشي مكان على حسابي؟
ليال:بوظة بهالبرد؟!..بلاها.
آية:والله فكرة حلوة...بس انا مو جاي على بالي اتحرك من مكاني..جيبيلنا البوظة لهون وتعالي
ميرو:طيب...رح اشتري بوظة وجيبها لهون.
آية وليال:ياااريت والله.بتروح ميرو وبتغيب كم دقيقة وبترجع بلهفة وهي عم تصرخ وتقول:لك لقيتوا والله لقيتوا.
آية وليال بيوقفوا على رجليهم وبقولوا:مين هاد
ميرو:جواد..لك امشوا بسرعة قبل مايمشي ومانعود نلاقيه
ليال:وين شفتيه؟!
ميرو وهي مقطوع نفسها:بالدكانة عم يشتري اغراض...يلا امشوا
بيركضوا الصبايا حتى يلحقوا جواد..
ليال:انا مافهمت ليش ماقلتيلو ينطرنا مشان مايمشي
ميرو:كبريائي ماسمحلي
ليال:ياربي دخيلك...حسبي الله ونعم الوكيل.-بيوصلوا الدكانة وللأسف مابلاقوه...
ليال بخيبة أمل:كنت عرفانة رح يصير هيك...معقول ماعاد شوفهن ابداً...ياربي.
فجأة بتسمع صوت عم يناديها...بيلتفتوا الصبايا وألا جواد
جواد:لك ليال انت هون...وينك هيك ماعاد شفناكي ولاسمعنا اخبارك...شو صار بالمسلسل يلي عم تكتبيه...كان اسمو يوميات مغترب صح؟ليال:اي صح...قصة طويلة بعدين بحكيلك المهم انتو وينكن..فتلت كل اسطنبول عليكن
جواد:نحن هون..امشي معي عالسكن الجديد..رح يفرحوا الشباب كتير بهالمفاجآة.
ليال بتلتفت على ميرو وآية وبتقلهن:امشوا معي
جواد:لحظة..لحظة..هي الفارة جاي معك؟!!
ميرو:احترم حالك..واحد متلك فارة
جواد:لا هيك كتير..بدو يبلش شد الشعر ها
ميرو:وانا جاهزة...قول يا الله
ليال:ياجماعة طولو بالكن...جواد خليها تروح معنا مشاني
جواد:طيب مشانك بس-بيوصلوا الصبايا السكن مع جواد...وبيفرحوا الشباب كتيير بهالمفاجاة وبأنهم شافوا ليال من جديد
ليال:شو وينو تيم...مالي شايفتو
بيطلعوا الشباب ببعضهم وبركزوا نظرهم بالارض وماحدا برد.ليال:شبكن؟!..تيم وينو..صاير معو شي..فهموني.
جواد:لا مو صاير شي...بس تخانقنا وطلع من السكن
ليال:اووف..ليش شو السبب؟!
جواد:لأنو بلا أصل...
علي:وبلا ضمير...
آدم:وبلا أخلاق كمان.
ليال:كل هدوول؟!..طيب ليش حكولي شو عامل
علي:صار تدين منا كتير وعلى اليوم وبكرى برجعلكم مصرياتكن ومارجع شي..فأتخانقنا وقلعناه من السكن.
ليال:هه...شي حلو والله..ياعيب الشوم عليكم...مين ايمت كنتوا تتخانقوا مشان مصاري...لك شو صرلكن..والا أنتو كمان تغيرتو مو بس الوقت والزمن والمكان...ماتوقعت يطلع منكم هيك شي...ياعيب الشوم بس.تيم:شوفي..حتى لو كنتي كاتبة المسلسل هاد...مارح نسمحلك تبهدلينا على كيفك..غيري هالنص لك عمي بكون احسن.
ليال:الكل بيحكوا الا انت بتضلك ساكت...تيم بدو يرجع وبدكن تعتزروا منو...لعمى سودتو وجهي قدام القراء..صح ولا مو غلط؟!...السؤال الكم انتو يلي عم تقرأوا...شو جاوبوني معي حق ولا لأ.....
يتبع...