فصلية متمردة 🧚♀️
البارت التاسع
شايلك بكلبي عشك ماشاله كلب الوالده
الصوج مو صوجك تراا
صوج المحنه الزايده
حكيم الفريجي
ملاك طلعت ملابسي وفتحت الكنتور ملابسة كلهة مرتبة خليت ملابسي وياهن 🙂ع عنادة واخته هم كالت لاتتقربين اريد اشوفة شيسوي
نزلت جوا اكو حجية كاعده صاحتني
هاي مرت صكر مو
زينب: اي بيبي هاي الفصلية
عاب حلكج اي والله هاي مرت اخوج يالعوجة
زينب: اي بيبي هية غير فصلية
ملاك كلش ضجتت من هاي العكربة
ملاك: هيوو احترمي نفسج لاادوسج
زينب: نجبي ولج ولزمي السانج لاوعلي امل الصكر اخلي يطيح حضج
الحجية: تغسل حلكج كون انه اكله عليج جيفنج ماتستحين
تعالي بيبي يمي
ملاك رحت يم الحجية
ملاك: شلونج بيبي
-هلابيبي الحمدلله انتي شلونج
ملاك: انشالله زينه
-بيبي لاتحاجين زينب تراها خبيثه واخوها كبل مدللهة ومحروك كلبهة علية
ملاك: انشالله بيبي
اسراء: شلونهة جنتنه
ملاك: زينه وانتي
اسراء: كلش زينه تعالي تعرفين تطبخين
ملاك: اي اعرف
اسراء: خل انسوي اني وياج غدا
ملاك: تمام مرخصتج بيبي
-مرخوصة يمة روحي
ملاك دخلت المطبخ حلو 🙂
اسراء: عفيه عرفيني عليج وع عائلتج احجيلي
ملاك: تمام بس شنسوي ع الغدا
اسراء: اممم شرايج نسوي برياني
ملاك: تمام
اسراء: حروح اجيب الدجاج
ملاك اسراء حبابه مختلفه عنهم جابت الدجاج وسوينة
اسراء: يلا احجي
ملاك: اني عمري 18 عندي تلث اخوان اكبر مني الجبير رائد متزوج ومنير وعمر اني الوحيدة عند اهلي ☹️كلش يحبوني واني احبهم ومدلليني وكلش احب الدراسة عندي صديقتين السنة تعرفت عليهن وحدة كلش مقربة مني بس بسبب الصار ضاعت السنة علية
اسراء: الله كريم لاتضوجين
ملاك: ونعمة بالله وانتي
اسراء: اني عمري 19 هم طالة سادس بس عدت السنة لان ماحصلت المعدل الأريدة زينب عمرهة 21 مرحلة ثانية هندسة وهدئ عمرهة 17 طالبة خامس اخواني صكر الجبير واحمد الله يرحمة وعدي هدئ كلش هادئة وماتدخل بأحد زينب حبابه بس شوية قاسية وصكر ماكو منة وكلبة طيب بس تعرفين الصار مو سهل فلاتقسين علي
ملاك: مايهمني اصلا 🤷♀️
اسراء: وعدي كلش حباب وروحة رياضية
ملاك: اختنكت وتذكرت عمر شحاله هسة
ملاك: الله يحفضهم الج
اسراء: شكرا حبي
اسراء: زين والله شغلج مرتب وحلو
ملاك: شعبالج لعد
اسراء: عبالي متعرفين 😂
ملاك: ههه اعجبج ترا
اسراء: ههه
زينب: خير ضحكنه وياجن
ملاك غلست ودرت وجهي
اسراء: ماكو شي
زينب: ماسألتج
ملاك: اسراء اني رايحة اذا حتاجيتي شي تعاليلي
اسراء: تمام
زينب: اوكفي الفصلية
ملاك: باوعتلهة بطرف عيني خيرر
زينب: اشو ماخذة راحتج بالبيت وتنزلين وتصعدين بكيفج
ملاك: اكيد بكيفي وبمزاجي ولاتدخلين بحياتي اهتمي بحياتج
زينب: لاوالله
ملاك: وداعتج
زينب: نجبي ولاتحلفين. بداعتي البيت يومبة تنضفينة كله فهمتي واذا خلصتي ع وكت تنضفين الديوان
اسراء: زينب هذا مو واجبج ولايحقلج تطرحين هيج تعليمات
زينب: انتي سدي حلكج ونجبي
ملاك: اكلج شوماكلتنه انجبي ونجبي وهوة المفروض انتي تنجبين
زينب: راحت ع ملاك ولزمتهة من ايدهة شايفه بعد اذا تجاوزتي السانج اكصه
ملاك: اتحداج والله ابعدي عن حياتي واحترمي نفسج لاعبالج مرتاحه بشوفت وجهج ترة مجبورة وكلكم تدرون
اسراء: كافييي بنات تخبلتن
ملاك: وخري ايدج لااكسرهة
عديي: الللهه شنوو هاي الرائحة الطيبةة 😱
عدي: شنوو هاي تتعاركن
اسراء: عدي فدوة صيح ع زينب بس تعارك
زينب: جذابة هية هاي الفصلية تعارك وتغلط
عدي: شطابخين اليوم الريحة دوختني
زينب: جاي اكلك تغلط علية وتسئل ع اكل
عدي: سراوي حبي شطابخين
اسراء: ملاك طبخت برياني
ملاك طلعت الححي مابي فايدة وياهم
زينب: عدي مو جاي احاجيك اذا ماتاخذ حقي اني اتصرف
عدي: شو ماتنجبين سكتت مااريد اهينج كدامهة وعلي حلكج اشكه اذا حاجيتيهة فوك ضيمهة وبنت دلال وعز والوحيدة عد اهلهة وخسرت دراستهة واهلهة وانتي فوك ضيمهة
زينب: عساها اخوي كتل اخوي شلون تريدني تطفا نار كلبي
عدي: هجم بيتج يالحنينة كلب والدة ولاعرفتج ذني مايعبرن عليه ولاتدخلين بعد
وانتي ست اسراء صبيلي متت من الجوع
اسراء: غير ويانه تتغدا
عدي: ادري. بس تصبيرة
اسراء: تدلل
#طيبة علي
تصويت رجاء
انستا k_ cv14
YOU ARE READING
فصلية متمردة
Randomاسم الرواية:- "فصلية متمردة 🧚♀️" الكاتبة:- "طيبة علي " تاريخ الكتابة: - 2021/8/22 عدد البارتات: -42 بارت شخصيات الرواية: - ملاك "صكر "عمر "اسراء "جنات "سجاد "زينب "هدئ" وليد "روان" نبذة عن الرواية سوف تذهب فصلية بسبب ذنب لم ترتكبه ولم يكن مخطط له...
