အခုတလော facebook ပေါ်မှာ Celebrity တွေအများကြီး လမ်းခွဲနေကြသည်။ ဒီနှစ်က ဘာနှစ်လဲကွာ... လမ်းခွဲရာသီများလားလို့ ကျိန်ဆဲမိတဲ့အထိပါပဲ။ သဘောကျတဲ့ စုံတွဲတွေ တစ်တွဲပြီး တစ်တွဲ လမ်းခွဲကြတာ မြင်တော့ ထာဝရနဲ့ ချစ်ခြင်းမေတ္တာကို ယုံကြည်ဖို့ ခက်ခဲလာသည်။
ဘာမဆိုင်ညာမဆိုင် သူမလက်ကို ဆုပ်ကိုင်ထားသည့် ကိုးကရော ဘယ်လောက်ကြာကြာများ ဆုပ်ကိုင်ထားပါ့မလဲ တွေးပူမိပြန်သည်။
" နွေးနွေး နင် အိမ်မပြန်ဘူးလား "
" ပြန်မှာ.... နောက်တစ်ပတ်။ အိမ်ပြန်မလို့... ဘာလို့လဲ "
" မေမေကလေ.... ဟိုတစ်ခါ နင့်အမေကြော်ပေးလိုက်တဲ့ ငါးကြော်မျိုး ထပ်စားချင်လို့တဲ့။ စားလို့ကောင်းတယ်တဲ့ ချိုတယ်တဲ့... အဲ့ဒါ နင်ပြန်ရင် ယူခဲ့ဖို့ မှာနေတာ "
" ဪ.... "
အဲ့ဒီလိုတွေ ပြောလာတော့ ပြောမလို့ ကြံရွယ်ထားသည့် စကားတွေ ပျောက်ရှရသည်။
" ကိုး.... ငါတို့ လမ်းလျောက်ကြမလား "
ဒီလမ်းကလေးထဲ သူတို့ခြေရာတွေ ထပ်နေပေမယ့် သူမအတွက်ကတော့ သူနဲ့အတူဆို ငြီးငွေ့တယ်လို့ တစ်ခါမှ မတွေးခဲ့ဖူးပါ။ ပျော်ရွှင်ခဲ့ရပါသည်။
" နွေးနွေးကို တစ်ခြား ပြောစရာရှိသေးတယ် "
" ငါအရင်ပြောမယ်.... ကိုး "
" ဟမ်.... "
" ဒီတစ်ခါ ငါအရင်ပြောမယ်လို့ ပြောတာ.... "
နွေးနွေး သူ့ကို ရယ်ပြလိုက်ပြီး....
" ငါတို့လေ.... လမ်းခွဲရအောင်နော် ကိုး "
ကိုးက မျက်မှောင်ကြီး ကြုံ့ကာ နွေးကို ကြည့်တော့ ပြောရမယ့်စကားတွေ ထစ်အ, ရသည်။ ကိုးက မျက်နှာကျော တင်းတင်း နေတတ်တာ ရှားသည်လေ။
" အခုနေ လမ်းခွဲရင်လေ.... ငါတို့ နောက်မကျသေးဘူးဟ။ သူငယ်ချင်းတွေ ဆက်လုပ်လို့ရဦးမှာ... တစ်ယောက်ကို တစ်ယောက်မနာကျင်ခင်မှာ လမ်းခွဲလိုက်တာက အကောင်းဆုံးလို့ ပြောကြတယ် "
သူမ ပြောသမျှ ကိုးက ခါးထောက်ကာ နားထောင်သည်။ သူ့မျက်ခုံးကို ကုပ်ခြစ်လိုက် နှုတ်ခမ်းကို လျှာနဲ့သပ်လိုက်နဲ့.... အဲ့ဒါတွေကလေ ကိုးဒေါသထွက်တဲ့အခါ လုပ်တတ်တဲ့ အမူအကျင့်တွေ။
YOU ARE READING
နွေးမြရင်ခွင်- Love Like Mint Candy
RomanceShe wanted friendship but what she got is a little friendsh*t. She was afraid of love. She didn't believe in love and forever. She said that she would love someone who could give both warmth and coldness at the same time. Well... actually she had a...