عشك الشروكي والعنيدة المصلاوية

البارت العاشر

ام صكر : ولك صكر الحك لاختك راح يصير الها شي غابت عن الوعي
صكر : جيبولي كولونيا بسرعة
الاء: رانيا تسمعينا رانيا
رانيا : كعدت وريحت الكولونيا خنكتني
ام صكر : ولج يمة شصارلج
رانيا : يمة الله يخليكم ودوني لاسد الله يخليكم 😭😭
ابو صكر : كومو حظرو ملابسكم بسرعة يلا
الاء: حضرنا ملابسنا وكبل طلعنا للعمارة
رانيا : وصلنا للعمارة بابا الله يخليك وديني للمستشفى يم اسد الله يرضى عليك 😭😭😭
ابو صكر : ولج بوية كافي تبجين واتزيدين عليه همي هسة اوديج  بس اذب اهلج ابيت عمج
رانيا : وصلنا للمستشفى ورحت ركض للستعلامات اسأل على اسمة طبعاً بابا خبر فهد بالطريق وكلة سولة عملية وماكال غير شي
الممرضة : اعذريني بس المريض بالعناية المركزة ومانكره اندخل احد عليه وبعدين هو ظابط عسكري
رانيا : الله يخليج بس كليلي على الطابق الي هو بي
الممرضة : بالطابق الثالث
رانيا : رحت ركض للمصعد حتى ابوية ماانتظرته
وصلت للطابق الثالث فتت للممر واشوف كومة زلم بالممر الي يم غرفة اسد واللسلكي ما سكت مالتهم وصوت الهوسة رحت ركض لغرفة اسد واباوعلة من الجامة بس شفتة امدد ولاصوت ولا حركة انهاريت
فهد : واكفين بالممر وفاتت رانيا اجت كتلها ولج شجابج لهنا ماجاي اتشوفين مكلوبة الدنيا بالزلم ماجاوبتني راحات يم الجامة وشافت اسد وانهارت واجى عمي ابو صكر
ابو صكر : ولج بنيتي كومي كافي انهد حيلج
فهد: اباوع للضباط الي ويانا بالمستشفى شلون ياباعون عليها لانو مااكو ابنية غيرها ويانا
ابوصكر : فهد صيح  للدكتورة خلي تشوف رانيا شكلها نزل ضغطها اوليدي بسرعة اغمى عليها
علي احد الضباط : عمي هسة اني اصيح للدكتورة شفتها شلون نهارت بس ماشاء الله على جمالها حقى اسد هيجي يحبها طبعاً اسد صديقي المقرب الدكتورة :صاير عدها انهيار عصبي اخذوها لغرفة خاصة خلي انطيها مهدئ وسيلان بسرعة
الاء : ولج يمة ضل بالي يم رانيا
ام صكر : الاء خبري فهد وشوفيها
ام فهد : ولج يمة ابني  راح يروح من ايدي😭😭😭
ام صكر : كولي يا الله ام اسد ان شاء الله يرجع سالم 😢😢
الاء: هلاوو حياتي شلونك
فهد : هلاوو عمري والله ياالاء تعبان اخوية هد حيلي
الاء : سلامتك عمري كول يالله انت اخوه لاتضعف ان شاء الله يرجع سالم
فهد : الله يسمع منج  كولي الاء امي بيها شي
الاء : والله خطية كطعت نفسها من البجي فهد كلي شلونها رانيا
فهد : ان شاء الله احسن الدكتورة عطتها مهدى وسيلان والله كريم
الاء : الله كريم مع السلامة حبيبي
فهد : الله وياج

رانيا : كعدت شفت الكانونة بيدي وحدي بالغرفة وراسي يريد ينفجر من اتذكرت الي صار ويا اسد اتمنيته كابوس واكعد منا كبل كمت شلت الكانونة من ايدي ورحت يم غرفة اسد 😭😭
فهد : رانيا شكومج روحي رجعي
رانيا : فهد الله يخليك لا اتخبي عليه كلي اسد شبي ليش لي هسة ماكعد 😭😭 الله يرضى عليك كول للدكتور ادخل اشوفة
فهد : ولج اخيتي كافي تبجين
رانيا : كلي شبي اسد كلي
فهد: رانيا الصراحة اسد اصابة خطيرة الطلقة يم كلبة ولحد  الان وضعيته مامستقرة
رانيا : من سمعت هيج رحت ركض يم الجامة وكمت احجي بصوت عالي بلا وعي اسد كوم حبيبي كوم شوفني ضحكتك وجمالك الحلو كوم بعد ماشبعت منك بعدنا مخطوبين كوم خلي انجهز العرسنة سوى اشتاقيت الكلامك الحلو كوم هديت هيلي وكسرت كلبي عليك مايلوكلك النوم هيج  اوووففف 😭😭😭😭😭 كعدت بالارض يم غرفة
فهد : من سمعت شلون تحجي ويا كمت ابجي وانكسر كلبي عليهم رحت يمها كومي ولج اسد لو جان كاعد ماجان يقبل هيجي تكعدين كومي اخيتي 😢😢
رانيا : فهد كلبي يوجعني
ابو صكر: ولج بنيتي وين انطي وجهي وياج كومي خلي اوصلج للبيت ارتاحي مو حركتي كلبي
صكر : كومي ويا ابوي وسمعي كلام
رانيا : بابا الله يخليك خليني يمة والله مااكدر ارجع للبيت حباب 😭😭😭
ابو صكر : اقبل بس بشرط كافي تبجين
رانيا : هاذا هو بعد ماابجي شفت مسحت دموي شوف راحن بس بقيني يمة
ابو صكر : يلا لعد ابقي اني واخوج انروح بس انبدل ملابسنا وانصلي  ونرجع
رانيا : الله وياكم ……. كاعدة يم الجامة مال غرفته وصافنة عليه اجوي اصدقاءه وفهد كام سلم عليهم