🖇𝚅𝙾𝙿𝙴 𝙾𝚗𝚎 𝚂𝚑𝚘𝚛𝚝 𝙲𝚘𝚕𝚕𝚎𝚌𝚝𝚒𝚘𝚗~🖇

ထိုကောင်လေးရယ် ကျွန်တော်သဘောမကျသည့် မိုးရာသီရယ်🌧️ Episode - 1

Uni

အုံ့မှိုင်းနေတဲ့ကောင်းကင်ကိုကြည့်ကာ Taehyung တစ်ယောက် သက်ပျင်းချမိသည်။ မကြာခင်မိုးရွာလာမည့်အခြေအနေ သူမိုးရာသီကိုမနှစ်သက်ပါ။ မိုးရွာလာလျှင် အငွေ့ပျံလာတဲ့အစိုဓာတ်လေးကြောင့် အေးလာ၍ကော်ဖီလေးတစ်ခွက်ဖျော်ကာ ဇိမ်ကျနေမည့်အခြားသူတွေလိုမဟုတ်။ Taehyungသည် အခြားသူများနှင့်မတူစွာ မိုးရာသီကိုသဘောမကျပေ။
မိုးရွာလာလျှင် အလုပ်ကိုသွားသည့်နေရာအား ထီးဆောင်းပြီးသွားသော်လည်း မိုးစက်တို့က တစ်စနှစ်စလာစင်သည်မို့ ပို၍တောင်မကြိုက် ရေစိုခံရသည်အားမုန်းသည်။

ဒီနေ့ကတော့ အလုပ်ပိတ်ရက်မို့ မိုးရေတွေကြားထဲ အလုပ်သွားစရာမလိုတော့။

စောစောထတတ်သူမို့ မနက်‌‌စောစော6နာရီထကာ လမ်းထွက်လျှောက်ပြီးမှသာ မနက်စာစားတတ်သည်။
လမ်းလျှောက်သွားတုန်းကတော့ ရာသီဉတုက သာသာယာယာပင် သို့သော် လမ်းလျှောက်ပြန်လာမှမိုးလေးက တဖွဲဖွဲနှင့်ကျလာတော့၏။

မနက်စာစားနေရင်းပင် ဖွင့်ထားသည့် ပြတင်းပြေကါမှ မိုးစက်တို့ကလာစင်သည်မို့ ထကာပြတင်းပေါက်အားပိတ်မည်အပြု မထင်မှတ်ဘဲ လမ်းပေါ်သို့အကြည့်ကရောက်သွားသည်။
ကောင်လေးတစ်ယောက်က မိုးကာအဝါရောင်လေးအား ဝတ်ထားပြီး မကြီးမငယ်နှင့် မူလတန်းအရွယ်ကလေးများကြား ဘောလုံးကန်နေသည့်မြင်ကွင်းအား ရပ်ကာကြည့်နေမိသည်။
ကလေးတစ်ယောက်က သူ့မျက်နှာအားတစ်ခုခုလုပ်လိုက်သည်ထင် တခြားကလေးများက ထိုကောင်ကလေးအား ကြည့်အားဝိုင်းရယ်နေကြသည်။
သို့သော် ထိုကောင်ကလေးမှာ Taehyungရဲ့ ဆန့်ကျင်ဘက်အား မျက်နှာလှည့်ထားသည်မို့ ဘာကြောင့်ရယ်နေကြသည်ကိုတော့ သေချာမသိရ။ ခနအကြာတွင်တော့ မိုးများလဲစဲသွားကာ ထိုကလေးများသည်လဲ ထိုနေရာမှထွက်သွားကြသည်။
ထိုကောင်လေးလဲပြန်တော့မည်ထင် ကြည့်နေရင်းပင် ထိုကောင်လေးက သူ့ဘက်လှည့်လာတာမို့ သူ့မျက်နှာအား သေချာတွေ့လိုက်ရပါပြီ။

ခွီး.. မျက်နှာမှာ အိုးမဲတွေနဲ့

ထိုကောင်လေးက သူ့အားကြည့်‌ရယ်နေတာကိုတွေ့တော့ ကိုယ်ရဲ့ပြတင်းပေါက်နားရောက်လာကာ သူ့ကိုရယ်ရကောင်းလားလို့ဆိုပြီးရန်လာတွေ့နေပြန်တယ်။