ថ្ងៃចុងក្រោយនៃស្នេហាយើង [the last day of our love ] Geminifourth

The last day of our love (one shot)

[One shot លេងៗលួងចិត្តអត់សូវបានផុស🥹🥹]

បញ្ជាក់❗
⚠️នេះគ្រាន់តែជារឿងប្រលោមលោកខ្នាតខ្លីដែលខ្ញុំសរសេរឡើងដើម្បីអោយអ្នកទាំងអស់គ្នាអានកំសាន្តលេងប៉ុណ្ណោះ មិនបានស្ថិតនៅក្នុងន័យអវិជ្ជមានណាមួយឡើយ ម្យ៉ាងទៀតព្រឹត្តិការណ៍ដែលកើតឡើងក្នុងសាច់រឿងជាការស្រមើស្រមៃរបស់អ្នកសរសេរ⚠️

[សាច់រឿង]

គេថារឿងស្នេហាមិនអាចកំណត់បានឡើយទោះគេម្នាក់នោះជានរណា មកពីណា...ក៏មិនខ្វល់ដែរសំខាន់គឺពួកគេទាំងពីរស្រឡាញ់គ្នាម៉្យាងទៀតវាជាសិទ្ធិបុគ្គល យើងមិនអាចទៅហាមឃាត់គេទេ។ បើក្រឡេកទៅមើលគូរនេះវិញក៏ដូចគ្នាគឺពួកគេជាសង្សារនឹងគ្នារយៈពេលដូចជាយូរដែរហើយគឺ៣ឆ្នាំជាងឯណោះ អ្វីដែរពិសេសនោះគឺពួកគេជាគូស្នេហ៍ដែលស្រឡាញ់ភេទដូចគ្នា ប៉ុន្តែមិនជាថ្វីត្បិតថាមនុស្សសម័យនេះគឺរៀនបើកចិត្តទទួលរឿងនេះមួយចំនួនធំហើយនៅតែមួយចំនួនតូចប៉ុណ្ណោះ!! កុំស៊ាំញ៉ាំច្រើនយើងនិយាយពីតួឯកយើងវិញល្អជាង។

ជេមមីណាយនិងហ្វូតក្លាយជាសង្សារនឹងគ្នាតាំងតែពីថ្នាក់ទី១២មកម្ល៉េះ! មកទល់ឥឡូវនេះពួកគេទាំងពីរក៏មានការងារធ្វើរៀងខ្លួនហើយដែរ អ្វីដែលគួរអោយច្រណែននោះគឺជេមមីណាយស្រឡាញ់ហ្វូតណាស់ហើយតាមមើលថែហ្វូតមិនអោយរាងតូចទើសចិត្តឡើយ រឿងដែលរឹតតែល្អជាងនេះទៅទៀតគឺប៉ាម៉ាក់របស់ជេមមិនប្រកាន់អ្វីឡើយមានតែអាណិតស្រឡាញ់ហ្វូតជាពន់ពេកដោយសាររាងតូចយើងនៀកគួរអោយស្រឡាញ់ ម៉្យាងជាក្មេងកំព្រាឪពុកម្តាយតាំងតែពីអាយុ៨ឆ្នាំមក។ ពួកគាត់បានទិញ Penthouse សម្រាប់ពួកគេទាំងពីរនៅដាច់ដោយឡែកដោយមិនចង់រំខានកូនៗនិងចង់អោយគេទាំងពីរមានពេលវេលាផ្ទាល់ខ្លួន បើគិតពីរឿងរៀបការវិញពួកគេក៏មានគម្រោងដែរគឺគិតថានឹងធ្វើនាពេលឆាប់ៗខាងមុខដូចគ្នា។

/Geminifourth moment/

<< ជេមហ៎ាបងគូររូបអ្វីនឹងបានជាយូរយ៉ាងនេះ អូនចាំបងឡើងចង់ងងុយគេងហើយនៀកក>> ហ្វូត