رحم بديل (قيد التعديل)

الفصل الثالث

لتفتح فرح الباب وتتفاجي بقوات الشرطة .
لتتحدث بفزع:هو فيه.

الظابط بخشونة:أنتي فرح سالم.

فرح بتوجس:أيوة أنا.

الظابط بأمر :هتوهتا ليتجه العساكر لها.

لتصرخ بخوف وهي تبتعد:أنا عملت أيه والله معملىتش حاجة.
الظابط بسخرية: والأدوية إلي سرقتيها لينظر العساكر ويتحدث بأمر فتشوا الشقة.

ليبدأ العساكر في إقتحام الشقة وسط عويل فرح وصراخ والدتها باسمها .

ليخرج العسكري وهو يحمل الحقيقة الممتلئة بالدواء .

ليأخذها الظابط ويقوم بتفحصها وينظر لها بسخرية هو ده الدواء إلي أنتي سرقته هاتفها يلا.

فرح بدفاع:والله ما حصل هو إلي قالي أن العلاج ده جايله عرض فخديه عشان هو عارف ظروفي لتكمل بترجي أقسم بالله ده إلي حصل يا باشا أنا أمي عندها كانسر وبتموت يا باشا ملهاش حد غيري حتي أسأله.

الظابط بسخرية:أسأل مين يا شاطرة ده الدكتور إلي مقدم البلاغ ضدك وفرغنا الكاميرات هو قالك حطي الفلوس علي المكتب جنب شنطة الأدوية مش أسرقيها.

فرح بدموع :والله قالي خديها .

الظابط ببرود: مليش فيه هاتوها.

فرح بترجي:طيب أطمئن علي أمي بس.

لينظر لها الظابط قليلا ويتحدث بهدوء:روحي .
لتركض سريعاً لغرفة والدتها.

في غرفة والدة فرح .

تنام والدتها علي سريرها بضعف وهي تحاول أن تنهض لتطمئن علي إبنتها.

لتدخل فرح بلهفة وتحتضنها:إهدي يا أمي أنا بخير.

أمها بدموع:في أيه يا بنتي والبوليس بيعمل ايه هنا.

فرح بكذب :مشكلة صغيرة هحلها وأجيلك يا أمي مش هتاخر عليكي.

أمها بفزع:لا مش هتروحي معاهم يا فرح غير لما أفهم أيه إلي حصل.

فرح بقلة حيلة: حاضر لتبدأ بسرد ما حصل باختصار.

أمها بصدمة: لأ حول ولاقوة الا بالله منه لله قولتلك يا بنتي .

فرح بحزن:أهو إلي حصل يا أمي .

أمها بدموع:طيب هتعملي أيه.

فرح بحزن:هروح معاهم يا أمي وان شاء الله ربنا يظهر برأتي هنادب خالتي عبير تيجي تقعد معاكي.

أمها بدموع:ربنا يرجعك ليا بالسلامة يارب.

فرح بحزن:بإذن الله يا أمي لأ إله الا الله.

أمها بدموع: محمد رسول الله.
*******************

في الخارج.

تخرج فرح بتثاقل وتحادث الظابط بكسرة:أنا جاهزة بس لو سمحت هعدي على جارتنا تقعد معاها.