أّلَـــمًوٌأّجّــــهّـةّ🔥
💕#أّبًــــوٌأّبً_أّلَمًــــأّضًـيِّ💕
#للكاتــبة_ČЎŘĮŇẸ🥀
أّلَحًلَـــــقُةّ 🥀194🥀
عٌنِدٍ رآئـــدٍ🥀
قرب منها بخطوات سريعة رفع الستار عليها... بانتلو واقفة مغطية عينيها بإيديها ولازة للحيط... تبسم بجنب جابتلو ضحك.... رائد حمحم.: احممم شنوا تعملي هنا يا لالة.... سيليا فتحت صباعها تشوف فيه من بينهم غير لقاتو مزال لاف سربيته عليه. عاودت غطات عينيها.... سيليا: اععععع احشم على روحك وروح ألبس علاه عريان قدامي.... رائد سند روحو على الحيط شابك ايديه عند. صدرو... رائد: نضن نتي لي متحشميش انا راني في شمبرتي... سيليا: بففف ألبس عيشك... تبسم رائد وقرب منها حصرها بين ايديه... حست بنفسو سخون على ايديها.... نحات ايديها على عينيها ببطئ تصدمت وقت لقاتو قريب منها تقريبا داخل فيها.... سيليا ترجف: ب بعد ب بعد عليا... رائد تبسم: علاه مرعوبة مش راح ناكلك... سيليا: م مش مرعوبة بعد علياااا برك.... رائد هبط عليها شفافو رجعو يقيسو في شفافها: شنوا تعملي في غرفتي احكي.... سيليا ترجف دقات قلبها مسموعين تحاول تطبعو مي مزير عليها بزاف حست انها فشلت قدامو... سيليا: ش شي ك ك كن كنت ب باغية ن نع عيطلك... رائد: اممم زعما... سيليا: رائد... غمض عينيه وهمس: اممم.... سيليا ترجف: شتعمل.... رائد تبسم وهمس: ريحتك سحر... جمدت بلاصتها فاشلة مقدرت تديرحتا .... مصبرش رائد وحط شفافو على شفافها يها يبوس فيها بعنف وتملك كل شفا عطاها حقها.... سيليا بين ايديه ذايبة محستش بروحها كيفاه حطت ايدها على صدرو ولفت ايدها ثانية على رقبتو غارستها في شعرو.... تبسم رائد بين شفافها وبعد عليها شوي يردو في نفس.... قبل ما يحكي صونا تلفونو بعد عليها يشوف في وجها لي احمر، وراح حمل تيليفونو يشوف شكون يعيط... اما سيليا لزت للحيط مش قادرة توقف على رجليها...
ريبوندا رائد... رائد: اممم وش صرا... كيييفاااه وقتاااش.... هاااداااا تحكو #####.. ##### ماتكم كيما راكم مخدم حمير عندي واقيل... اوكي اوكي نتفاهم معاكم من باعد راح نرجع لدزاير ليوم تهلاو عسو حتا نرجع. .. مسح على وجهو بقوة وتلفت لقاها واقفة في وجهو... تعداها وراح يجبد في قشو دخل لبس وخرج لقاها خرجت... حمل تلفونو... رائد: اتجمعو كامل في المقر درك يجي مساعدي يعطيكم التعليمات... كوبا وجبد فاليز صغيرة يعبي في قشو فيها جملو وهبط لتحت لقاها قاعدة مع ألاء في جردان عند الباب قرب منهم تلفتو ليه سيليا تهرب في عينيها منو... اما ألاء حملها حضنها... رائد: حبيبتي انا لازم نرجع لدزاير عندي خدمة ضروري راح نرجع قدام العملية تاعك.... ألاء: بابا وين لايح مبكاس بذاف الى أمليتي...(بابا وين رايح مبقاش بزاف على عمليتي) ... رائد باسها: لا راح نرجع قبلها نوعدك.... حضناتو ألاء وسكتت.... هبطها رائد: هيا روحي للمربية تاعك تعطيك دواك... راحت ألاء و هو تلفت لسيليا... وقفت سيلياجات تمشي جبدها من ذراعها رجعها... سيليا عقدت حواجبها مد رائد ايدو ورا ضهرو جبد سلاح حطو في ايدها... رائد: تهلاي في ألاء انا راجع لدزاير وراح نحاول نرجع ليوم راكي وحدك درك حاط فيك ثقة وعلابالي متقدريش تضري ألاء.... دمعو عينين سيليا وهبطت راسها... قرب منها رائد باسها من جبينها... رائد: بنتي امانة عندك.... هزت سيليا براسها بعد عليها رائد ومشا خرج خلاها تشوف في سلاح لي في ايدها وتخمم....أّلَـــمًوٌأّجّــــهّـةّ🔥
DU LIEST GERADE
المواجهة 🔥
Humor#جديــــد♕ #ممنووووووع_نقـــل_بدوون_اذنـــي بعد النجاح لكبير لي حصداتو كرونيك ارملتي المتمردة جيتكم بالجديد تجربة هاد المرة جديدة بزاف وستيل جديد عليا نتمنى تعجبكم 😍😍 #مقتبس_عن_قصة_حقيقية
