عٍشُگ ضآبطُ ۆغرٍۆرٍ ضآبطُہ

البارت 19

هلاوو..

شهد. طلعت من مكتب بابا ورجعت لمكتبي كعدت اشتغل كملت وطلعت للبيت دخلت وأخذت شاور وبدلت ونزلت وكعدت على القنفه

ام جلال. شبيج ماما

شهد. مابيه حبيبتي

سمر. لا بيج شنو احجي

شهد. والله مابيه بس احس التعب اليوم كله طلع عليه

سمر. اليوم نروح لمعرض هيام

شهد. بكيفج انا وياج

سمر. خوش ماما

شهد. احس مامرتاحه اليوم كله كعدت واباع تلفزيون وي ماما وبابا اليوم معزوم على اجتماع غده وجلال ونمر وهاشم ويا لان جماعته الي عازمي كعدو يتغدون بس انا ما اشتهي ضليت اباع بالموبايل والانستا الي ما افتحهه ابد جنت خاله صورتي من تخرجنه انا ونمر اجتني متابعه من وحده خاله صورت ضابط وكاتبه مرت الضابط ضحكت

.. رفضت الطلب ورجعت اباع بالبيجات مالت الاخبار وهاي

سمر. يلا ماما الساعه 2 ونص كومي بدلي

شهد. هيج اروح ماما مالي خلك

سمر. كومي

شهد. جنت لابسه تراكسود مال رياضه فالينه شوي قصيره وبيجامه انا من النوع الي ما احب اكشخ واطلع اي شي البس طلعنه وصعدت بسيارتي وماما بصفي وأم أزل وليان ويانه وصلت ونزلنه دخلنه وابتسمت هيام واخوهه دوم يتناكرون

هيام. ولك منا اخذهه

اخو هيام. ولج مناااا احلى

هيام. ولكك

سمر. هاي شبيكم

هيام. هلا خالتو شبينه غير حسن مخبلني

حسن. اكلي تبن لج

هيام. ما اكلك لك

حسن. اوف شونج خاله ام أزل وليون هلا والله نورتونه بس شهد مامنوره ولج وين ال انوثه الاناقه وين جايه بتراكسود

شهد. انلصم وين الي خلك انا وبعدين اريد اروح للجم

حسن. جا شعندج جايه

شهد. غير سمر هانم تريد انا اشوف بدلت العقد

هيام. تدرين ما اصدك يعني انتي تزوجين وتصير عندج انوثه ابد

شهد. ولا انا والله بس شسوي أمر القوي على الضعيف سمر وهادي ثنينهم عنودين وانا صايره مالي خلك كمت اماشيهم

سمر. شوف صارت جنهه عجوز وتشكي من جناينهه

هيام. هههههه

شهد. استعجلي حبابه عندي روحه للجم وهم مناك عندي طلعه

سمر. تعاي دومج مستعجله

شهد. ليان وي بيبتج انتن اختارن انا ما اعرف والله انزل بالبنطلون عندي عادي