احببتك حته بات حبي يؤلمني

نبدي بلقصه

تاريخ 2019/بشهر 10 /14

هلاو اني اسمي نور عمري 18
موصفاتي بيضه وشعري طويل بس موحيل عيوني خضر طولي 169 وزني 47 زين يعني ههه اني البنيه الوحيده لهلي ماعدي لا اخ ولااخت بابا اسمه ياسر وماما هدا وعندي عم واحد وماعدي عمات وخوال بس خاله وحده وخال واحد اني ادرس صف 5 اعدادي. وبابا ضابط مقدم وحالتنه زينه الحمدلله
كافي تعريف عني نبدي بلقصه

#نور
كاعده بلحديقه وضوجه وافكر. بزوجي المستقبل 🙂 فا اجت ماما

_نور يلله كومي تانحضر ملابسنه وهاي راح نشيل
من هين شترينه بيت يم عمج حسين

_ماما خوما بس وحدنه نشيل الغراض
ولله اني ماكدر /_لاهسا تجي خالتج تعاوني وبناتها

_ ديلا عجل كمنه وعزلنه شويه واجت خالتي

وبدينه نلم الغراض واجه بابا ورجل خالتي

_ياسر بابا نور تعاي لاشيلين غراض

ثكال هسا احنا نشيل _ماشي بابا
طبعن اني ماشيل غراض ثكال او اركض لئن بيه خفقان بس مودرجه قويه

لمينه الغراض وكامو ينكلون بيهن واني فرحانه هواي

لئن راح نشيل منهين ماليت من هاذ البيت

فا نكلنه كل الغراض ضلن بس الملابس ع باجر

بيت خالتي ضلو يمنه ع عشه _هدا يلله بنتي سوي

زلاطه ناعمه حته نصب الاكل عيب تاخرنه

_ماشي ماما بس اكمل وروح انام نعست

_هدا اي بنتي هامج بس النوم ديلا كملي وروحي نامي

_سويت زلاطه وتعشو وراحو غسلت المواعين ورحت نمت

ماكعدت لنص اليل بل 3 هيج شبعانه نوم

كمت طلعت المبايل فتت كلبت بل انستا شفت

صفحه لفتت انتباهي وفتت عليها جان
صاحب الصفه يجنننن يربي ضيمم
وهم ضابط مدري شنوو
واني احب الضباط

كون هيج شخصيه وعمره بل 30
وبس عنده شوارب

وعنده سياره وشخصيه وغيورر 😭😭 اخربب ياعالممم

وكون يحبني الله ولبنات ميتات عليه
ويجي هوا يختارني

نفضت افكاري وحلامي وفتت للستوري

جان كاعد بلسياره مالته وكاص صوره
وحاط اغنيه شيعيه

ياحضي شنو هاذ ضيم ☹️
فا توين تااخرج

واجتني رساله منه فتحتها وانصدم كاتب
لاتفترين بحسابات العالم

كلت عابت هسا اني شسويت بس بكلبي
وجان اخرج
وطفيت المبايل ونمت
وماكعدت ائله ماما كعدتني

_هدا يلله نوننه اكعدي تريكي حته نلم الملابس
 
ونروح يلله _هااماما كعدت ماما شيعزل البيت
ولله شايله همم

_هدا اي اي ابجي انوب ولج البارحه
اكلج كومي نحضر الغراض دكولين شيحضرهن
واتعب وهسا دكولين شيعزلهن
كومي كومي

_تنهدت وكمت تريكت وبدينه نعزل واني اسخت

شويه اعزل وشويه اكضب المبايل

_هدا لججج نورررر عوفي المبايللل هسا ابوج
يجي ويلكينه مامكملين

راح اكسره تره يلله عوفي _اي ماما عفته كلشي

ولاتكسري عفته وكمت عاد كملنه واجه بابا

هوا وابن عمي الغثه شكد اكرهو ادبسزز طايح
حضه امداه

_ياسر يلله باباتي روحي صعدي بلسياره

وحنه خسا نحط الملابس _اوك بابا رحت اول شي صعدت فوك بدلت لبست فستان وردي وصخ

وسويت شعري ذيل احصان ههههه
وحطيت حمره ورديه خفيفه

ولبست حذا لونه ترابي وخذت

مبايلي ونزل وجان الكي ابن عمي واكف الغثه
اسمه مصطفه
_مصطفئ هلا يابه سلمي شي شبيج

_انته يوميه بوجهي ليش اسلم عليك

_السلام لله عيني الحلوه

_عفته ومشيت سمعته يكول اويليي

عابت شكد زحاف كبرر ملطلط
صعدت بلسياره وجيه بابا ورحنه للبيت
الجديد ياربي متحمسه
_هدا ع كيفج ماما سنونج وصلن لذانتج

_ماما حيل فرحانه همزين خلصنه من البيت ذاك

_هدا ايولله همزين ابوج يكول البيت ايجننن

_صدكك ياربيي ايمت نصل اكلج ماما ومدرستي

_ياسر نقلتج بنتي من البارحه

_هاا صدك خوش مدرسه بابا _ايولله خوش
مدرسه وبس بنات

ها اوك
وصلنه واخيررر نزلت جان الشارع فارغ بس
فخمم وحلو هههههه هوش شارع البيوت كلهن فخمات

فا فتنه للبيت جاننن ايجنننن يربي الحوش بي حديقه اجنن ورد جوري فتنه عاد اول شي
مطبخ بابه وحد وستقبال بس المطبخ يفصلهن

بس ممر وصاله جبيره يلفها درج وفوك ثلت غرف وجوه غرفتين وحده بس الاخره

يخبللل😭😭 ولكينه نص الغراض مصفطات
طلعت مرت عمي مصفطتهن
🙂 فا فتنه صفطنه الغراض بس اني ماصفط

بس كلاوات هيج هنه يصفطن ههههه

كملنه كلشي عاد وبابا راح جاب عشه
من بره بيت عمي راحو بيتهم بسد بيتنه

تعشينه وثاني يوم كعدت بل حديقه حيل حلوه

نوب جعت واكو محل بسدنه موبعيد كلت لماما
وجان اروح

طلعت وجان اشوفلكم الشوفه منو يطلع
ياصدمتي

# هلاوو طبعن تعبت اول مره اكتب هيج ههه بس لخاطركم المهم 660 كلمه صعدو القصه عفيه

لاتفشلوني 💔💔 ونتضروني انشر ائلكم انشالله لحد الان ماقرره موعد للنشر بس ضيفو القصه للمكتبه
عفيه تفاعلو واي غلط املائي كولولي