رحت الديوان واني كارط ذبانه ياهو يحجي وياي انهد بي صاير بارود والله اتوقع حت جدي رزلته بدون ما ادري والكعده انحلت بس بالصياح هه كملت وطلعت المزرعة يم الفلاليح هم يشتغلون واني جكاره ورى جكاره شوي هديت ورحت البيت جانو الكل كاعدين يتغدون واكو مكان يم جدي محد يكعد بي غيري حت اذا جنت غايب تخيلو يبقى نفس ماهو محد يكعد بي المهم. كلت سلام عليكم الله الكل: وعليكم السلام تعال تغده
الشيخ_ الف عافيه اريد انام ما اشتهي صعدت بدلت ونمت
الساعه8بليل
الشيخ سعود_ كعدت الساعه 8اوو شكد نايم بس تعبان حيل غسلت وجهي وبدلت نزلت موجودين كلهم بس جدي طالع وحميد هم معزومين على ذكر (ما يعرف شنو ذكر يعني مولود هم عازميني بس جنت نايم
ساره سارهه
هاخويه الله يساعدك صح النوم
ويساعدج خيتي اريد استكان جاي سريع واريد براستول
ساره_ تمام بس اول شي راح اجيبلك عشه لان انت كلشي ما اكلت اليوم
براحتج
شوي وجابت الاكل اكلت شلون ما جان وشربت جاي واخذت حبايه وطلعت بالحديقه الجو حلو والحديقة تجنن كعدت استنشق هوى شوي ودك تلفوني هذا مرتضى
ها يول شلونك جا شنهي صاير ما نشوفكك هاا وينكك
سعود_ ههه والله مشغول تمام الحمدلله انت شلونك
مرتضى_ تعال كاعدين (...) اركب سيارتك وتعال
سعود _ تمام جاي يالله باي
رحت عليهم كاعدين هناك كلهم ويشربون جاي ونراكيل ويسولفون سلام عليكم شلونكم.
هلا هلا شيخ حياك الله شخبارك الحمد الله وانتو
احنه تمام الحمدلله
حارث_ قربت القمجي هاك
اريد جديده
تعال جيب الشيخ وحده كعدت ادخن بهدوء وهم يسولفون وبس اباوع عليهم. شوي واجاني شعار من ساره
طلعت ورحت البغداد وصلت المستشفى (...) غرفة رقمها (..) هناك صاير خريطه سكراب شوداك ابن الزم... اكعد واسكت يارب صبر ايوب
عفوا انت الشيخ سعود
اي اني الشيخ سعود.
المريض حالته مو كلش تمام وكلبه تعبان كلش
لا تضلين تخرطين احجي بسرعة يموت لو يعيش والله بقت يم الله ادعوله
شوي واجه. ضابط حيا ضخم وجبير وحلو
سلام عليكم
وعليكم السلام.
انت ابن عم الموجود بغرفه رقم (..)
اي اي اني بس لا انت الضابط جاسم
اي طبعا اني شفته ايده شادها واكف
شوف ياب وحق الله لو ما اعرف هذا الولد من عدكم وداعت امي اودي السجن فوك ما هو مريض وغلط بحقنه هو
شوف لا تحجي زايد بس اشوف حالته واني اتصرف
الضابط_ شوففف لا تحجي بهاي الطريقة لا ادوس بطنك هذا هو غلطان. وهاي فلوس العلاج شمرتها علي وركعت الكرسي وطلعت شايط فوك ما غلطانين يجون ياكلون خر.. اريد اولي على البيت لان صار هواي اني صاعد الشغل رحت بوجهي المركز اخذت غراضي ورحت اريد اخذ اجازة ما يقبل طلعت مسدس وحطيته على راسه اذا ما تكتب اسمي وانزل افلش راسكك يالله
ما اكتب وشتريد سوي شنو نشتغل عندكك
تمام سحبت اقسام وضغطت اكثر يالله
تمام راح اسجل اسمك انزل
تمام اني طالع
بس طلع من مكتبي خابرتهم وكتلهم ضابط جاسم نزل بدون ما ياخذ اجازه ولا يكول وفوكاهة هددني
شهم _ عوفه اني اتصرف ويا هذا كلش صاير يتمادى
جاسم_ نزلت البيت وشفت ريان وخواتي وامي الكل وكل سئل على ايدي كتلهم ماكو شي ها ريان الحلوة شلون صرتي
ريان_الحمد الله
دومج يبعد اخوج
شنو يماا ماكو غده اليوم هاا وانتو هلكد نسوان بالبيت
