قربان: شنوه؟؟
صراع:عرفت رح تسوين هيج باعيلي
قربان:مستحيل! شبيك انت شلون اتزوجك
صراع:بس خليني احجي
قربان: شنو تحجي متستحي انت بس لا شايفني من هذني الساقطات الي وي ام نور تره اني قربان!
صراع بصوت عالي: ولج بس دهر فرج مو لسان شاجور بس سدي حلكج خليني افهمج
قربان : اوكي اسفه
صراع:بله ع راسج شني من مره انتي
باعيلي اني وياج رح نتزوج وماكو شخص هنا يساعدج انت مو ب الريف انت بغداد هنانه ناس تاكل ناس ماكو ناس ع نيتها لو يشوفون بنيه بجسمج ولساننج وفستانج يغتصبونج!
قربان: شسوي ؟
صراع: نتزوج
قربان:اذا قبلت مراح اندم؟
صراع: احه مو اني الي نقذتج من دواعش
قربان: اي صح اوكي موافقه
صراع :اوك عروستي هههه
قربان:لتصدك نفسك ع الورق بس
صراع: مو صوجج صوجي اني كلب ابن كلب وخفت عليج
قربان:شنو ذنب الكلب
صراع:شنوه ولج
قربان: ماكو شي
صراع:صعدي نروح لكربلاء
قربان:شنو كربلاء
صراع:كعدت اسولفلها على كربلاء والمكان الاسلام الطريق كله ونامت ورا نص ساعه
صراع:قربان كعدي
قربان:شكو شبيك
صراع: وصلنه كومي يله
قربان:كمت وين ماخذني؟
صراع: باعي هذا مكتب مال سيد وهذا المرقد مال ائمه الي سولفتلج عليه. وهذا السيد الي رح يعقد النه
قربان:انت مو كلت ميصير زواج مسلم وي مسيحيه ؟
صراع: اي مو انتي رح تسلمين
قربان: شلون ماكدر اتخله عن ديني؟
صراع : براحتج بس انت رح تكولين للسيد انو انت مسلمه ك شكل حت يعقد
قربان: اوك
صراع:دخلنه للسيد وقعنه عقد وهي عينها بعيني خوف ع لهفه وبنفس الوكت تنطيني نضره اوكي عادي
قربان:عمو
صراع:خاب خزيتينه عمو شنو صراع اسمي صراع مو تصيحيلي يم اهلي عمو
قربان:هسه اني شحجيت؟
صراع: روحي غسلي وجهج هناك بهذاك المكان واني انتضر هنا واجيبلج عبايه حت نزور ميصير نفوت لكربلاء وما نزور
قربان: تمام
اجيت
صراع:جبتلج هاي لبسيها
صراع:اخذتها مني وما تعرف وجهها من كفاها ضحكت ع شكلها. تقربت عليها بنص الشارع الي يصير مقابيلك الامام
صراع:اوكفي اني اعدلها شدتعملين انتي
قربان:شسوي ماعرف وهذا وجها🥺
صراع:تعالي . ضليت اعدله الها وهي تباع عليه ماعرف شلون سيطرت من نضره عينها البريئه!
صراع:خلصت
قربان: نروح سوه مو
صراع: لا انت رح تفوتين منا واني منا
قربان: اخاف اضيعك؟
صراع: بس اني ماضيعج !
قربان: وين اروح هسه
صراع: تعالي
شفت مره جبيره دازور ومبينه فقيره
صراع:حجيه الف رحمه ع والديج ما تاخذين هاي البنيه تزوريها صغيره وما تعرف احد هنا واخافن تضيع
الحجيه:دلل يمه ماعوفها
صراع: اني هنانه انتضر
قربان:لتروح وتعوفني
صراع: هنا والله بس ازور واجي هنا
بيت صراع:
زحل: عماد عيني وين صار جوقي ما اجه لهسه مو كال يومين ونازل؟
عماد : والله هذا ابنج كلبي يكلي وراه مصيبه
جان تدخل يمين: بااباااااااااا
عماد: يا ستار ياربي شكو
يمين:بابه انطيني بوسه
عماد:ولج عيب مره شكبرج تدللين
زحل:دبوسها يا عيني وذا هسه صارت سبعطعش خليها تدلل
عماد:تعالي بروح ابيج شنو مناسبه هاي الحنيه بله
يمين:اممم باع شوف اريد اشتري ايفون وصديقتي عدها وتغورني وشوف يعني اني درجاتي كلها ميات وشاطره
عماد:شووو شوفيني
يمين:هاك شوفهم حت ست اميره تحبني
عماد:عفيه والله تستاهلين هسه اوصي صراع بس يجي
يمين:خيولي مزعلته لان ميسأل عليه
عماد:عيب يابه شنو خيولي اخوج الجبير هذا وبعدين هو سأل عليج ب المستشفى
يمين: يعني اجه لبغداد
عماد:اي بويه بس صار عده ضرف ورجع للعماره اليوم ينزل
يمين:تمام بابا اني بغرفتي
عماد: ولج زحوله كومي سوي باميه مشتهيها من ايدينج
زحل: ولا تبطل سوالفك يابو جوقي
عماد:كون يسمعج صراع تصيحيله جوقي ههههه
قربان:فتت وي المره للمكان وفوك شي يلمع وريحه طيبه وبروده نسمه هوا تشرح الصدر ماعرف شنو سبب الي خلاني ادمع واحس نفسي حاضنه شخص واشكيله همي
الحجيه:خاله تعالي نصلي
قربان:لا اني صليت
الحجيه :لعد كعدي يمي يمه هاي جنطتي يمج
قربان:صار خاله
اباع عله المره تبجي
قربان:خاله ليش تبجين شكو
الحجيه: خاله اني ابني شهيد ومرته حرمتني من حفيدي اخذته وراحت واني وحيده يوميه هنا اجي اشكي لرب العالمين ولابوفاضل بلكي بزودهم يرجعلي اخر ريحه من وليدي
قربان: اسمع الحجيه وعيوني تكت دموع
الحجيه:كومي يمه نزور
قربان:وين
الحجيه:الضاهر اول مره تجين هنانه اكيد حترتاحين
قربان: يله خاله
الحجيه:جلبي بعباتي خاف تضيعين
قربان:دخلت بمكان هواي كلش بي مثل خاله لابسات عبايه وحده فوكاهن لازمه ريشه وتضرب بيهم مافهمت شنو هذا التقليد الغريب
اتلفت منا ماكو خاله ضليت ابجي واصيح
شافتني مره عجوز كلش سألتني اني منين كتلها اريد اطلع منا ودلتني طلعت برا ادور على صراع ماكو اتلفت واصيح صراع العبايه وكعت واني ابجي
نداريت وراي لكيته واكف ونضره الخوف بعينه
صراع:شبيج قربان؟!
قربان:حضنته حيل وخليت وجهي بصدره وابجي حباب لتعوفني
صراع:اول مرا تسويها تجمدت بمكاني خليت ايدي على راسها
ورفعته
صراع:شو ياعيلي
رفعت راسها وعينها مليانه دموع
صراع: اني مو كتلج اذا تضيعيني اني ماضيعج شوفيني هنا ماعوفج
قربان:حسيت ع روحي ورجعت ليوره
مسحت دموعي. وباوعت عليه
صراع
صراع:ها
قربان:جوعانه
صراع:تعالي ناكل
قربان:تمام بس لتعوفني
صراع:طفله والله طفله
قربان:انت طفل
صراع:شنوه ولج شدتدردمين
قربان: داكول اريد فلفل وي الاكل طيب
صراع:ها عبالي
يله تعالي هنا مطعم يخبل مال صاحبي ناكل
قربان: دخلنه للمطعم
وطلبنه كباب
جاي ناكل جان تجي مره عمرها متوسط حلوه
المره: ولك صراع شلونك شنو هاي الغيبه شنو هاي علكيفك عيني الجلب العضك كتلناه
قربان: جاي اكل اللكمه بحلكي ومصدومه من كلامها وصراع يباع عليه ومبتسم بوجها
المره: ها ولك منو هاي
صراع: هله وجدان هاي مرتي!
المره:لا تشاقه وينك وين الزواج بعدين هاي مرتك محلوه يمعود لو كايلي اطيك وحده فول بت عمتي
صراع: بت عمتج ام عطوب الي نلكفت وي صلاح المطيرجي ؟
قربان:غصيت ب اللكمه ومتتتتت ضحك
صراع: رووحي منا وجدان 🙂فرصه سعيده
قربان:يمهههه
صراع: وكرص شبيج تضحكين مثل المخبله والزلم كلها صافنه عليج
قربان:وذا صفنو
صراع: قربان سكتي هاج هاي كبابيه دحسيها بحلكج وسكتي
صراع: كملنه اكل ورحت لبغداد شتريت حلقات ولبستها ولبست مالتي حت كدام اهلي والله الي يستر بعد
قربان: وصلنه للبيت مالتهم جبير كلش وبي مرجوحه وشجره. وعدهم جلب حلو برا
دخلت واني ورا صراع مجلبه بهدومه
صراع:شمالج
قربان:خايفه
صراع: تعالي وياي اش
فتحت الباب امي
زحل :وليدي حبيبييي
حضنتني ورجعت ليوره مستغربه
زحل:منو هاي وليدي؟
صراع: مرتي يمه......يتبع
