ثم ننفض غبار الماضي ،وننهض بعزم،فنحن لم نخلق لننظر خلفنا 💛.
عشق شاهر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شاهر : بده الامل يكبر بيه وكل بالي هو انو اتقرب الها واكون الها صديق وعسا وعل توافق بمرور الوكت ورة يومين من بعد النقاش وخابرت ابوها
شاهر : هلاا عمي
الاب : هلاا وليدي شلونك
شاهر : والله عمي الحمد الله بخير انت شلونك صحتك شلونها امورك
الاب : واللهِ كل اموري بخير والحمد الله
شاهر : الحمد الله
بس ردت اخذ اذنك بشيء
الاب : ايي تفضل ابني كول
شاهر : والله يا عمي اذا تقبل من بعد اذنك اريد اتقرب الريتان واكون الها صديق او اخ اذا تقبل وعسا وعل تتقبل
الاب : والله يا ابني ما اعرف شنو اكول بس اني عندي ثقه بيك واعرفك كلش زين وبنتي تربيتي واعرفها ما تغلط فـ اكيد اقبل عندي ثقه بيكم واعرفكم واعرف تربيتكم شنو
شاهر : فدوا اروحلك عمي ان شاء الله كد ثقتك وما اخون الثقه ابد
نهيت الاتصال واني الفرحه بداخلي وابتسامتي نرسمت و وكلت اموري للباري عز وجل واني كلي امل
نزلت وامي من شافت فرحتي كالت
امي : يا فدوا لوليدي عساها هاي الضحكه ما تغيب ولا تطفه فرحتك
نزلت وبست ايدها وراسها وصحت سماا وينج خويه سماوي
سما : هاا خويه حبيبي محتاج شيء
شاهر : اي والله يبعد اخوج عندج رقم ريتان ؟
سما : ايي خويه عندي بس ما اكدر شلون انطي الك وهي واثقه بيه ؟
شاهر : لا خويه انطي وهاهيه اصلا حتى ابوها عنده علم انو ع تواصل فـ لا تخافين انطي واني اكلها اني جبرتها تنطي
سما : هاهيه خويه
جابت الموبايل وطلعت الرقم ودزته الاخوها وهو حفظ الرقم وبدة توترة شلون يبدي وبيمن يبدي وشيكول؟
كدامي اسمها My pretty ❤
ومخليه نص وجها صورة بقيت اتأمل بوجها وگلبي ينبض بكل قوته وبالاخير كتبت
شاهر : مرحبا
دزيتها واني انتظر ع نار شوكت تجاوب ويجوز ما تجاوبني احتمال يجيني بلوك منها ضحكت ع تفكيري واني انتظر دخلت لكيتها شايفه الرساله بس ماكو بلوك بقيت انتظر وانتظر ومرت ساعه و جان تجاوبني
_ مراحب اخي منو وياي ؟
ما عرفت شجاوبها وشكول اكول شاهين اخاف ما تعرفني زين اكولها ابن خالج اخاف عبالها عن الخطبه وما تحجي حرت شجاوب بقيت صافن جان ترجع تكتبلي
_ العفو اخي تعرفني ؟ منين جبت رقمي
وكانما نقذتني بهذا كلامها
شاهر : اي اعرفج
_ منو وياي اذا تعرفني ؟
شاهر : اني شاهر ابن خالج شهاب
_اهااا هلا بيك اخويه معرفتك
ضحكت ع كلمة اخويه اجيت اكتبلها يا اخوج ولج بس بعدين كلت طبعا تكلي اخويه قابل تكلي حبيبي
شاهر : اني طبعا اخذت الاذن من ابوج وهو يعرف وردت اتعرف عليج ونكون اصدقاء اذا تقبلين ؟
_ ءحم ولو مو وكتها بس مو انتَ الي خطبتني ؟
شاهر : اي نعم اني خطبتج و ما صار نصيب وعادي وردت اكون الج صديق اذا ما ترفضين وتقبلين
_ لا عادي بالعكس انت مو غريبب وابوي دوم يحجي بيك ومدام خلاك تتقرب مني وتكون صديق الي فـ اكيد انت كد الثقه ومراح ارفض 🤍
واني كبل رسمت ابتسامه وفرحه بداخلي وتعجب ع كلامها وندمجت بالحديث وياها
شاهر : عرفيني عنج
_ اسمي ريتان عمري 17 سنه وطالبه خامس علمي
وانتَ ؟
شاهر : اسمي شاهر عمري 26 خريج كابتن طيران
_ الله حلو يعني طيران وسفر شابع سفرات لازم
شاهر : بس تعب ومسؤليه ويراد تركيز بس بعد الحلم وتحقق
_ اها يعني حلمك هذا جان ؟
شاهر : ايوا وانتِ شنو حلمج.او طموحج
_ اممم حلمي قانون محاميه اكون
شاهر : كلش حلو بس يرادله قوة وعقل وتفكير مو بسهوله
_ اعرف وكلهن موجودات بس من راح تتقرب مني راح تشوفهن بيه
شاهر واستمرينه بالحديث وما حسينه اله وصاير الفجر وضحكنه ع اندماجنه واني حسيت نفسي طاير من الفرح طفيت الموبايل وصليت ودزيتلها
يله صلي و نامي بنيتي
انتظرتها ترد شويه وجاوبتني
_ بنيتي شنو لا تشوف نفسك هو كله فرق 9 سنوات
ضحكت ع جوابها
شاهر : يله يولي روحي نامي مو زين السهر
_ ما دكول النفسك منو خلاني اسهر غيرك
شاهر : ههههههههههههههه لج يول هديتي عليه ؟
_ ههههه لا بس اشاقه يله تصبح ع خير
شاهر : وانتِ من اهلي ❤
شافت الرساله واني كبل سويت نفسي سحكت وعدلت الرسالة خليتها اهلو وضحكت
وهي غلست ونمت واني مرتاح وبداخلي فرح ودعيت بداخلي انو تكمل فرحتي ما تخرب
.....................................................................
وهنا نختم وياكم البارت الـ 2 انتظروني بالبارت اللخ وان شاء الله نال اعجابكم البارت 🤍
باي
أنت تقرأ
عشق الشاهر
Science Fictionهالمرة روايه مختلفه نوعا ما حب من طرف الشاب ومعاناته معه الحب هل سينجح هذا الحب ؟ ام للقدر رأيي اخر .. ! . . . عشق الشاهر .. ♡
